ತಿರುಮಲದ ವಿಶ್ವಪ್ರಸಿದ್ಧ ವೆಂಕಟೇಶ್ವರ ದೇವಸ್ಥಾನದಲ್ಲಿ ಕೋವಿಡ್ ನಿಯಮ ಸಡಿಲ| ವೃದ್ಧರು, ಮಕ್ಕಳಿಗೂ ತಿಮ್ಮಪ್ಪನ ದರ್ಶನ
ತಿರುಪತಿ(ಡಿ.13): ತಿರುಮಲದ ವಿಶ್ವಪ್ರಸಿದ್ಧ ವೆಂಕಟೇಶ್ವರ ದೇವಸ್ಥಾನದಲ್ಲಿ ಇನ್ನು ಮುಂದೆ 10 ವರ್ಷದ ಒಳಗಿನ ಮಕ್ಕಳು, 65 ವರ್ಷ ಮೇಲ್ಪಟ್ಟವೃದ್ಧರು ಹಾಗೂ ಗರ್ಭಿಣಿಯರಿಗೂ ದೇವರ ದರ್ಶನಭಾಗ್ಯ ಲಭಿಸಲಿದೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಕೊರೋನಾ ಲಾಕ್ಡೌನ್ ಕಾರಣ ಬಂದ್ ಆಗಿದ್ದ ದೇವರ ದರ್ಶನ ಜೂನ್ನಲ್ಲಿ ಆರಂಭವಾಗಿತ್ತಾದರೂ ಈ ಮೂರೂ ವರ್ಗದವರಿಗೆ ದೇಗುಲದ ಪ್ರವೇಶ ನಿರ್ಬಂಧಿಸಲಾಗಿತ್ತು. ಆರೋಗ್ಯದ ಹಿತದೃಷ್ಟಿಯಿಂದ ಈ ನಿರ್ಧಾರ ಕೈಗೊಳ್ಳಲಾಗಿತ್ತು. ಆದರೆ ಇವರಿಗೂ ದರ್ಶನ ಅವಕಾಶ ನೀಡುವಂತೆ ಭಕ್ತಗಣದಿಂದ ಒತ್ತಡ ಹೆಚ್ಚಿತ್ತು.
ಇದಕ್ಕೆ ಮಣಿದಿರುವ ತಿರುಪತಿ ತಿರುಮಲ ದೇವಸ್ಥಾನ ಸಮಿತಿ (ಟಿಟಿಡಿ), ಭಕ್ತರು ತಮ್ಮದೇ ‘ರಿಸ್ಕ್’ನಲ್ಲಿ ಇನ್ನು ಆಗಮಿಸಬಹುದು. ಆನ್ಲೈನ್ನಲ್ಲಿ ಮಾತ್ರ ದರ್ಶನ ಟಿಕೆಟ್ ಪಡೆಯಬೇಕು. ಕೇಂದ್ರ ಸರ್ಕಾರದ ಕೋವಿಡ್-19 ನಿಯಮಗಳಿಗೆ ಬದ್ಧರಾಗಿರಬೇಕು ಎಂದು ಸೂಚಿಸಿದೆ.
ಚಿಕ್ಕಮಕ್ಕಳಿಗೆ ತಿಮ್ಮಪ್ಪನ ಸನ್ನಿಧಿಯಲ್ಲಿ ಅನ್ನಪ್ರಾಶನ, ಕಿವಿ ಚುಚ್ಚಿಸುವಿಕೆ, ಕೇಶಮುಂಡನ- ಇತ್ಯಾದಿ ಸಂಪ್ರದಾಯಗಳನ್ನು ಭಕ್ತರು ಪಾಲಿಸುತ್ತಾರೆ.
