ಕೊರೋನಾ ಮೂಲ ಪತ್ತೆಗೆ ಭಾರತದಿಂದ ತನಿಖೆ ಸಾಧ್ಯತೆ
* ಕೊರೋನಾ ವೈರಸ್ನ ಮೂಲ ಪತ್ತೆಯ ತನಿಖೆಗೆ ಪಾಶ್ಚಿಮಾತ್ಯ ರಾಷ್ಟ್ರಗಳ ಒತ್ತಾಯ
* ಕೊರೋನಾ ಮೂಲ ಪತ್ತೆಗೆ ಭಾರತದಿಂದ ತನಿಖೆ ಸಾಧ್ಯತೆ
* ಚೀನಾ ವಿರುದ್ಧ ಎಫ್ಐಆರ್ಗೆ ಭಾರತ ಸರ್ಕಾರ ಗಂಭೀರ ಚಿಂತನೆ
ನವದೆಹಲಿ(ಜೂ.05): ಕೊರೋನಾ ವೈರಸ್ನ ಮೂಲ ಪತ್ತೆಯ ತನಿಖೆಗೆ ಪಾಶ್ಚಿಮಾತ್ಯ ರಾಷ್ಟ್ರಗಳ ಒತ್ತಾಯದ ಬೆನ್ನಲ್ಲೇ, ವೈರಸ್ ಮೂಲದ ವಿರುದ್ಧ ಕ್ರಿಮಿನಲ್ ತನಿಖೆ ನಡೆಸಲು ಭಾರತ ಸರ್ಕಾರ ಚಿಂತನೆ ನಡೆಸಿದೆ ಎಂದು ಮೂಲಗಳು ತಿಳಿಸಿವೆ.
ಈ ಕುರಿತ ಎಫ್ಐಆರ್ಗಾಗಿ ಕರಡು ಪ್ರಸ್ತಾವನೆ ಸಿದ್ಧವಾಗಿದ್ದು, ಈ ಪ್ರಸ್ತಾವನೆ ಅನುಮೋದನೆಗೊಂಡಲ್ಲಿ, ‘ವೆಪನ್ಸ್ ಆಫ್ ಮಾಸ್ ಡಿಸ್ಟ್ರಕ್ಷನ್ ಕಾಯ್ದೆ-2005’ ಹಾಗೂ ಇತರ ಕಾಯ್ದೆಯಡಿ ಕೇಸ್ ದಾಖಲಾಗಬಹುದು. ಕೊರೋನಾ ಮೂಲ ಪತ್ತೆಯಾಗಿದ್ದು ಚೀನಾದ ವುಹಾನ್ನಲ್ಲಿ. ಇದನ್ನು ಜೈವಿಕ ಯುದ್ಧಕ್ಕೆ ಚೀನಾ ಬಳಸಿಕೊಂಡಿದೆ ಎಂಬ ದೂರು ದಾಖಲಿಸಿಕೊಂಡು ಎನ್ಐಎ ಇದರ ತನಿಖೆ ಆರಂಭಿಸಬಹುದು. ಪ್ರಕರಣದ ತಪ್ಪಿತಸ್ಥರಿಗೆ ಕನಿಷ್ಠ 5 ವರ್ಷದಿಂದ ಗರಿಷ್ಠ ಜೀವಾವಧಿವರೆಗೆ ಶಿಕ್ಷೆ ಆಗಲಿದೆ. ಆದರೆ ಇದನ್ನೂ ಚಿಂತನಾ ಹಂತದಲ್ಲಿದ್ದು ಅಂತಿಮ ನಿರ್ಧಾರ ಆಗಿಲ್ಲ ಎಂದು ತಿಳಿದುಬಂದಿದೆ.
ಆದರೂ ಈ ಕೇಸ್ ಕೇವಲ ಸಾಂಕೇತಿಕವಾಗಿರಬಹುದು. ಭಾರತವು ಯಾವುದೇ ಕಾರಣಕ್ಕೂ ಜೈವಿಕ ಯುದ್ಧವನ್ನು ಸಹಿಸುವುದಿಲ್ಲ ಎಂಬ ಸಂದೇಶವನನ್ನು ವಿಶ್ವಕ್ಕೆ ಸಾರಲು ಮುಂದಾಗಿದೆ ಎಂದು ಗೊತ್ತಾಗಿದೆ.