ಅ.1 ರಿಂದ ಜಾರಿಯಾಗುವಂತೆ ಕಾರ್ಮಿಕರ ಕನಿಷ್ಠ ವೇತನ ದರ ಹೆಚ್ಚಳ: ಕೇಂದ್ರ ಸರ್ಕಾರದ ಆದೇಶ
ಜೀವನ ವೆಚ್ಚ ಏರಿಕೆಯನ್ನು ನಿಭಾಯಿಸಲು ಕಾರ್ಮಿಕರಿಗೆ ನೆರವಾಗುವ ಸಲುವಾಗಿ ಕೇಂದ್ರ ಸರ್ಕಾರ ಕನಿಷ್ಠ ವೇತನವನ್ನು ಹೆಚ್ಚಿಸಿದೆ. ಹೊಸ ದರಗಳು ಅಕ್ಟೋಬರ್ 1 ರಿಂದ ಜಾರಿಗೆ ಬಂದಿದ್ದು, ಕೌಶಲ್ಯದ ಆಧಾರದ ಮೇಲೆ ದಿನಕ್ಕೆ ರೂ. 783 ರಿಂದ ರೂ. 1,035 ವರೆಗೆ ಇರುತ್ತದೆ.
 )
Followನವದೆಹಲಿ (ಸೆ.27): ದಿನೇದಿನೇ ಏರಿಕೆಯಾಗುತ್ತಿರುವ ಜೀವನ ವೆಚ್ಚವನ್ನು ನಿಭಾಯಿಸಲು ಕಾರ್ಮಿಕರಿಗೆ ನೆರವಾಗುವ ಸಲುವಾಗಿ ನಿಟ್ಟಿನಲ್ಲಿ ಕನಿಷ್ಠ ವೇತನ ದರವನ್ನು 1,035 ರು.ವರೆಗೂ ಏರಿಕೆ ಮಾಡಿ ಕೇಂದ್ರ ಸರ್ಕಾರ ಆದೇಶ ಹೊರಡಿಸಿದೆ. ವೇರಿಯಬಲ್ ಡಿಯರ್‌ನೆಸ್‌ ಅಲೊಯನ್ಸ್ ಪರಿಷ್ಕರಿಸುವ ಮೂಲಕ ಈ ಹೆಚ್ಚಳ ಮಾಡಲಾಗಿದೆ. ಹೊಸ ದರ ಅ.1ರಿಂದ ಜಾರಿಗೆ ಬರಲಿದೆ. ಹೊಸ ವೇತನದ ಪ್ರಕಾರ ಕೌಶಲ್ಯರಹಿತ ಕೆಲಸಗಾರರಿಗೆ ದಿನಕ್ಕೆ 783 ರೂಪಾಯಿ, ಅರೆಕುಶಲ ಕೆಲಸಗಾರರಿಗೆ 868 ರೂಪಾಯಿ, ಕೌಶಲ್ಯ ಬೇಡುವ ಕೆಲಸಗಳಿಗೆ 954 ರೂಪಾಯಿ ಹಾಗೂ ಹೆಚ್ಚು ನುರಿತ ಕೆಲಸಗಳಿಗೆ 1035 ರೂಪಾಯಿ ನಿಗದಿ ಮಾಡಲಾಗಿದೆ. ಹೊಸ ವೇತನವನ್ನು ಕೌಶಲ್ಯ, ಭೌಗೋಳಿಕ ಪ್ರದೇಶದ ಆಧಾರದಲ್ಲಿ ನಿಗದಿಪಡಿಸಲಾಗುತ್ತದೆ ಎಂದು ಕೇಂದ್ರ ಸರ್ಕಾರ ಹೇಳಿದೆ. ಇದರಿಂದಾಗಿ ಕಟ್ಟಡ ನಿರ್ಮಾಣ, ಲೋಡಿಂಗ್, ಕಾವಲು, ಗುಡಿಸುವುದು, ಸ್ವಚ್ಛಗೊಳಿಸುವುದು, ಮನೆಗೆಲಸ, ಗಣಿಗಾರಿಕೆ ಮತ್ತು ಕೃಷಿ ಸೇರಿದಂತೆ ವಿವಿಧ ಅಸಂಘಟಿತ ವಲಯದ ನೌಕರರಿಗೆ ಅನುಕೂಲವಾಗಲಿದೆ. ವಿಡಿಎ ಅನ್ನು ಕೇಂದ್ರ ಸರ್ಕಾರ ಗ್ರಾಹಕ ಬೆಲೆ ಸೂಚ್ಯಂಕದ ಆಧಾರದಲ್ಲಿ 6 ತಿಂಗಳ ಅವಧಿಗೆ ಅನ್ವಯಿಸುವಂತೆ ವರ್ಷದಲ್ಲಿ 2 ಬಾರಿ (ಏ.1 ಮತ್ತು ಅ.1) ಪರಿಷ್ಕರಿಸುತ್ತದೆ.
ಏರಿಯಾ "ಎ" ಗಾಗಿ ಹೊಸ ಪರಿಷ್ಕರಣೆ ಅಡಿಯಲ್ಲಿ, ನಿರ್ಮಾಣ ಮತ್ತು ಶುಚಿಗೊಳಿಸುವಿಕೆಯಂತಹ ವಲಯಗಳಲ್ಲಿನ ಕೌಶಲ್ಯರಹಿತ ಕೆಲಸಗಾರರು ದಿನಕ್ಕೆ ರೂ 783 ಗಳಿಸುತ್ತಾರೆ, ಇದರ ಮೊತ್ತವು ತಿಂಗಳಿಗೆ ರೂ 20,358ರೂಪಾಯಿ ಆಗಲಿದೆ. ಅರೆ-ಕುಶಲ ಕೆಲಸಗಾರರು ಈಗ ದಿನಕ್ಕೆ ರೂ 868 ಅಥವಾ ತಿಂಗಳಿಗೆ ರೂ 22,568 ಪಡೆಯುತ್ತಾರೆ, ಆದರೆ ನುರಿತ ಮತ್ತು ಕ್ಲೆರಿಕಲ್ ಕೆಲಸಗಾರರು ದಿನಕ್ಕೆ ರೂ 954 ಗಳಿಸುತ್ತಾರೆ, ಇದು ತಿಂಗಳಿಗೆ ರೂ 24,804 ರೂಪಾಯಿ ಆಗಲಿದೆ. ಹೆಚ್ಚು ನುರಿತ ಕೆಲಸಗಾರರು, ವಾಚ್ ಮತ್ತು ವಾರ್ಡ್ ಸಿಬ್ಬಂದಿ, ಶಸ್ತ್ರಾಸ್ತ್ರ ಹೊತ್ತೊಯ್ಯುವ ಕೆಲಸಗಾರರು ದಿನಕ್ಕೆ ರೂ 1,035 ಪಡೆಯುತ್ತಾರೆ, ಇದು ತಿಂಗಳಿಗೆ ಒಟ್ಟು ರೂ 26,910 ರೂಪಾಯಿ ಆಗಲಿದೆ ಎಂದು ತಿಳಿಸಿದೆ.
ಶೇ.51ರಷ್ಟು ಭಾರತೀಯರಿಂದ ವಾರಕ್ಕೆ 49 ಗಂಟೆಗಿಂತಲೂ ಅಧಿಕ ಕೆಲಸ: ಕಾರ್ಮಿಕ ಸಂಸ್ಥೆ ವರದಿ
ಈ ಪರಿಷ್ಕರಣೆಯು ಏಪ್ರಿಲ್‌ನಲ್ಲಿ ಹಿಂದಿನ ಅಪ್‌ಡೇಟ್‌ ನಂತರ 2024 ರ ಎರಡನೇ ವೇತನ ಹೊಂದಾಣಿಕೆಯನ್ನು ಗುರುತಿಸುತ್ತದೆ. ಕೈಗಾರಿಕಾ ಕಾರ್ಮಿಕರಿಗೆ ಗ್ರಾಹಕ ಬೆಲೆ ಸೂಚ್ಯಂಕದಲ್ಲಿನ ಏರಿಳಿತಗಳ ಆಧಾರದ ಮೇಲೆ ಸರ್ಕಾರವು ಏಪ್ರಿಲ್ ಮತ್ತು ಅಕ್ಟೋಬರ್‌ನಲ್ಲಿ VDA ಅನ್ನು ದ್ವೈವಾರ್ಷಿಕವಾಗಿ ಪರಿಷ್ಕರಿಸುತ್ತದೆ. ವಿವಿಧ ವಲಯಗಳು, ವರ್ಗಗಳು ಮತ್ತು ಪ್ರದೇಶಗಳಿಗೆ ನವೀಕರಿಸಿದ ವೇತನ ದರಗಳ ಕುರಿತು ಹೆಚ್ಚಿನ ವಿವರಗಳನ್ನು ಮುಖ್ಯ ಕಾರ್ಮಿಕ ಆಯುಕ್ತರ (ಕೇಂದ್ರ) ವೆಬ್‌ಸೈಟ್‌ನಲ್ಲಿ clc.gov.in ನಲ್ಲಿ ಕಾಣಬಹುದು.
545 ಪಿಎಸ್‌ಐ ನೇಮಕಾತಿ ಪಟ್ಟಿ ತಡೆಗೆ ಸಚಿವ ಪ್ರಿಯಾಂಕ್‌ ಖರ್ಗೆ ಪತ್ರ..!
