ಹೈಕೋರ್ಟ್‌ ವಕೀಲನಿಗೆ 'ಆ' ಅಭ್ಯಾಸ ಇಲ್ಲದ ವಧು ಬೇಕಂತೆ, ವೈರಲ್ ಆಯ್ತು ಜಾಹೀರಾತು!
ವೈರಲ್ ಆಗುತ್ತಿದೆ ವೈವಾಹಿಜಕ ಜಾಹೀರಾತು| ಪಶ್ಚಿಮ ಬಂಗಾಳದ ಲಾಯರ್ ಸಾಹೇಬರಿಗೆ ಆ ಅಭ್ಯಾಸ ಇಲ್ಲದ ವಧು ಬೇಕಂತೆ| ಸಿಗೋದು ಬಹಳ ಕಷ್ಟ ಅಂತಿದ್ದಾರೆ ನೆಟ್ಟಿಗರು
ಕೋಲ್ಕತ್ತಾ(ಅ.05): ಸೋಶಿಯಲ್ ಮೀಡಿಯಾದಲ್ಲಿ ವೈವಾಹಿಕ ಜಾಹೀರಾತೊಂದು ಭಾರೀ ವೈರಲ್ ಆಗಿದ್ದು, ಇದು ಭಾರಿ ಸೌಂಡ್ ಮಾಡಲಾರಂಭಿಸಿದೆ. ಹೌದು ವಕೀಲರೊಬ್ಬರು ಸೋಶಿಯಲ್ ಮೀಡಿಯಾ ಹುಚ್ಚಿಲ್ಲದ ವಧುವಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ. ಈ ಹಿಂದೆಯೂ ಇಂತಹ ಅನೇಕ ಜಾಹೀರಾತುಗಳು ಸದ್ದು ಮಾಡಿವೆ. ಆದರೆ ಈ ಜಾಹೀರಾತು ಸೋಶಿಯತಲ್ ಮಿಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಪಶ್ಚಿಮ ಬಂಗಾಳದ 37 ವರ್ಷದ ವಕೀಲರೊಬ್ಬರು ಈ ಜಾಹೀರಾತು ನೀಡಿದ್ದಾರೆ.
ಐಎಎಸ್ ಅಧಿಕಾರಿ ನಿತಿನ್ ಸಾಂಗ್ವಾನ್ ಜಾಹೀರಾತಿನ ಫೋಟೋವನ್ನು ತಮ್ಮ ಟ್ವಿಟರ್ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಜೊತೆಗೆ ಬದಲಾಗುತ್ತಿರುವ ಸಮಯದಲ್ಲಿ ಬದಲಾಗುತ್ತಿರುವ ಮಾನದಂಡಗಳ ಬಗ್ಗೆಯೂ ಉಲ್ಲೇಖಿಸಿದ್ದಾರೆ.
ಫೋಟೋ ಟ್ವಿಟ್ ಮಾಡಿರುವ ಸಾಂಗ್ವಾನ್ 'ಭಾವಿ ವಧು/ವರರು ದಯವಿಟ್ಟು ಗಮನಿಸಿ. ಮ್ಯಾಚ್‌ ಮೇಕಿಂಗ್ ಮಾನದ<ಡಗಳು ಬದಲಾಗುತ್ತಿವೆ' ಎಂದೂ ಬರೆದಿದ್ದಾರೆ.
ಈ ಜಾಹೀರಾತನ್ನು ಓದಿದ ಅನೇಕ ಮಂದಿ ಅಚ್ಚರಿಗೀಡಾಗಿದ್ದಾರೆ. ಅನೇಕ ಮಂದಿ ಇಂದಿನ ದಿನಗಳಲ್ಲಿ ಇಂತಹ ವಧು ಸಿಗಲು ಸಾಧ್ಯವೇ ಎಂದು ಪ್ರಶ್ನಿಸಿದ್ದಾರೆ. ಇಂದು ಬಹುತೇಕ ಎಲ್ಲರೂ ಫೇಸ್‌ಬುಕ್, ಇನ್ಸ್ಟಾಗ್ರಾಂ ಹಾಗೂ ಟ್ವಿಟರ್‌ನಂತಹ ಸೋಧಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಸಕ್ರಿಯರಾಗಿರುತ್ತಾರೆ.
ಹೀಗಿರುವಾಗ ಅನೇಕ ಮಂದಿ ಈ ಟ್ವೀಟ್‌ಗೆ ಭಿನ್ನ ವಿಭಿನ್ನ ಕಮೆಂಟ್‌ಗಳನ್ನೂ ನೀಡಿದ್ದಾರೆ.
