ಉತ್ತರ ಪ್ರದೇಶ ಗಣರಾಜ್ಯೋತ್ಸವದ ಪರೇಡ್ನಲ್ಲಿ ಪ್ರಮುಖ ಸ್ಥಾನ ಪಡೆದುಕೊಂಡಿದ್ದು, ವಿಕಸಿತ ಭಾರತ ಸಮೃದ್ಧ ವಿರಾಸತ್ ಎಂಬ ಥೀಮ್ನ ಟ್ಯಾಬ್ಲೋವನ್ನು ಪ್ರಸ್ತುತಪಡಿಸಿದೆ.
ನವದೆಹಲಿ (ಜನವರಿ 26, 2024): 75ನೇ ಗಣರಾಜ್ಯೋತ್ಸವದ ಪರೇಡ್ನಲ್ಲಿ ಆಕರ್ಷಕ ಪಥ ಸಂಚಲನದ ಜತೆಗೆ ಹಲವು ರಾಜ್ಯಗಳ ಟ್ಯಾಬ್ಲೋಗಳು ಗಮನ ಸೆಳೆದಿದೆ. ಈ ಪೈಕಿ, ಉತ್ತರ ಪ್ರದೇಶ ಗಣರಾಜ್ಯೋತ್ಸವದ ಪರೇಡ್ನಲ್ಲಿ ಪ್ರಮುಖ ಸ್ಥಾನ ಪಡೆದುಕೊಂಡಿದ್ದು, ವಿಕಸಿತ ಭಾರತ ಸಮೃದ್ಧ ವಿರಾಸತ್ ಎಂಬ ಥೀಮ್ನ ಟ್ಯಾಬ್ಲೋವನ್ನು ಪ್ರಸ್ತುತಪಡಿಸಿತು.
'ನಂಬಿಕೆ ಮತ್ತು ಅಭಿವೃದ್ಧಿ'ಯ ಸುತ್ತ ಕೇಂದ್ರೀಕೃತವಾಗಿರುವ ಈ ಟ್ಯಾಬ್ಲೋ, ಉತ್ತರ ಪ್ರದೇಶ ರಾಜ್ಯದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯನ್ನು ಸಂಕೇತಿಸುವ ದೇವಾಲಯದಂತಹ ತಳಹದಿಯ ಮೇಲೆ ರಾಮ ಲಲ್ಲಾನ ವಿಗ್ರಹವನ್ನು ಪ್ರಮುಖವಾಗಿ ಒಳಗೊಂಡಿತ್ತು. ಅಕ್ಟೋಬರ್ 2023 ರಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಉದ್ಘಾಟಿಸಿದ ಪ್ರಾದೇಶಿಕ ಕ್ಷಿಪ್ರ ಸಾರಿಗೆ ವ್ಯವಸ್ಥೆಯ (ಆರ್ಆರ್ಟಿಎಸ್) ಅವಿಭಾಜ್ಯ ಅಂಗವಾದ 'ನಮೋ ಭಾರತ್ ರೈಲನ್ನು' ಸಹ ಈ ಟ್ಯಾಬ್ಲೋ ಪ್ರದರ್ಶಿಸಿದೆ. ಈ ಮೂಲಕ ಉತ್ತರ ಪ್ರದೇಶದ ಅಭಿವೃದ್ಧಿಯಲ್ಲಿನ ದಾಪುಗಾಲುಗಳನ್ನು ಎತ್ತಿ ತೋರಿಸಿದೆ.
75 ನೇ ಗಣರಾಜ್ಯೋತ್ಸವದಲ್ಲಿ ಮಹಿಳಾ ಸಬಲೀಕರಣಕ್ಕೆ ಒತ್ತು, 26 ಟ್ಯಾಬ್ಲೋಗಳ ಮೆರವಣಿಗೆ
ಮುಂಬರುವ ಮಾಘ ಮೇಳಕ್ಕೆ ರೈಲಿನ ಸಂಬಂಧವನ್ನು ಟ್ಯಾಬ್ಲೋ ವಿವರಿಸಿದ್ದು, 2025 ರಲ್ಲಿ ಪ್ರಯಾಗರಾಜ್ ಮತ್ತು ಮಹಾಕುಂಭದಲ್ಲಿ ರಾಜ್ಯದ ಸಾಂಸ್ಕೃತಿಕ ಮಹತ್ವವನ್ನು ಒತ್ತಿಹೇಳಿದೆ. ಈ ಸಂಬಂಧ ಎಕ್ಸ್ನಲ್ಲಿ ಟ್ವೀಟ್ ಮಾಡಿರುವ ಉತ್ತರ ಪ್ರದೇಶ ಸಿಎಂ, ನಂಬಿಕೆಯೂ, ಉತ್ತರಾಧಿಕಾರವೂ, ಅಭಿವೃದ್ಧಿಯೂ ಕೂಡ... 'ಕರ್ತವ್ಯದ ಹಾದಿಯಲ್ಲಿ' 'ನಯಾ ಉತ್ತರ ಪ್ರದೇಶ'! ಜೈ ಶ್ರೀ ರಾಮ್! ಎಂದು ಬರೆದುಕೊಂಡಿದ್ದಾರೆ.
ಅಲ್ಲದೆ, ಕ್ಷಿಪ್ರ ರೈಲು ಸೇವೆಗಿಂತ ರಕ್ಷಣಾ ಉತ್ಪಾದನಾ ಕೇಂದ್ರವಾಗಿ ಉತ್ತರ ಪ್ರದೇಶದ ಬೆಳೆಯುತ್ತಿರುವ ಪಾತ್ರದ ಸಂಕೇತ, ಬ್ರಹ್ಮೋಸ್ ಕ್ಷಿಪಣಿಗಳು ಸಹ ಟ್ಯಾಬ್ಲೋವನ್ನು ಅಲಂಕರಿಸಿದವು. ಪ್ರದರ್ಶನವು ಯುಪಿಯ ಪರಿವರ್ತಕ ಪ್ರಯಾಣವನ್ನು ಒತ್ತಿಹೇಳಿದ್ದು, ಜೆವಾರ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ, ನೋಯ್ಡಾದಲ್ಲಿ ಮೊಬೈಲ್ ಉತ್ಪಾದನಾ ಕಾರ್ಖಾನೆ ಮತ್ತು ಕಾರ್ಯಾಚರಣೆಯ ಹಾಗೂ ನಿರ್ಮಾಣ ಹಂತದಲ್ಲಿರುವ ಎಕ್ಸ್ಪ್ರೆಸ್ವೇಗಳ ವ್ಯಾಪಕ ನೆಟ್ವರ್ಕ್ನಂತಹ ಪ್ರಮುಖ ಮೂಲಸೌಕರ್ಯ ಯೋಜನೆಗಳನ್ನು ಒಳಗೊಂಡಿದೆ.
2030ರ ವೇಳೆಗೆ 30,000 ಭಾರತೀಯ ವಿದ್ಯಾರ್ಥಿಗಳಿಗೆ ಫ್ರಾನ್ಸ್ ಸ್ವಾಗತ: ಗಣತಂತ್ರ ದಿನಕ್ಕೆ ಮ್ಯಾಕ್ರನ್ ಶುಭಾಶಯ
'ಮೇಕ್ ಇನ್ ಇಂಡಿಯಾ'ದ ಪ್ರಾತಿನಿಧ್ಯವಾದ ಸಿಂಹ ಲಾಂಛನವು ಸಹ ಕಂಡುಬಂದಿದ್ದು, ಸ್ಥಳೀಯ ಉತ್ಪಾದನೆಯನ್ನು ಉತ್ತೇಜಿಸುವಲ್ಲಿ ಉತ್ತರ ಪ್ರದೇಶದ ಪ್ರಮುಖ ಪಾತ್ರವನ್ನು ಒತ್ತಿಹೇಳಿದೆ. ಇದು ರಾಷ್ಟ್ರೀಯ ಅಭಿಯಾನಕ್ಕೆ ಸಹ ಕೊಡುಗೆ ನೀಡಿದೆ. ಈ ಟ್ಯಾಬ್ಲೋ ಪ್ರಾದೇಶಿಕ ರ್ಯಾಪಿಡ್ ಟ್ರಾನ್ಸಿಟ್ ಸಿಸ್ಟಮ್ (RRTS) ಸಾಹಿಬಾಬಾದ್ ನಿಲ್ದಾಣ ಮತ್ತು ನಮೋ ಭಾರತ್ ರೈಲನ್ನು ಪ್ರದರ್ಶಿಸಿದ್ದು, ಇದು ಆಧುನಿಕ, ಸಮರ್ಥ ಸಾರಿಗೆಗೆ ರಾಜ್ಯದ ಬದ್ಧತೆಯನ್ನು ಸಂಕೇತಿಸುತ್ತದೆ.
ಒಟ್ಟಾರೆಯಾಗಿ, ಉತ್ತರ ಪ್ರದೇಶದ ಟ್ಯಾಬ್ಲೋ ಸಾಂಸ್ಕೃತಿಕ ಪರಂಪರೆ ಮತ್ತು ಆರ್ಥಿಕ ಪ್ರಗತಿಯ ಸಾಮರಸ್ಯದ ಮಿಶ್ರಣವನ್ನು ಚಿತ್ರಿಸುತ್ತದೆ. ಹಾಗೂ, 75ನೇ ಗಣರಾಜ್ಯೋತ್ಸವದ ಮೆರವಣಿಗೆಯಲ್ಲಿ 'ನಂಬಿಕೆ ಮತ್ತು ಅಭಿವೃದ್ಧಿ' ಸಾರವನ್ನು ಸೆರೆಹಿಡಿಯುತ್ತದೆ.
