ಭುಜ್ ತಾಲ್ಲೂಕಿನ ಮಾಧಪರ್ ಜುನಾವಾಸ್ ಗ್ರಾಮ ಪಂಚಾಯತ್ನಲ್ಲಿ ಪಿಜಿವಿಸಿಎಲ್ ವಿದ್ಯುತ್ ಬಿಲ್ ಪಾವತಿಸದ ಕಾರಣ ಐದು ದಿನಗಳ ಕಾಲ ಬೀದಿ ದೀಪಗಳು ಆರಿಹೋಗಿದ್ದವು.
ಅಹಮದಾಬಾದ್ (ಮಾ.31): ವಿಪರ್ಯಾಸ ಎನ್ನುವಂತೆ ಗುಜರಾತ್ನ ಕಚ್ನಲ್ಲಿರುವ ಏಷ್ಯಾದ ಅತ್ಯಂತ ಶ್ರೀಮಂತ ಹಳ್ಳಿಯ ನಿವಾಸಿಗಳು 65.5 ಲಕ್ಷ ರೂ. ಮೌಲ್ಯದ ವಿದ್ಯುತ್ ಬಿಲ್ಗಳನ್ನು ಪಾವತಿಸದ ಕಾರಣ ಪಶ್ಚಿಮ ಗುಜರಾತ್ ವಿಜ್ ಕಾರ್ಪೊರೇಷನ್ ಲಿಮಿಟೆಡ್ ಗ್ರಾಮದ ಬೀದಿ ದೀಪಗಳಿಗೆ ವಿದ್ಯುತ್ ಸರಬರಾಜನ್ನು ಸ್ಥಗಿತಗೊಳಿಸಿತ್ತು. ಇದರಿಂದಾಗಿ ಇಡೀ ಗ್ರಾಮ ಸತತ ಐದು ದಿನಗಳನ್ನು ಕತ್ತಲೆಯಲ್ಲಿ ಕಳೆಯಬೇಕಾಯಿತು.
ಪ್ರಸ್ತುತ ಸರಪಂಚ್ ಬಿಲ್ ಅನ್ನು ಭಾಗಶಃ ಪಾವತಿಸಿದ ನಂತರ ಪಿಡಿಜಿವಿಸಿಎಲ್ ಭುಜ್ ತಾಲ್ಲೂಕಿನ ಮಾಧಾಪರ್ ಜುನಾವಾಸ್ ಗ್ರಾಮ ಪಂಚಾಯತ್ಗೆ ವಿದ್ಯುತ್ ಸಂಪರ್ಕವನ್ನು ಪುನಃಸ್ಥಾಪಿಸಿದೆ, ಆದರೆ ಗ್ರಾಮಸ್ಥರು ವಿದ್ಯುತ್ ಬಾಕಿ ಸಂಗ್ರಹವಾಗಲು ಹಿಂದಿನ ಗ್ರಾಮದ ಮುಖ್ಯಸ್ಥರನ್ನು ದೂಷಣೆ ಮಾಡಿದ್ದಾರೆ.
2011 ರಿಂದ ಬಾಕಿ ಇರುವ 65.5 ಲಕ್ಷ ರೂ. ವಿದ್ಯುತ್ ಬಿಲ್ ಪಾವತಿಸದ ಕಾರಣ ಪಿಜಿವಿಸಿಎಲ್ ಇತ್ತೀಚೆಗೆ ಗ್ರಾಮದ ಬೀದಿ ದೀಪಗಳಿಗೆ ವಿದ್ಯುತ್ ಸಂಪರ್ಕ ಕಡಿತಗೊಳಿಸಿದೆ ಎಂದು ಮಾಧಾಪರ್ ಸರ್ಪಂಚ್ ಗಂಗಾಬೆನ್ ಮಹೇಶ್ವರಿ ಹೇಳಿದ್ದಾರೆ. 10 ಲಕ್ಷ ರೂ. ಪಾವತಿಸಿದ ನಂತರ ವಿದ್ಯುತ್ ಡಿಸ್ಕಮ್ ವಿದ್ಯುತ್ ಸಂಪರ್ಕವನ್ನು ಪುನಃಸ್ಥಾಪಿಸಿದೆ ಎಂದು ಮಹೇಶ್ವರಿ ತಿಳಿಸಿದ್ದಾರೆ.
ಮಧಾಪರ್ನ ಸ್ಥಳೀಯರು ವಿದ್ಯುತ್ ಬಾಕಿ ಸಂಗ್ರಹವಾಗಲು ಹಿಂದಿನ ಸರಪಂಚರೇ ಕಾರಣ ಎಂದು ಆರೋಪಿಸಿದರು. ಗ್ರಾಮದ ಮುಖ್ಯಸ್ಥರು ಪ್ರತಿ ವರ್ಷ ವಿದ್ಯುತ್ ಬಿಲ್ ಪಾವತಿಸುವಲ್ಲಿ ಜಾಗರೂಕರಾಗಿದ್ದರೆ, ಇತ್ತೀಚೆಗೆ ಐದು ದಿನಗಳ ಕಾಲ ವಿದ್ಯುತ್ ಕಡಿತಗೊಳ್ಳುವ ಪರಿಸ್ಥಿತಿ ಉದ್ಭವಿಸುತ್ತಿರಲಿಲ್ಲ ಎಂದು ಅವರು ಹೇಳಿದ್ದಾರೆ.
2022 ರಲ್ಲಿ ಅಧಿಕಾರ ವಹಿಸಿಕೊಂಡ ಪ್ರಸ್ತುತ ಸರಪಂಚ್ ಮಹೇಶ್ವರಿ, ಹಿಂದಿನ ಗ್ರಾಮ ಮುಖ್ಯಸ್ಥರು 55 ಲಕ್ಷ ರೂ.ಗಳ ಬಿಲ್ಗಳನ್ನು ಪಾವತಿಸಿದ್ದರು, ಅದಕ್ಕೆ 29 ಲಕ್ಷ ರೂ.ಗಳನ್ನು ಬಡ್ಡಿಯಾಗಿ ವಿಧಿಸಲಾಗಿದೆ ಎಂದು ಹೇಳಿದರು. ಅಧಿಕಾರ ವಹಿಸಿಕೊಂಡಾಗಿನಿಂದ, ಕಂತುಗಳಲ್ಲಿ ವಿದ್ಯುತ್ ಬಾಕಿ ಪಾವತಿಸುತ್ತಿರುವುದಾಗಿ ಮಹೇಶ್ವರಿ ಮಾಹಿತಿ ನೀಡಿದ್ದಾರೆ. ಪಂಚಾಯತ್ನ ಆದಾಯವು ಸಂಪೂರ್ಣವಾಗಿ ತೆರಿಗೆಗಳ ಮೇಲೆ ಅವಲಂಬಿತವಾಗಿದೆ, ಇತ್ತೀಚಿನ ದಿನಗಳಲ್ಲಿ ತೆರಿಗೆಗಳನ್ನು ಕಡಿಮೆ ಪಾವತಿಸಲಾಗುತ್ತಿರುವುದರಿಂದ ಸಂಪನ್ಮೂಲಗಳು ಕ್ಷೀಣಿಸುತ್ತಿವೆ ಎಂದು ಮಹೇಶ್ವರಿ ಹೇಳಿದರು.
ಗುಜರಾತ್ನ ಈ ಗ್ರಾಮ ಏಷ್ಯಾದಲ್ಲೇ ಶ್ರೀಮಂತ; ಇಲ್ಲಿನ ಒಬ್ಬೊಬ್ಬರ ಆದಾಯ ಎಷ್ಟು ಗೊತ್ತಾ?
ಮಧಾಪರ್ ಏಷ್ಯಾದ ಅತ್ಯಂತ ಶ್ರೀಮಂತ ಗ್ರಾಮ: ಆಗಸ್ಟ್ 2024 ರ ವರದಿಯ ಪ್ರಕಾರ, ಮಧಾಪರ್ ಏಷ್ಯಾದ ಅತ್ಯಂತ ಶ್ರೀಮಂತ ಗ್ರಾಮ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ, ಗ್ರಾಮಸ್ಥರು 7000 ಕೋಟಿ ರೂ. ಸ್ಥಿರ ಠೇವಣಿಗಳನ್ನು ಹೊಂದಿದ್ದಾರೆ.
ವರದಿಯ ಪ್ರಕಾರ, ಮಧಾಪರ್ SBI, ICICI ಬ್ಯಾಂಕ್ ಮತ್ತು HDFC ಬ್ಯಾಂಕ್ ಸೇರಿದಂತೆ ಪ್ರಸಿದ್ಧ ಸಾರ್ವಜನಿಕ ಮತ್ತು ಖಾಸಗಿ ವಲಯದ ಬ್ಯಾಂಕುಗಳನ್ನು ಒಳಗೊಂಡಂತೆ 17 ಬ್ಯಾಂಕುಗಳನ್ನು ಹೊಂದಿದೆ. ಹೆಚ್ಚಿನ ನಿವಾಸಿಗಳು ವಿದೇಶದಲ್ಲಿ ನೆಲೆಸಿದ್ದರೂ, ಅವರು ತಮ್ಮ ಗಳಿಕೆಯನ್ನು ಮಾಧಾಪರ್ನಲ್ಲಿರುವ ಸ್ಥಳೀಯ ಬ್ಯಾಂಕುಗಳಲ್ಲಿ ಠೇವಣಿ ಇಡುತ್ತಿದ್ದಾರೆ.
ಕೇವಲ 1200 ಕುಟುಂಬಗಳಿರುವ ಭಾರತದ ಈ ಹಳ್ಳಿಯು ಏಷ್ಯಾದ ಶ್ರೀಮಂತ ಗ್ರಾಮವಾಗಿದ್ದು ಹೇಗೆ?
