ಮೋದಿ ಅಜೇಯ ಆಡಳಿತಕ್ಕೆ 20 ವರ್ಷ: ಒಂದು ದಿನವೂ ಅವರು ಅಧಿಕಾರದಿಂದ ವಂಚಿತರಾಗಿಲ್ಲ!
* 13 ವರ್ಷ ಮುಖ್ಯಮಂತ್ರಿಯಾಗಿ ರಾಜ್ಯಭಾರ
* 7 ವರ್ಷದಿಂದ ಪ್ರಧಾನಿ ಹುದ್ದೆಯಲ್ಲಿ ಕೆಲಸ
* ಒಂದು ದಿನವೂ ಅವರು ಅಧಿಕಾರದಿಂದ ವಂಚಿತರಾಗಿಲ್ಲ
ನವದೆಹಲಿ(ಅ.07): 2021ರ ಅ.7ಕ್ಕೆ (ಗುರುವಾರ) ನರೇಂದ್ರ ಮೋದಿ(Narendra Modi) ಅವರು ಸಾಂವಿಧಾನಿಕ ಹುದ್ದೆ ಏರಿ 20 ವರ್ಷ ತುಂಬಲಿದೆ. ಕಳೆದ 20 ವರ್ಷಗಳಿಂದಲೂ ಒಂದಲ್ಲಾ ಒಂದು ಸಾಂವಿಧಾನಿಕ ಹುದ್ದೆಯಲ್ಲಿ ಮುಂದುವರೆದುಕೊಂಡೇ ಬಂದಿರುವ ಮೋದಿ ಅವರ ಸಾರ್ವಜನಿಕ ಜೀವನದ ಕುತೂಹಲಕಾರಿ ಅಂಶಗಳನ್ನು ಇಲ್ಲಿ ತೆರೆದಿಡಲಾಗಿದೆ.
ಅತಿ ಸುದೀರ್ಘ ಅವಧಿಗೆ ಚುನಾಯಿತ ಸರ್ಕಾರದ ಮುಖ್ಯಸ್ಥ
2001ರ ಅ.7ರಂದು ನರೇಂದ್ರ ಮೋದಿ ಮೊದಲ ಬಾರಿಗೆ ಗುಜರಾತ್‌(Gujarat) ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದರು. ಅಂದಿನಿಂದ ಇಂದಿನವರೆಗೆ ಅವರು ಅಂದರೆ ಸತತ 7306 ದಿನಗಳ ಅವಧಿಗೆ ಒಂದಲ್ಲಾ ಒಂದು ಸಾಂವಿಧಾನಿಕ ಹುದ್ದೆಯಲ್ಲಿ ಮುಂದುವರೆದುಕೊಂಡು ಬಂದಿದ್ದಾರೆ. ಈ ಪೈಕಿ ಗುಜರಾತ್‌ ಮುಖ್ಯಮಂತ್ರಿಯಾಗಿ 4607 ದಿನ ಮತ್ತು ಪ್ರಧಾನಿಯಾಗಿ 2691 ದಿನ ಸೇವೆ ಸಲ್ಲಿಸಿದ್ದಾರೆ. ಇಂಥ ದಾಖಲೆ ಹೊಂದಿದ ಏಕೈಕ ವ್ಯಕ್ತಿ ಅವರು.
ಪ್ರಧಾನಿಗಳು ಅಧಿಕಾರದ ದಿನಗಳು
ನರೇಂದ್ರ ಮೋದಿ 7306
ಜವಾಹರ್‌ಲಾಲ್‌ ನೆಹರೂ 6130
ಇಂದಿರಾ ಗಾಂಧಿ 5829
ಮನಮೋಹನ್‌ಸಿಂಗ್‌ 3656
ಮೊರಾರ್ಜಿ ದೇಸಾಯಿ 2511
ಎ.ಬಿ.ವಾಜಪೇಯಿ 2272
ನರಸಿಂಹರಾವ್‌ 2229
ರಾಜೀವ್‌ಗಾಂಧಿ 1857
ವಿ.ಪಿ.ಸಿಂಗ್‌ 1082
ಎಚ್‌.ಡಿ.ದೇವೇಗೌಡ 862
ಚರಣ್‌ಸಿಂಗ್‌ 723
ಲಾಲ್‌ ಬಹಾದ್ದೂರ್‌ ಶಾಸ್ತಿ್ರ 581
ಐ.ಕೆ.ಗುಜ್ರಾಲ್‌ 332
ಚಂದ್ರಶೇಖರ್‌ 223
ಗುಲ್ಜಾರಿಲಾಲ್‌ ನಂದಾ 26
ಅತಿ ಹೆಚ್ಚು ಅವಧಿಗೆ ಪ್ರಧಾನಿ ಹುದ್ದೆ: ಟಾಪ್‌ 5ರಲ್ಲಿ ಮೋದಿ
ಅತಿ ಹೆಚ್ಚು ಅವಧಿಗೆ ಪ್ರಧಾನಿಯಾಗಿ ಸೇವೆ ಸಲ್ಲಿಸಿದವರೆಂದರೆ ನೆಹರೂ, ಇಂದಿರಾಗಾಂಧಿ, ಮನಮೋಹನ್‌ಸಿಂಗ್‌, ನರೇಂದ್ರ ಮೋದಿ ಮತ್ತು ಅಟಲ್‌ ಬಿಹಾರಿ ವಾಜಪೇಯಿ.
ಪ್ರಧಾನಿಗಳು ದಿನಗಳು
ನೆಹರೂ 6130
ಇಂದಿರಾ ಗಾಂಧಿ 5829
ಮನಮೋಹನ್‌ಸಿಂಗ್‌ 3656
ನರೇಂದ್ರ ಮೋದಿ 2691
ವಾಜಪೇಯಿ 2272
ಸಾಮಾಜಿಕ ಮತ್ತು ನೈತಿಕ ನಾಯಕತ್ವ
ಪ್ರಧಾನಿ ನರೇಂದ್ರ ಮೋದಿ ದೇಶದಲ್ಲಿ ಸಾಮಾಜಿಕ ಕ್ಷೇತ್ರದಲ್ಲಿ ಘೋಷಿಸಿದ ಹಲವು ಯೋಜನೆಗಳು ದೇಶದಲ್ಲಿ ಆಮೂಲಾಗ್ರ ಬದಲಾವಣೆಗೆ ಕಾರಣವಾದವು. ಜೊತೆಗೆ ಹಲವು ಯೋಜನೆಗಳನ್ನು ತಾವು ಕೂಡಾ ಪಾಲಿಸುವ ಜೊತೆಗೆ ಇತರರಿಗೆ ಮಾದರಿಯಾದವರು. ಉದಾಹರಣೆಗೆ ಸ್ವಚ್ಛ ಭಾರತ, ಅಂತಾರಾಷ್ಟ್ರೀಯ ಯೋಗ ದಿನ, ಫಿಟ್‌ ಇಂಡಿಯಾ, ಬಯಲು ಶೌಚ ಮುಕ್ತ ಯೋಜನೆ, ಬೇಟಿ ಬಚಾವೋ, ಬೇಟಿ ಫಡಾವೋ ಉಜ್ವಲ, ಎಲ್‌ಪಿಜಿ ಸಬ್ಸಿಡಿಯನ್ನು ಸ್ವತಃ ಜನರೇ ಕೈಬಿಡುವಂತೆ ಪ್ರೋತ್ಸಾಹಿಸಿದ್ದು ಮೊದಲಾದವು.
ಇನ್ನು ಹಣಕಾಸು ಒಳಗೊಳ್ಳುವಿಕೆಗಾಗಿ 44 ಜನರಿಗೆ ಜನಧನ ಯೋಜನೆಯಡಿ ಬ್ಯಾಂಕ್‌ ಖಾತೆ, ಮುದ್ರಾ ಯೋಜನೆಯಡಿ ಸಣ್ಣ ಉದ್ಯಮಿಗಳಿಗೆ ಸುಲಭ ಸಾಲ, ಡಿಜಿಟಲ್‌ ಕ್ರಾಂತಿ, ಗ್ರಾಮಗ್ರಾಮಗಳಿಗೆ ವಿದ್ಯುತ್‌ ಜಾಲ, ಆರೋಗ್ಯ ಸೌಲಭ್ಯ ವಿಸ್ತರಣೆ, ಮನೆಮನೆಗೂ ಸ್ವಚ್ಛ ಕುಡಿಯುವ ನೀರು, ಪ್ರತಿ ಕುಟುಂಬಕ್ಕೂ ಆಯುಷ್ಮಾನ್‌ ಭಾರತ್‌ ಯೋಜನೆಯಡಿ ವಿಮಾ ಸೌಲಭ್ಯ, ಕೊರೋನಾ ಸಾಂಕ್ರಾಮಿಕ ಕಾಲದಲ್ಲಿ ಉಚಿತವಾಗಿ ಕೋವಿಡ್‌ ಲಸಿಕೆ ವಿತರಣೆ.
ದಶಕಗಳಿಂದ ಬಾಕಿ ಉಳಿದಿದ್ದ ಅಯೋಧ್ಯೆ ರಾಮಮಂದಿರ ವಿವಾದ ಇತ್ಯರ್ಥ, ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ನೀಡುತ್ತಿದ್ದ ಸಂವಿಧಾನ 370ನೇ ವಿಧಿ ರದ್ದು, ಬಳಕೆದಲ್ಲಿದ್ದಲ್ಲ ನೂರಾರು ಗತಕಾಲದ ಕಾನೂನುಗಳ ರದ್ದು, ಜಿಎಸ್‌ಟಿ ಜಾರಿ.
