ಕಾಶ್ಮೀರಿ ಉಗ್ರರ ಆಯಸ್ಸು ಭಾರೀ ಕಮ್ಮಿ!
* ಉಗ್ರವಾದಕ್ಕೆ ಸೇರಿದ 1 ವರ್ಷದಲ್ಲಿ ಶೇ.64 ಜನರ ಹತ್ಯೆ
* ದಕ್ಷಿಣ ಕಾಶ್ಮೀರದ 4 ಜಿಲ್ಲೇಲಿ ಹೆಚ್ಚು ಉಗ್ರ ಕೃತ್ಯ ದಾಖಲು
* ಕಾಶ್ಮೀರಿ ಉಗ್ರರ ಆಯಸ್ಸು ಭಾರೀ ಕಮ್ಮಿ!
Followಶ್ರೀನಗರ(ಜು,04): ಜಮ್ಮು ಮತ್ತು ಕಾಶ್ಮೀರದಲ್ಲಿ ಭಯೋತ್ಪಾದನಾ ಕೃತ್ಯಗಳಿಗೆ ಸೇರ್ಪಡೆಯಾಗುವ ಯುವಕರ ಆಯಸ್ಸು ತೀರಾ ಕಡಿಮೆ. ಕಾರಣ ಹೀಗೆ ಸೇರಿದವರ ಪೈಕಿ ಶೇ.64ರಷ್ಟುಜನರು ಒಂದೇ ವರ್ಷದಲ್ಲಿ ಸೇನೆಯ ಗುಂಡಿಗೆ ಬಲಿಯಾಗುತ್ತಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
2022ರ ಜ.2- ಮೇ 31ರೊಳಗೆ ರಾಜ್ಯದಲ್ಲಿ ಭಯೋತ್ಪಾದನೆಗೆ ಸೇರ್ಪಡೆಯಾದ 70-75 ಯುವಕರು ಮತ್ತು ಈ ಪೈಕಿ ಸಾವನ್ನಪ್ಪಿದವರ ಸಂಖ್ಯೆ ಆಧರಿಸಿ ಮಾಹಿತಿ ನೀಡಿರುವ ಸೇನೆಯ ಅಧಿಕಾರಿಗಳು, ಶೇ.64.1ರಷ್ಟು1 ವರ್ಷದಲ್ಲಿ ಸಾವನ್ನಪ್ಪುತ್ತಾರೆ. ಶೇ.26.6ರಷ್ಟುಜನರು ಮಾತ್ರ ಒಂದು ವರ್ಷಕ್ಕಿಂತ ಹೆಚ್ಚಿನ ಅವಧಿಗೆ ಜೀವಂತವಾಗಿರುತ್ತಾರೆ. ಶೇ.9.3ರಷ್ಟುಯುವ ಉಗ್ರರ ಬಗ್ಗೆ ಯಾವುದೇ ಮಾಹಿತಿ ಇಲ್ಲ ಎಂದು ತಿಳಿಸಿದ್ದಾರೆ.
ದಕ್ಷಿಣ ಕಾಶ್ಮೀರಿಗಳೇ ಹೆಚ್ಚು:
ಇನ್ನು ಉಗ್ರವಾದಕ್ಕೆ ಸೇರಿ ಹತರಾದವರಲ್ಲಿ 59 ಜನರು ದಕ್ಷಿಣ ಕಾಶ್ಮೀರಕ್ಕೆ ಸೇರಿದವರು. ಈ ವರ್ಷ ಕಣಿವೆಯಲ್ಲಿ ಹತರಾದ 90 ಉಗ್ರರ ಪೈಕಿ 26 ಜನರು ಪಾಕಿಸ್ತಾನ ಪ್ರಜೆಗಳು. ಇದು ಕಳೆದ ಇಡೀ ವರ್ಷದಲ್ಲಿ ಹತರಾದ ವಿದೇಶಿ ಉಗ್ರರ (20) ಪ್ರಮಾಣಕ್ಕಿಂತ ಹೆಚ್ಚು.
ಹತ ಉಗ್ರರಲ್ಲಿ 52 ಜನರು ಲಷ್ಕರ್‌, 20 ಜನರು ಜೈಷ್‌ ಎ ಮೊಹಮ್ಮದ್‌, 11 ಜನರು ಹಿಜ್ಬುಲ್‌ ಮುಜಾಹಿದೀನ್‌, ನಾಲ್ವರು ಅಲ್‌ ಬದ್‌್ರ ಸಂಘಟನೆಗೆ ಸೇರಿದವರು. ದಕ್ಷಿಣ ಕಾಶ್ಮೀರದ ಪುಲ್ವಾಮಾ (27), ಅನಂತ್‌ನಾಗ್‌ (12), ಕುಲ್ಗಾಂ (11)ಮತ್ತು ಶೋಪಿಯಾನ್‌ನಲ್ಲೇ (9) 59 ಉಗ್ರರನ್ನು ಹತ್ಯೆಗೈಯಲಾಗಿದೆ.
ಉಗ್ರರು- ಆಯಸ್ಸು
ಶೇ.64.1- 1 ವರ್ಷ
ಶೇ.26.6- ವರ್ಷಕ್ಕಿಂತ ಹೆಚ್ಚು
ಶೇ.9.3- ಮಾಹಿತಿ ಇಲ್ಲ
