ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷಿ ವಂದೇಭಾರತ್ ಯೋಜನೆಯಲ್ಲಿ ಹೊಸದಾಗಿ ತಯಾರಾಗಿರುವ ಕೇಸರಿ ಬಣ್ಣದ ರೈಲನ್ನು ಇದೇ ಮೊದಲ ಬಾರಿಗೆ ಪ್ರಾಯೋಗಿಕವಾಗಿ ಶನಿವಾರ ಓಡಿಸಲಾಗಿದೆ.
ನವದೆಹಲಿ: ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷಿ ವಂದೇಭಾರತ್ ಯೋಜನೆಯಲ್ಲಿ ಹೊಸದಾಗಿ ತಯಾರಾಗಿರುವ ಕೇಸರಿ ಬಣ್ಣದ ರೈಲನ್ನು ಇದೇ ಮೊದಲ ಬಾರಿಗೆ ಪ್ರಾಯೋಗಿಕವಾಗಿ ಶನಿವಾರ ಓಡಿಸಲಾಗಿದೆ. ಇದಕ್ಕೂ ಮೊದಲು ಕೇಸರಿ ಬಣ್ಣದಲ್ಲಿ ರೈಲು ಉತ್ಪಾದನೆ ಮಾಡುತ್ತಿರುವ ವಿಡಿಯೋವನ್ನು ಸಚಿವ ಅಶ್ವಿನಿ ವೈಷ್ಣವ್ ಹಂಚಿಕೊಂಡಿದ್ದರು.
Add Asianetnews Kannada as a Preferred Source
ರಾಷ್ಟ್ರಧ್ವಜವನ್ನು ಆಧಾರವಾಗಿಟ್ಟುಕೊಂಡು ಈ ರೈಲಿಗೆ ಹೊಸ ಬಣ್ಣವನ್ನು ಹಚ್ಚಲಾಗಿದೆ. ಇದೇ ಮೊದಲ ಬಾರಿಗೆ ಈ ರೈಲು ಚೆನ್ನೈ ಕೋಚ್ ಫ್ಯಾಕ್ಟರಿಯ ಹೊರ ಭಾಗದಲ್ಲಿ ಪ್ರಾಯೋಗಿಕ ಚಾಲನೆಗೆ ಒಳಪಟ್ಟಿದೆ. ಶೀಘ್ರದಲ್ಲೇ ಈ ರೈಲನ್ನು ನಿಗದಿತ ಮಾರ್ಗದಲ್ಲಿ ಓಡಿಸಲಾಗುವುದು ಎಂದು ರೈಲ್ವೆ ಹೇಳಿದೆ. ಪ್ರಸ್ತುತ 25 ವಂದೇ ಭಾರತ್ ರೈಲುಗಳು ಭಾರತದಲ್ಲಿ ಕಾರ್ಯಾಚರಣೆ ನಡೆಸುತ್ತಿದ್ದು, ಇವುಗಳೆಲ್ಲವೂ ನೀಲಿ ಮತ್ತು ಬಿಳಿ ಬಣ್ಣವನ್ನು ಹೊಂದಿವೆ.
Scroll to load tweet…
