ಅಹಮದಾಬಾದ್, ಆಗ್ರಾ, ದಿಲ್ಲಿಗೆ ಟ್ರಂಪ್ ಭೇಟಿ, ಇಲ್ಲಿದೆ ಸಂಭಾವ್ಯ ವೇಳಾಪಟ್ಟಿ
ಅಹಮದಾಬಾದ್, ಆಗ್ರಾ, ದಿಲ್ಲಿಗೆ ಟ್ರಂಪ್ ಭೇಟಿ| 24ರಂದು ಅಹಮದಾಬಾದ್, ಆಗ್ರಾಗೆ| 25ರಂದು ದಿಲ್ಲಿಯಲ್ಲಿ ಅಧಿಕೃತ ಕಾರ್ಯಕ್ರಮಗಳು| ಟ್ರಂಪ್‌ರ ಸಂಭಾವ್ಯ ವೇಳಾಪಟ್ಟಿಮಾಧ್ಯಮಗಳಿಗೆ ಲಭ್ಯ
 )
Followನವದೆಹಲಿ[ಫೆ.19]: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಫೆಬ್ರವರಿ 24, 25ರಂದು ಭಾರತ ಪ್ರವಾಸ ಕೈಗೊಳ್ಳಲಿದ್ದಾರೆ. ಈ ವೇಳೆ ಅವರು ಅಹಮದಾಬಾದ್, ಆಗ್ರಾ ಹಾಗೂ ದಿಲ್ಲಿಗೆ ಭೇಟಿ ನೀಡಲಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಅವರ ಜತೆ ಸಭೆಗಳಲ್ಲಿ ಭಾಗವಹಿಸಲಿದ್ದಾರೆ. ಇದರ ಸಂಭಾವ್ಯ ವೇಳಾಪಟ್ಟಿಮಾಧ್ಯಮಗಳಿಗೆ ಲಭ್ಯವಾಗಿದೆ.
ಸಂಭಾವ್ಯ ಕಾರ್ಯಕ್ರಮ ಪಟ್ಟಿ ಹೀಗಿದೆ:
ಫೆಬ್ರವರಿ 24
- ಮಧ್ಯಾಹ್ನ 12ಕ್ಕೆ ಅಹಮದಾಬಾದ್ ವಿಮಾನ ನಿಲ್ದಾಣಕ್ಕೆ ಪತ್ನಿ ಸಮೇತ ಟ್ರಂಪ್ ಆಗಮನ, ಪ್ರಧಾನಿ ನರೇಂದ್ರ ಮೋದಿ ಅವರಿಂದ ಸ್ವಾಗತ, ಅಲ್ಲಿ ಅವರಿಗೆ ಗೌರವ ವಂದನೆ ಸಲ್ಲಿಕೆ
- ಅಲ್ಲಿಂದ ಟ್ರಂಪ್, ಮೋದಿ ಅವರು ಕಾರಿನಲ್ಲಿ ಸಾಬರಮತಿ ಆಶ್ರಮಕ್ಕೆ ಹಾಗೂ ನದಿ ತೀರಕ್ಕೆ. 20 ನಿಮಿಷದ ಭೇಟಿ
- ಮಧ್ಯಾಹ್ನ 1.15ಕ್ಕೆ ಮೊಟೇರಾ ಸ್ಟೇಡಿಯಂಗೆ ಆಗಮನ, ‘ನಮಸ್ತೇ ಟ್ರಂಪ್’ ಸಮಾವೇಶದಲ್ಲಿ ಭಾಷಣ
- ಮಧ್ಯಾಹ್ನ 3.30ಕ್ಕೆ ಆಗ್ರಾಗೆ ಪಯಣ
- ಸಂಜೆ 4.30ಕ್ಕೆ ಆಗ್ರಾಗೆ ಆಗಮನ, ಯೋಗಿ ಆದಿತ್ಯನಾಥ್‌ ಅವರಿಂದ ಸ್ವಾಗತ, ತಾಜ್‌ಮಹಲ್‌ಗೆ ಭೇಟಿ
- ಸಂಜೆ 5.30ಕ್ಕೆ ದಿಲ್ಲಿಗೆ ನಿರ್ಗಮನ
- ಸಂಜೆ 7 ಗಂಟೆಗೆ ಪ್ರಧಾನಿ ನರೇಂದ್ರ ಮೋದಿ ಅವರಿಂದ ಟ್ರಂಪ್‌ಗೆ ಔತಣ
ಫೆಬ್ರವರಿ 25
- ಬೆಳಗ್ಗೆ 9 ಗಂಟೆಗೆ ದಿಲ್ಲಿಯ ರಾಷ್ಟ್ರಪತಿ ಭವನದಲ್ಲಿ ಟ್ರಂಪ್‌ಗೆ ಸ್ವಾಗತ, ಬಳಿಕ ರಾಜಘಾಟ್‌ಗೆ ಭೇಟಿ
- ನಂತರ ಹೈದರಾಬಾದ್‌ ಹೌಸ್‌ನಲ್ಲಿ ದ್ವಿಪಕ್ಷೀಯ ಮಾತುಕತೆ, ಮಧ್ಯಾಹ್ನದ ಭೋಜನ
- ತಾಜ್‌/ಮೌರ್ಯ ಹೋಟೆಲ್‌ನಲ್ಲಿ ಔದ್ಯಮಿಕ ಸಭೆಯಲ್ಲಿ ಭಾಗಿ
- ರಾಷ್ಟ್ರಪತಿ ಭವನದಲ್ಲಿ ಸಂಜೆ ಔತಣಕೂಟ
- ರಾತ್ರಿ 10ಕ್ಕೆ ದಿಲ್ಲಿಯಿಂದ ನಿರ್ಗಮನ
