ಮಹಿಳಾ IPL ಫೈನಲ್: ಸೂಪರ್ನೊವಾಸ್ಗೆ ಸುಲಭ ಗುರಿ ನೀಡಿದ ಟ್ರೈಲ್ಬ್ಲೇಜರ್ಸ್
- ಸೂಪರ್ನೋವಾಸ್ಗೆ ಸುಲಭ ಟಾರ್ಗೆಟ್
- ಟ್ರೈಲ್ಬ್ಲೇಜರ್ಸ್ ಬೌಲಿಂಗ್ ದಾಳಿಗೆ ತತ್ತರಿಸಿದ ನೋವಾಸ್
ಶಾರ್ಜಾ(ನ.09): ಮಹಿಳಾ ಐಪಿಎಲ್ ಟಿ20 ಚಾಲೆಂಜರ್ಸ್ ಫೈನಲ್ ಪಂದ್ಯ ರೋಚಕ ಘಟ್ಟ ತಲುಪಿದೆ. ಸೂಪರ್ನೊವಾಸ್ ವಿರುದ್ಧ ದಿಟ್ಟ ಹೋರಾಟ ನೀಡಿದ ಟ್ರೈಲ್ಬ್ಲೇಜರ್ಸ್ 8 ವಿಕೆಟ್ ನಷ್ಟಕ್ಕೆ 118 ರನ್ ಸಿಡಿಸಿದೆ.
ಟಾಸ್ ಸೋತು ಬ್ಯಾಟಿಂಗ್ ಇಳಿದ ಟ್ರೈಲ್ಬ್ಲೇಜರ್ಸ್ ಉತ್ತಮ ಆರಂಭ ಪಡೆಯಿತು. ಡೆನಾಂಡ್ರ ಡೊಟ್ಟಿನ್ 20 ರನ್ ಸಿಡಿಸಿದರೆ, ಇತ್ತ ನಾಯಕಿ ಸ್ಮೃತಿ ಮಂದನಾ ಹಾಫ್ ಸೆಂಚುರಿ ಸಿಡಿಸಿ ಅಬ್ಬರಿಸಿದರು. ಮಂದನಾ 68 ರನ್ ಕಾಣಿಕೆ ನೀಡಿದರು. ಆರಂಭಿಕರ ವಿಕೆಟ್ ಪತನದ ಬಳಿಕ ಟ್ರೈಲ್ಬ್ಲೇಜರ್ಸ್ ಕುಸಿತ ಕಂಡಿತು.
ರಿಚಾ ಘೋಷ್, ದೀಪ್ತಿ ಶರ್ಮಾ, ಹರ್ಲೀನ್ ಡಿಯೋಲ್ ಅಬ್ಬರಿಸಲಿಲ್ಲ. ರಾಧಾ ಯಾದವ್ ದಾಳಿಗೆ ಟ್ರೈಲ್ಬ್ಲೇಜರ್ಸ್ ತತ್ತರಿಸಿತು. 5 ವಿಕೆಟ್ ಕಬಳಿಸೋ ಮೂಲಕ ಟ್ರೈಲ್ಬ್ಲೇಜರ್ಸ್ ತೀವ್ರ ಸಂಕಷ್ಟಕ್ಕೆ ಸಿಲುಕಿತು.
ಅಂತಿಮವಾಗಿ ಟ್ರೈಲ್ಬ್ಲೇಜರ್ಸ್ 8 ವಿಕೆಟ್ ನಷ್ಟಕ್ಕೆ 118 ರನ್ ಸಿಡಿಸಿತು. ಸೂಪರ್ನೊವಾಸ್ ತಂಡಕ್ಕೆ 119 ರನ್ ಗುರಿ ನೀಡಲಾಗಿದೆ. ಈ ಸುಲಭ ಟಾರ್ಗೆಟ್ ಚೇಸ್ ಮಾಡಿ ಸೂಪರ್ನೊವಾಸ್ ಚಾಂಪಿಯನ್ ಆಗುತ್ತಾ ಅನ್ನೋ ಕುತೂಹಲ ಮನೆ ಮಾಡಿದೆ.