‘ಕೋವ್ಯಾಕ್ಸಿನ್‌’ ನೇಸಲ್‌ ಲಸಿಕೆ ಪ್ರಯೋಗಕ್ಕೆ ಸರ್ಕಾರ ಅಸ್ತು!
ಈಗಾಗಲೇ ಕೋವಿಡ್‌ ಚುಚ್ಚುಮದ್ದಿನ ಲಸಿಕೆಗೆ ಅಧಿಕೃತ ಅನುಮೋದನೆ ಪಡೆದಿರುವ ಭಾರತ್‌ ಬಯೋಟೆಕ್| ಮತ್ತೊಂದು ಮಹತ್ವದ ಪ್ರಗತಿ
ನವದೆಹಲಿ(ಜ.20): ಈಗಾಗಲೇ ಕೋವಿಡ್‌ ಚುಚ್ಚುಮದ್ದಿನ ಲಸಿಕೆಗೆ ಅಧಿಕೃತ ಅನುಮೋದನೆ ಪಡೆದಿರುವ ಭಾರತ್‌ ಬಯೋಟೆಕ್, ಈಗ ಮತ್ತೊಂದು ಮಹತ್ವದ ಪ್ರಗತಿ ಕಂಡಿದೆ.
ಕಂಪನಿಯ ‘ಕೋವ್ಯಾಕ್ಸಿನ್‌’ ನೇಸಲ್‌ ಲಸಿಕೆಯ ಪ್ರಯೋಗಕ್ಕೆ ಭಾರತದ ಔಷಧ ನಿಯಂತ್ರಣ ಪ್ರಾಧಿಕಾರ ಮಂಗಳವಾರ ಅನುಮೋದನೆ ನೀಡಿದೆ. ಮೂಗಿನಲ್ಲಿ 2 ಹನಿ ಹಾಕುವ ಸಿಂಗಲ್‌ ಡೋಸ್‌ ಲಸಿಕೆ ಇದಾಗಿದೆ. ಇದರ 1 ಹಾಗೂ 2ನೇ ಹಂತದ ಪ್ರಯೋಗ ಆರಂಭಕ್ಕೆ ಹಸಿರು ನಿಶಾನೆ ದೊರಕಿದೆ. ಶೀಘ್ರದಲ್ಲೇ ಪ್ರಯೋಗ ಆರಂಭವಾಗುವ ನಿರೀಕ್ಷೆಯಿದೆ.
‘ಚುಚ್ಚುಮದ್ದಿನ ಲಸಿಕೆಗೆ ಸಿರಿಂಜ್‌, ಸೂಜಿ ಬೇಕು. ಹೀಗಾಗಿ ಇದರ ವೆಚ್ಚ ಹೆಚ್ಚು. ಇವನ್ನು ಎಸೆದಾಗ ಮಾಲಿನ್ಯವೂ ಆಗುತ್ತದೆ. ಇದು 2 ಡೋಸ್‌ ಲಸಿಕೆ. ಆದರೆ ಮೂಗಿನಲ್ಲಿ ಪ್ರಯೋಗಿಸುವ ನೇಸಲ್‌ ಲಸಿಕೆಯಿಂದ ಮಾಲಿನ್ಯ ಇಲ್ಲ. ವೆಚ್ಚವೂ ಕಮ್ಮಿ. ಅಲ್ಲದೆ, ಒಂದು ಬಾರಿ ಇದನ್ನು ನೀಡಿದರೆ ಸಾಕು’ ಎಂದು ಇತ್ತೀಚೆಗೆ ಭಾರತ್‌ ಬಯೋಟೆಕ್ ಮುಖ್ಯಸ್ಥ ಡಾ| ಕೃಷ್ಣ ಎಲ್ಲಾ ಹೇಳಿದ್ದರು.
