ಜೈಲು ಶಿಕ್ಷೆ ಮಧ್ಯೆಯೇ ಅಭ್ಯರ್ಥಿಗಳಿಗೆ ಲಾಲು ಸಂದರ್ಶನ!

ರಾಂಚಿ/ಪಟ​ನಾ(ಅ.09): ಮೇವು ಹಗ​ರ​ಣ​ದಲ್ಲಿ ಜೈಲು ಪಾಲಾ​ಗಿ​ರುವ ಆರ್‌​ಜೆಡಿ ಮುಖ್ಯಸ್ಥ ಲಾಲುಪ್ರಸಾದ್‌ ಯಾದವ್‌ ಅವರು ಶಿಕ್ಷೆ ಅನು​ಭ​ವಿ​ಸು​ತ್ತಿ​ರುವ ವೇಳೆಯೇ ಬಿಹಾರ ವಿಧಾ​ನ​ಸಭೆ ಚುನಾ​ವಣೆ ಹಿನ್ನೆ​ಲೆ​ಯಲ್ಲಿ ಅಭ್ಯ​ರ್ಥಿ​ಗಳ ಸಂದ​ರ್ಶನ ಆರಂಭಿ​ಸಿ​ದ್ದಾ​ರೆ!

ಅಚ್ಚರಿ ಎನ್ನಿ​ಸಿ​ದರೂ ಹೌದು. ರಾಂಚಿ ಜೈಲಿ​ನಲ್ಲಿ ಲಾಲು​ರನ್ನು ಇರಿ​ಸ​ಲಾ​ಗಿ​ತ್ತಾ​ದರೂ, ಅನಾ​ರೋ​ಗ್ಯದ ಕಾರಣ ನೀಡಿ ಅವರು 2018ರ ಆ.29ರಂದೇ ರಾಂಚಿಯ ರಿಮ್ಸ್‌ ಆಸ್ಪ​ತ್ರೆಗೆ ಚಿಕಿ​ತ್ಸೆಗೆ ದಾಖ​ಲಾ​ಗಿ​ದ್ದರು. ಈ ಮೂಲಕ ಆಸ್ಪ​ತ್ರೆ​ಯ​ಲ್ಲಿ​ರುವ ಅತಿ ಸುದೀ​ರ್ಘಾ​ವಧಿ ಅಪ​ರಾಧಿ ಎಂಬ ‘ಕೀ​ರ್ತಿ​’ಗೂ ಭಾಜ​ನ​ರಾ​ಗಿ​ದ್ದಾ​ರೆ. ಇನ್ನು ಕಳೆ​ದ ಆಗಸ್ಟ್‌ 5ರಂದು ಅವರು ಆಸ್ಪ​ತ್ರೆಯ ಡೈರೆ​ಕ್ಟರ್ಸ್‌ ಬಂಗ​ಲೆಗೆ ಸ್ಥಳಾಂತ​ರ​ಗೊಂಡು ಅಲ್ಲಿಯೇ ಚಿಕಿತ್ಸೆ ಪಡೆ​ಯು​ತ್ತಿ​ದ್ದಾರೆ.

ಶಿವಸೇನೆ ಸರ್ಕಾರ ಕೆಳಗಿಳಿಸ್ತೀವಿ, ಮಹಾರಾಷ್ಟ್ರದಲ್ಲಿ ಶೀಘ್ರ ಬಿಜೆಪಿ ಸರ್ಕಾರ ರಚನೆ: ನಡ್ಡಾ

ಆದರೆ ಇದೇ ಅವ​ಕಾ​ಶ​ವನ್ನು ‘ದು​ರ್ಬ​ಳ​ಕೆ’ ಮಾಡಿ​ಕೊ​ಳ್ಳು​ತ್ತಿ​ರುವ ಅವರು, ಅಲ್ಲಿಂದಲೇ ಆರ್‌​ಜೆಡಿ ಟಿಕೆಟ್‌ ಆಕಾಂಕ್ಷಿ​ಗ​ಳನ್ನು ಕರೆ​ಸಿ​ಕೊಂಡು ಸಂದ​ರ್ಶನ ಆರಂಭಿ​ಸಿ​ದ್ದಾರೆ ಎಂದು ತಿಳಿ​ದು​ಬಂದಿ​ದೆ. ಈ ಮಾಹಿ​ತಿ​ಯ​ನ್ನು ಲಾಲು ಆಪ್ತ​ರೊ​ಬ್ಬರು ಖಚಿ​ತ​ಪ​ಡಿ​ಸಿ​ದ್ದಾರೆ. ‘ಡೈ​ರೆ​ಕ್ಟರ್ಸ್‌ ಬಂಗ​ಲೆಗೆ ತಮಗೆ ಬೇಕಾದ ಟಿಕೆಟ್‌ ಆಕಾಂಕ್ಷಿ​ಗಳನ್ನು ಲಾಲು ಕರೆ​ಸಿ​ಕೊ​ಳ್ಳು​ತ್ತಿ​ದ್ದಾ​ರೆ. ಅವ​ರಿಗೆ ಲಾಲು ಟಿಕೆಟ್‌ ಆಶ್ವಾ​ಸನೆ ನೀಡು​ತ್ತಿ​ದ್ದಾ​ರೆ. ಲಾಲು ಅವರೇ ಟಿಕೆಟ್‌ ಫೈನಲ್‌ ಮಾಡು​ತ್ತಿ​ದ್ದಾ​ರೆ’ ಎಂದು ತಿಳಿ​ಸಿ​ದ್ದಾ​ರೆ.

‘ನಿತ್ಯ ಲಾಲು ಅವ​ರಿಗೆ ಸುಮಾರು 5000 ಬಯೋ​ಡೇ​ಟಾ​ಗಳು ತಲು​ಪು​ತ್ತಿವೆ. ಲಾಲು ಅವರು ಮೊಬೈ​ಲ್‌​ನಲ್ಲೂ ಚುನಾ​ವಣಾ ಚಟು​ವ​ಟಿ​ಕೆ ನಡೆ​ಸು​ತ್ತಿ​ದ್ದಾ​ರೆ​’ ಎಂದೂ ತಿಳಿ​ದು​ಬಂದಿ​ದೆ.

ದೇವೇಂದ್ರ ಫಡ್ನ​ವೀಸ್‌ ಜತೆ ಜಾರ​ಕಿ​ಹೊಳಿ: ಕುತೂ​ಹಲ ಕೆರ​ಳಿ​ಸಿದ ಉಭಯ ನಾಯಕರ ಭೇಟಿ

‘ಅಪ​ರಾ​ಧಿ​ಗ​ಳಿಗೆ ಈ ರೀತಿ ಮುಕ್ತ​ವಾಗಿ ಬೇಕಾ​ದ​ವ​ರನ್ನು ಭೇಟಿ ಮಾಡಲು ಆಗದು. ಅದ್ಹೇಗೆ ಎಲ್ಲ​ರಿಗೂ ಭೇಟಿಗೆ ಅವ​ಕಾಶ ನೀಡ​ಲಾ​ಗು​ತ್ತಿ​ದೆ ಎಂಬುದೇ ಪ್ರಶ್ನೆ. ಇದು ರಾಜ್ಯದ ಜೆಎಂಎಂ-ಕಾಂಗ್ರೆಸ್‌ ಸರ್ಕಾ​ರದ ವೈಫಲ್ಯ’ ಎಂದು ಬಿಜೆಪಿ ಮುಖಂಡ ಹಾಗೂ ಮಾಜಿ ಮುಖ್ಯ​ಮಂತ್ರಿ ರಘು​ಬರ ದಾಸ್‌ ಆರೋ​ಪಿ​ಸಿ​ದ್ದಾ​ರೆ. ಅಲ್ಲದೆ, ಲಾಲುಗೆ ಮೊಬೈಲ್‌ ಹೇಗೆ ನೀಡ​ಲಾ​ಗಿದೆ ಎಂಬುದೂ ಪ್ರಶ್ನೆ​ಯಾ​ಗಿ​ದೆ.

• RJD
• Politics
• Lalu prasad Yadav
• ರಾಜಕೀಯ
• ಆರ್‌ಜೆಡಿ
• ಲಾಲು ಪ್ರಸಾದ್ ಯಾದವ್