* ಬೆಂಗಳೂರು ಏರ್ಪೋರ್ಟ್ ವಿಡಿಯೋ ವೈರಲ್* ಸೇನಾ ಸಿಬ್ಬಂದಿಗೆ ಬಾಲಕನ ಸೆಲ್ಯೂಟ್
ನವದೆಹಲಿ(ಅ.25): ಬೆಂಗಳೂರಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ(Kempegowda International Airport Bengaluru) ಪುಟ್ಟಬಾಲಕನೊಬ್ಬ ಸೇನಾ ವಾಹನದಲ್ಲಿ(Army Vehicle) ಆಗಮಿಸಿದ ಸಿಬ್ಬಂದಿಗೆ ಸೆಲ್ಯೂಟ್ ಮಾಡಿದ ವಿಡಿಯೋವೊಂದು ಇದೀಗ ಭಾರೀ ವೈರಲ್ ಆಗಿದೆ.
"
ರಾಜ್ಯಸಭಾ ಸದಸ್ಯ ರಾಜೀವ ಚಂದ್ರಶೇಖರ(MP Rajeev Chandrasekhar) ಅವರು ಕೂಡ ಟ್ವಿಟ್ಟರ್ನಲ್ಲಿ ಈ ವಿಡಿಯೋ ಹಂಚಿಕೊಂಡಿದ್ದು, ದೇಶಭಕ್ತಿಯನ್ನು ಈ ಬಾಲಕನಿಂದ ಕಲಿಯಬೇಕು ಎಂದು ಟ್ವೀಟ್ ಮಾಡಿದ್ದಾರೆ. ವಿಡಿಯೋದಲ್ಲಿ ಸೇನಾ ವಾಹನದ ಬಳಿ ಪುಟ್ಟ ಪುಟ್ಟ ಹೆಜ್ಜೆ ಇಟ್ಟುಕೊಂಡು ತೆರಳಿದ ಬಾಲಕ ವಾಹನದ ಮುಂದೆ ನಿಂತು ಅದರಲ್ಲಿದ್ದ ಸಿಬ್ಬಂದಿಗೆ ಸೆಲ್ಯೂಟ್(Salute) ಮಾಡಿದ್ದಾನೆ. ಸೇನಾ ಸಿಬ್ಬಂದಿ ಕೂಡ ಬಾಲಕನಿಗೆ ಪ್ರತಿವಂದನೆ ಸಲ್ಲಿಸಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋ ಭಾರಿ ವೈರಲ್ ಆಗಿದ್ದು, ಪ್ರತಿಯೊಬ್ಬ ದೇಶವಾಸಿಗಳ ದೇಶಭಕ್ತಿಯನ್ನು ಜಾಗೃತಗೊಳಿಸುತ್ತದೆ. ಅಭಿಷೇಕ್ ಕುಮಾರ್ ಝಾ ಎಂಬುವವರ ಮೊದಲು ಈ ವಿಡಿಯೋ ಟ್ವೀಟ್ ಮಾಡಿದ್ದು, ಈ ಹೆಮ್ಮೆಯ ಕ್ಷಣವನ್ನು ತಮ್ಮ ಸ್ನೇಹಿತ ಸೆರೆಹಿಡಿದಿದ್ದಾಗಿ ಬರೆದುಕೊಂಡಿದ್ದಾರೆ. ಮುಗ್ದ ಮಗುವಿನ ದೇಶಪ್ರೇಮಕ್ಕೆ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ. ಲಕ್ಷಾಂತರ ಜನ ಈ ವಿಡಿಯೋ ವೀಕ್ಷಿಸಿದ್ದಲ್ಲದೇ ರೀಟ್ವೀಟ್ ಕೂಡ ಮಾಡಿದ್ದಾರೆ.
ಬಾಲಕ ಸೈನಿಕರಿಗೆ ನೀಡುವ ಗೌರವ, ಪ್ರತಿಯಾಗಿ ಸೈನಿಕರು ಬಾಲಕನಿಗೆ ಸಲ್ಲಿಸುವ ಪ್ರತಿವಂದನೆಯ ವಿಡಿಯೋ ಕೆಲವೇ ಕ್ಷಣಗಳದ್ದಾದರೂ, ಅಭೂತಪೂರ್ವ ಸಂದೇಶ ರವಾನಿಸಿದೆ.
