ವಿಧಾನಸೌಧ ತಲುಪಿದ ಪ್ರತಾಪ್ ಗೌಡಗೆ ಡಿಕೆಶಿ ಮಾಡಿದ್ದೇನು?
- ವಿಧಾನಸೌಧ ತಲುಪಿದ ‘ನಾಪತ್ತೆಯಾಗಿದ್ದ’ ಕಾಂಗ್ರೆಸ್ ಶಾಸಕ ಪ್ರತಾಪ್ ಗೌಡ
- ವಿಧಾನಸೌಧದ ಪ್ರವೇಶ ದ್ವಾರದಲ್ಲೇ ಮುಖಾಮುಖಿಯಾದ ಡಿಕೆಶಿ- ಪ್ರತಾಪ್ ಗೌಡ
ಬೆಂಗಳೂರು [ಮೇ.19]: ರಾಜಕೀಯ ಹೈಡ್ರಾಮಾಗಲು ಆರಂಭವಾದ ದಿನಗಳಿಂದ ನಾಪತ್ತೆಯಾಗಿದ್ದ ಮಸ್ಕಿಯ ಕಾಂಗ್ರೆಸ್ ಶಾಸಕ ಪ್ರತಾಪ್ ಗೌಡ ವಿಧಾನಸೌಧ ತಲುಪಿದ್ದಾರೆ.
ವಿಧಾನಸೌಧ ತಲುಪುತ್ತಿದ್ದಂತೆ ಕಾಂಗ್ರೆಸ್ ನಾಯಕ ಡಿ.ಕೆ.ಶಿವಕುಮಾರ್ ಮುಖಾಮುಖಿಯಾಗಿದ್ದಾರೆ. ಈ ಸಂದರ್ಭದಲ್ಲಿ ಡಿಕೆಶಿ ಅವರನ್ನು ಅಡ್ಡಗಟ್ಟಿದ್ದಾರೆ ಹಾಗೂ ಜೇಬಿನಲ್ಲಿ ವಿಪ್ ಇಟ್ಟಿದ್ದಾರೆಂದು ಹೇಳಲಾಗಿದೆ.
ಶಾಸಕ ಪ್ರತಾಪ್ ಗೌಡ ವಿಧಾನಸಭೆ ತಲುಪಿದ್ದಾರೆ, ಅವರ ಬೆಂಬಲ ಕಾಂಗ್ರೆಸ್‌ಗೆ ಇದೆ ಎಂದು ಡಿಕೆಶಿ ಈ ಸಂದರ್ಭದಲ್ಲಿ ಹೇಳಿದ್ದಾರೆ.
ವಿಶೇಷವೆಂದರೆ, ವಿಧಾನಸಭಾ ಸಭಾಂಗಣ ಪ್ರವೇಶಿಸಿದ ಪ್ರತಾಪ್ ಗೌಡ ಪಾಟೀಲ್ ಕಾಂಗ್ರೆಸ್ ಶಾಸಕರ ಜೊತೆ ಹೋಗಿ ಕೂತಿದ್ದಾರೆ. ಮಧ್ಯಾಹ್ನ ಶಾಸಕರಾಗಿ ಪ್ರಮಾಣವಚನ ಸ್ವೀಕರಿಸಲಿರುವ ಪ್ರತಾಪ್ ಗೌಡ ಯಾರಿಗೆ ಬೆಂಬಲ ಸೂಚಿಸುತ್ತಾರೆ ಎಂಬುವುದು ಯಕ್ಷಪ್ರಶ್ನೆಯಾಗಿ ಉಳಿದಿದೆ.
Last Updated May 19, 2018, 2:57 PM IST
