ಗೂಗಲ್ ವಿರುದ್ಧವೇ ಕೆಂಡಾಮಂಡಲವಾದ ಕೈ ಐಟಿ ಸೆಲ್ ಮುಖ್ಯಸ್ಥೆ ರಮ್ಯಾ
ಈ ಡಿಜಿಟಲ್ ಯುಗದಲ್ಲಿ ಎಲ್ಲ ಮಾಹಿತಿಗೂ ಗೂಗಲ್ ಮೇಲೆ ಅವಲಂಬಿತರಾಗುವುದು ಸಹಜ. ಹಾಗೆಯೇ ಕಾಂಗ್ರೆಸ್ ಐಟಿ ಸೆಲ್ ಮುಖ್ಯಸ್ಥೆ ರಮ್ಯಾ ಭಾರತದ ಮೊದಲ ಪ್ರಧಾನಿಯನ್ನು ಗೂಗಲ್ನಲ್ಲಿ ಸರ್ಜ್ ಮಾಡಿದ್ದಾರೆ. ಜವಾಹರ್ ಲಾಲ್ ನೆಹರು ಅವರ ಮಾಹಿತಿಯನ್ನು ಸ್ಪಷ್ಟವಾಗಿ ತೋರಿಸುವ ದೈತ್ಯ ಸರ್ಚ್ ಎಂಜಿನ್, ಪೋಟೋವನ್ನು ಮಾತ್ರ ಪ್ರಧಾನಿ ಮೋದಿಯದ್ದು ತೋರಿಸುತ್ತಿದೆ. ಇದಕ್ಕೆ ರಮ್ಯಾ ಪ್ರತಿಕ್ರಿಯೆಸಿದ್ದು ಹೇಗೆ?
ಬೆಂಗಳೂರು: ಈಗಿನ ಡಿಜಿಟಲ್ ಯುಗದಲ್ಲಿ ಪ್ರತಿಯೊಂದು ಮಾಹಿತಿಗೂ ಗೂಗಲ್ ಅನ್ನು ತಡಕಾಡೋದು ಸಹಜ. ಕಾಂಗ್ರೆಸ್ ಐಟಿ ಸೆಲೆ ಮುಖ್ಯಸ್ಥೆ ರಮ್ಯಾ ಸಹ ಭಾರತದ ಮೊದಲ ಪ್ರಧಾನಿ ಯಾರೆಂದು ತಿಳಿದುಕೊಳ್ಳಲು ಗೂಗಲ್ ಮೊರೆ ಹೋಗಿದ್ದಾರೆ. ನೋಡಿದಾಗ ಅವರಿಗೆೊಂದು ಅಚ್ಚರಿ ಕಾದಿತ್ತು.
ಜವಾಹರ್ ಲಾಲ್ ನೆಹರು ಎಂಬ ಮಾಹಿತಿ ತೋರಿಸುವುದರ ಜತೆಗೆ, ಪ್ರಧಾನಿ ನರೇಂದ್ರ ಮೋದಿ ಅವರ ಫೋಟೋ ಕಾಣಿಸಿಕೊಂಡಿದ್ದಕ್ಕೆ ರಮ್ಯಾ ಗರಂ ಆಗಿದ್ದಾರೆ. ಈ ಬಗ್ಗೆ ಗೂಗಲ್ಗೆ ಟ್ವೀಟ್ ಮಾಡಿದ ರಮ್ಯಾ, ಇಂಥ ಕಸವೇ ಗೂಗಲ್ನಲ್ಲಿ ತುಂಬಿದ್ದು, ದಯವಿಟ್ಟು ಸರಿ ಪಡಿಸಿ ಎಂದು ಕೋರಿದ್ದಾರೆ. ಮೋದಿ
ವಿರುದ್ಧ ಸದಾ ಕಿಡಿಕಾರುವ ರಮ್ಯಾರಿಗೆ, ನೆಹರು ಮಾಹಿತಿ ಹುಡುಕಿದಾಗ ದೇಶದ ಮೊದಲ ಪ್ರಧಾನಿ ಫೋಟೋ ಬದಲು, ಈಗಿನ ಪ್ರಧಾನ ಚಿತ್ರ ಕಾಣಿಸಿಕೊಂಡಿದ್ದು ಸಹಜವಾಗಿಯೇ ಆಕ್ರೋಶ ತರಿಸಿದೆ.
.@Google @GoogleIndia what algorithm of yours allows this?! You’re so full of junk- pic.twitter.com/GHyxh3fEWm
— Divya Spandana/Ramya (@divyaspandana) April 25, 2018
ಆದರೆ, ಪ್ರಧಾನಿಗಳ ಪಟ್ಟಿಯನ್ನು ನೋಡಿದರೆ, ಎಲ್ಲ ಮಾಹಿತಿಗಳೂ ಸ್ಪಷ್ಟವಾಗಿದ್ದು, ಬಳಸಿರುವ ಫೋಟೋಗಳೂ ಗೂಗಲ್ನಲ್ಲಿ ಸರಿಯಾಗೇ ಇವೆ. ಫಸ್ಟ್ ಪಿಎಂ ಆಫ್ ಇಂಡಿಯಾ ಎಂದು ಸರ್ಚ್ ಮಾಡಿದಾಗ ಮಾತ್ರ ಮೋದಿ ಗೂಗಲ್ ನೆಹರು ಹೆಸರು, ಮೋದಿ ಫೋಟೋ ತೋರಿಸುತ್ತದೆ.