ದೇಶದ ಬತ್ತಳಿಕೆಗೆ ಕ್ಷಿಪಣಿ ನಾಶಕ ಯುದ್ಧನೌಕೆ ಮರ್ಮುಗೋವಾ: ರಕ್ಷಣಾ ಸಚಿವರಿಂದ ದೇಶಕ್ಕೆ ಸಮರ್ಪಣೆ

ಸ್ವದೇಶಿ ನಿರ್ಮಿತ ಶಕ್ತಿಶಾಲಿ ಯುದ್ಧನೌಕೆಗಳಲ್ಲಿ ಒಂದು
ನೌಕೆಯ ಶೇ.75 ಭಾಗಗಳು ದೇಶದಲ್ಲೇ ನಿರ್ಮಾಣ
ದೇಶದ ಕರಾವಳಿ ಸಾಮರ್ಥ್ಯಕ್ಕೆ ಬಲ

Indigenous stealth guided missile destroyer INS Mormugao commissioned to Indian navy By defence Minister Rajnath singh akb

First Published Dec 19, 2022, 7:51 AM IST

ಮುಂಬೈ: ಸ್ಟೆಲ್ತ್‌ ಗೈಡೆಡ್‌ ಕ್ಷಿಪಣಿಗಳನ್ನು ಹೊಡೆದುರುಳಿಸಬಲ್ಲ ಸಾಮರ್ಥ್ಯ ಹೊಂದಿರುವ ಅತ್ಯಾಧುನಿಕ, ಸ್ವದೇಶಿ ನಿರ್ಮಿತ ಯುದ್ಧನೌಕೆ ಐಎನ್‌ಎಸ್‌ ಮರ್ಮುಗೋವಾ ಅನ್ನು ರಕ್ಷಣಾ ಸಚಿವ ರಾಜ್‌ನಾಥ್‌ಸಿಂಗ್‌ ಭಾನುವಾರ ದೇಶಕ್ಕೆ ಸಮರ್ಪಣೆ ಮಾಡಿದರು. ಈ ವೇಳೆ ಮಾತನಾಡಿದ ಅವರು ಯುದ್ಧ ನೌಕೆಗಳ ವಿನ್ಯಾಸ ಮತ್ತು ನಿರ್ಮಾಣದಲ್ಲಿನ ಭಾರತದ ಕೌಶಲ್ಯವನ್ನು ಈ ನೌಕೆ ಸಾಬೀತುಪಡಿಸಿದೆ ಎಂದು ಹೇಳಿದ್ದಾರೆ. ಐಎನ್‌ಎಸ್‌ ಮರ್ಮುಗೋವಾ (INS Mormugao), ಸ್ವದೇಶದಲ್ಲೇ ನಿರ್ಮಿಸಿರುವ ಶಕ್ತಿಶಾಲಿ ಯುದ್ಧ ನೌಕೆಗಳ (Warship) ಪೈಕಿ ಒಂದಾಗಿದ್ದು, ತಾಂತ್ರಿಕವಾಗಿ ಅತ್ಯಾಧುನಿಕವಾಗಿದೆ. ಇದು ದೇಶದ ಕರಾವಳಿ ಸಾಮರ್ಥ್ಯವನ್ನು ಇನ್ನಷ್ಟುಬಲಪಡಿಸಲಿದೆ. ನೌಕೆಯ ಶೇ.75ರಷ್ಟುಭಾಗಗಳನ್ನು ದೇಶೀಯವಾಗಿ ಉತ್ಪಾದಿಸಲಾಗಿದೆ. ಈ ಯುದ್ಧನೌಕೆ ಭಾರತ ಮತ್ತು ಭಾರತದ ಮಿತ್ರ ದೇಶಗಳ ಭದ್ರತೆಗೆ ನೆರವಾಗಲಿದೆ ಎಂದು ರಾಜ್‌ನಾಥ್‌ ವಿಶ್ವಾಸ ವ್ಯಕ್ತಪಡಿಸಿದರು.

ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದ ನೌಕಾಪಡೆ ಮುಖ್ಯಸ್ಥ ಜ.ಹರಿಕುಮಾರ್‌ (Navy chief J. Harikumar) ಮಾತನಾಡಿ, ಗೋವಾ ವಿಮೋಚನಾ ದಿನದ (Goa's liberation day) ಮುನ್ನಾ ದಿನ ಯುದ್ಧನೌಕೆಗೆ ಚಾಲನೆ ನೀಡಿರುವುದು ಯುದ್ಧನೌಕೆ ವಿನ್ಯಾಸ ಮತ್ತು ನಿರ್ಮಾಣದಲ್ಲಿ ಕಳೆದೊಂದು ದಶಕದಲ್ಲಿ ದೇಶ ಸಾಧಿಸಿರುವ ನೈಪುಣ್ಯತೆ ಸಾಕ್ಷಿ ಎಂದು ಹೇಳಿದರು. ಕಾರ್ಯಕ್ರಮದಲ್ಲಿ ಸಶಸ್ತ್ರಪಡೆಗಳ ಮುಖ್ಯಸ್ಥ ಅನಿಲ್‌ ಚೌಹಾಣ್‌, ಗೋವಾ ಮುಖ್ಯಮಂತ್ರಿ ಪ್ರಮೋದ್‌ ಸಾವಂತ್‌, ಗೋವಾ ರಾಜ್ಯಪಾಲ ಪಿ.ಎಸ್‌.ಶ್ರೀಧರನ್‌ ಪಿಳ್ಳೈ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.

ಬರಲಿದ್ದಾರೆ ಮಹಿಳಾ ಕಮಾಂಡೋ..! ಇತಿಹಾಸದಲ್ಲಿ ಮೊದಲ ಬಾರಿಗೆ ನೌಕಾ ಪಡೆಯಲ್ಲಿ ಅವಕಾಶ

ಭಾರತೀಯ ನೌಕಾಪಡೆ ಪ್ರಾಜೆಕ್ಟ್ 15ಬಿ ಯೋಜನೆಯಡಿ ವಿಶಾಖಪಟ್ಟಣಂ ಕ್ಲಾಸ್‌ ಕ್ಷಿಪಣಿ ನಾಶಕಗಳನ್ನು ಅಭಿವೃದ್ಧಿಪಡಿಸುತ್ತಿದ್ದು, ಆ ಪೈಕಿ ಐಎನ್‌ಎಸ್‌ ಮರ್ಮುಗೋವಾ ಎರಡನೇಯದ್ದಾಗಿದೆ. ಗೋವಾದ ಐತಿಹಾಸಿಕ ಬಂದರು ನಗರಿ ಮರ್ಮುಗೋವಾದ ಹೆಸರನ್ನೇ ಈ ನೌಕೆಗೆ ಇಡಲಾಗಿದೆ.

Indian Navy MR Recruitment 2022: ಭಾರತೀಯ ನೌಕಾಪಡೆಯಲ್ಲಿ ಅಗ್ನಿವೀರರು ನೇಮಕಾತಿ
ಯುದ್ಧನೌಕೆ ವಿಶೇಷತೆ: