RRB Recruitment: ರೈಲ್ವೆ ನೇಮಕಾತಿ ಮಂಡಳಿ ಮಹತ್ವದ ನಿರ್ಧಾರ, 10ನೇ ತರಗತಿ ಪಾಸಾದವರು ಈ ಹುದ್ದೆಗೆ ಅರ್ಜಿ ಸಲ್ಲಿಸಬಹುದು!
RRB Recruitment :ರೈಲ್ವೆ ನೇಮಕಾತಿ ಮಂಡಳಿಯು ಲೆವೆಲ್-1 ಹುದ್ದೆಗಳಿಗೆ ಶೈಕ್ಷಣಿಕ ಅರ್ಹತೆಯನ್ನು ಸಡಿಲಿಸಿದೆ. ಈಗ 10 ನೇ ತರಗತಿ, ITI, ಅಥವಾ NAC ಹೊಂದಿರುವವರು ಅರ್ಜಿ ಸಲ್ಲಿಸಬಹುದು. ಈ ಮೊದಲು 10 ನೇ ತರಗತಿ ಮತ್ತು ITI/NAC ಎರಡೂ ಕಡ್ಡಾಯವಾಗಿದ್ದವು.
Followದೆಹಲಿ (ಜ.4) ಆರ್‌ಆರ್‌ಬಿ ನೇಮಕಾತಿ ವಿಚಾರ ಸಂಬಂಧ ರೈಲ್ವೆ ನೇಮಕಾತಿ ಮಂಡಳಿಯು ಲೆವೆಲ್-1 (ಹಿಂದಿನ ಗುಂಪು ಡಿ) ಹುದ್ದೆಗಳಿಗೆ ಶೈಕ್ಷಣಿಕ ಅರ್ಹತೆಯನ್ನು ಸಡಿಲಿಸಿದೆ. ಈಗಈಗ 10 ನೇ ತರಗತಿ, ITI, ಅಥವಾ NAC ಹೊಂದಿರುವವರು ಲೆವೆಲ್-1 ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಿದೆ.
ರೈಲ್ವೆ ಮಂಡಳಿಯ ಮಹತ್ವದ ನಿರ್ಧಾರದಿಂದ ಈಗ 10 ನೇ ತರಗತಿ ಉತ್ತೀರ್ಣರಾದ ಅಭ್ಯರ್ಥಿಗಳು ಅಥವಾ ಐಟಿಐ ಡಿಪ್ಲೊಮಾ ಹೊಂದಿರುವವರು ಅಥವಾ ನ್ಯಾಷನಲ್ ಕೌನ್ಸಿಲ್ ಆಫ್ ವೊಕೇಶನಲ್ ಟ್ರೈನಿಂಗ್ (ಎನ್‌ಸಿವಿಟಿ) ನೀಡುವ ರಾಷ್ಟ್ರೀಯ ಅಪ್ರೆಂಟಿಸ್‌ಶಿಪ್ ಪ್ರಮಾಣಪತ್ರ (ಎನ್‌ಎಸಿ) ಸಹ ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಅರ್ಹರಾಗುತ್ತಾರೆ.
ಜನರಲ್ ಕೋಚ್ ಪ್ರಯಾಣಿಕರ ಪ್ರಯಾಣ ಆರಾಮದಾಯಕಗೊಳಿಸಿದ ಭಾರತೀಯ ರೈಲ್ವೆ
ಈ ಮೊದಲು, ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು, ಅಭ್ಯರ್ಥಿಗಳು 10 ನೇ ತರಗತಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗುವುದು ಮತ್ತು ಎನ್‌ಸಿಎ ಅಥವಾ ಐಟಿಐ ಡಿಪ್ಲೊಮಾವನ್ನು ಹೊಂದಿರುವುದು ಕಡ್ಡಾಯವಾಗಿತ್ತು. ರೈಲ್ವೆ ಮಂಡಳಿಯು ಜನವರಿ 2 ರಂದು ಎಲ್ಲಾ ವಲಯಗಳಿಗೆ ಕಳುಹಿಸಲಾದ ಲಿಖಿತ ಸಂದೇಶದಲ್ಲಿ ಈ ಬದಲಾವಣೆಯ ಬಗ್ಗೆ ತಿಳಿಸಿದೆ. ಸಮಸ್ಯೆಯನ್ನು ಪರಿಶೀಲಿಸಲಾಗಿದೆ ಮತ್ತು ಹಿಂದಿನ ಸೂಚನೆಗಳನ್ನು ಬೈಪಾಸ್ ಮಾಡಿ ಈ ಹೊಸ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ ಎಂದು ಅದು ಹೇಳಿದೆ.
ಮಂಡಳಿಯು ನೀಡಿದ ಸೂಚನೆಗಳ ಪ್ರಕಾರ, ಇನ್ನು ಮುಂದೆ ಎಲ್ಲಾ ಲೆವೆಲ್-1 ಹುದ್ದೆಗಳಿಗೆ (ಮುಂಬರುವ CEN ಸೇರಿದಂತೆ) ನೇಮಕಾತಿಗೆ ಕನಿಷ್ಠ ಶೈಕ್ಷಣಿಕ ಅರ್ಹತೆ 10 ನೇ ಉತ್ತೀರ್ಣ ಅಥವಾ ITI ಡಿಪ್ಲೊಮಾ ಅಥವಾ ಸಮಾನ ಅಥವಾ NCVT ನಿಂದ ನೀಡಲಾದ NAC ಆಗಿರುತ್ತದೆ. ಭಾರತೀಯ ರೈಲ್ವೇಯಲ್ಲಿ ಲೆವೆಲ್-1 ಅಡಿಯಲ್ಲಿ, ವಿವಿಧ ವಿಭಾಗಗಳಲ್ಲಿ ಸಹಾಯಕ, ಪಾಯಿಂಟ್ಸ್‌ಮನ್ ಮತ್ತು ಟ್ರ್ಯಾಕ್ ನಿರ್ವಾಹಕರಂತಹ ಪ್ರಮುಖ ಹುದ್ದೆಗಳಿವೆ.
ರೈಲ್ವೆ ನೇಮಕಾತಿ ಮಂಡಳಿಯು ಇತ್ತೀಚೆಗೆ ಈ ನೇಮಕಾತಿಗಾಗಿ ಅಧಿಸೂಚನೆಯನ್ನು ಹೊರಡಿಸಿದೆ. ಇದರಲ್ಲಿ ಸುಮಾರು 32,000 ಅಭ್ಯರ್ಥಿಗಳನ್ನು ನೇಮಕ ಮಾಡಿಕೊಳ್ಳಲಾಗುವುದು. ಅಪ್ಲಿಕೇಶನ್ ಪ್ರಕ್ರಿಯೆಯು ಜನವರಿ 23 ರಿಂದ ಫೆಬ್ರವರಿ 22 ರವರೆಗೆ ನಡೆಯಲಿದೆ.
ರೈಲ್ವೆ ಮಂಡಳಿಗೆ ಮೊದಲ ಮಹಿಳಾ ಅಧ್ಯಕ್ಷೆಯಾಗಿ ಜಯಾ ವರ್ಮಾ ನೇಮಕ, ಯಾರೀಕೆ?
ಅಪ್ಲಿಕೇಶನ್ ಪ್ರಾರಂಭ ಯಾವಾಗ?
ಅಪ್ಲಿಕೇಶನ್‌ಗಳು ಜನವರಿ 23 ರಂದು ಪ್ರಾರಂಭವಾಗುವ ನಿರೀಕ್ಷೆಯಿದೆ ಮತ್ತು ಫೆಬ್ರವರಿ 22, 2025 ರವರೆಗೆ ಅಪ್ಲಿಕೇಶನ್ ವಿಂಡೋ ತೆರೆದಿರುತ್ತದೆ. ಅಭ್ಯರ್ಥಿಗಳನ್ನು ನಾಲ್ಕು ಹಂತಗಳ ಮೂಲಕ ಆಯ್ಕೆ ಮಾಡಲಾಗುತ್ತದೆ: CBT 1 ಪರೀಕ್ಷೆ, CBT 2 ಪರೀಕ್ಷೆ, ದೈಹಿಕ ಪರೀಕ್ಷೆ, ದಾಖಲೆ ಪರಿಶೀಲನೆ ಮತ್ತು ವೈದ್ಯಕೀಯ ಪರೀಕ್ಷೆ. ಆಯ್ಕೆಯಾದ ಅಭ್ಯರ್ಥಿ ಅಗತ್ಯವಿರುವ ವಯಸ್ಸಿನ ಮಿತಿಯು 18-33 ವರ್ಷಗಳ ನಡುವೆ ಇರಬೇಕು. ಆರ್‌ಆರ್‌ಬಿ ಗ್ರೂಪ್ ಡಿ ನೇಮಕಾತಿಗೆ ಅರ್ಜಿ ಶುಲ್ಕವು ಸಾಮಾನ್ಯ/ಒಬಿಸಿ ಅಭ್ಯರ್ಥಿಗಳಿಗೆ ರೂ 500 ಆಗಿದ್ದರೆ, ಎಸ್‌ಸಿ/ಎಸ್‌ಟಿ/ಟ್ರಾನ್ಸ್‌ಜೆಂಡರ್/ಆರ್ಥಿಕವಾಗಿ ಹಿಂದುಳಿದ ಅಭ್ಯರ್ಥಿಗಳಿಗೆ 250 ರೂ. ಹೆಚ್ಚಿನ ಮಾಹಿತಿ ವೆಬ್‌ಸೈಟ್‌ಗೆ ಭೇಟಿ ನೀಡಬಹುದಾಗಿದೆ.
