ಪತ್ನಿ ಮನೆಯ ಕೆಲಸಗಳನ್ನು ಮಾಡಬೇಕು ಎಂದು ಪತಿ ಬಯಸೋದು ಕ್ರೂರತೆ ಎನಿಸಿಕೊಳ್ಳೋದಿಲ್ಲ ಎಂದು ದೆಹಲಿ ಹೈಕೋರ್ಟ್ ಅಭಿಪ್ರಾಯಪಟ್ಟಿದೆ.
ನವದೆಹಲಿ (ಮಾ.7): ಪತ್ನಿ ಮನೆಗೆಲಸ ಮಾಡಬೇಕೆಂದು ನಿರೀಕ್ಷಿಸುವ ಪತಿಯ ವರ್ತನೆಯನ್ನು ಕ್ರೌರ್ಯ ಎಂದು ಕರೆಯಲಾಗದು ಎಂದು ಪುರುಷನಿಗೆ ವಿಚ್ಛೇದನ ನೀಡುವ ಸಂದರ್ಭದಲ್ಲಿ ದೆಹಲಿ ಹೈಕೋರ್ಟ್ ಹೇಳಿದೆ. ತನ್ನ ಹೆಂಡತಿಯ ಕ್ರೌರ್ಯದ ಆಧಾರದ ಮೇಲೆ ತನ್ನ ಮದುವೆಯನ್ನು ವಿಷರ್ಜನೆ ಮಾಡಲು ನಿರಾಕರಿಸಿದ ಕೌಟುಂಬಿಕ ನ್ಯಾಯಾಲಯದ ಆದೇಶವನ್ನು ಪ್ರಶಸ್ತಿಯ ವ್ಯಕ್ತಿಯ ಮೇಲ್ಮನವಿಯ ವಿಚಾರಣೆ ಸಂದರ್ಭದಲ್ಲಿ ಕೋರ್ಟ್ ಈ ಅಭಿಪ್ರಾಯ ವ್ಯಕ್ತಪಡಿಸಿದೆ. ನ್ಯಾಯಮೂರ್ತಿ ಸುರೇಶ್ ಕುಮಾರ್ ಕೈಟ್ ಮತ್ತು ನ್ಯಾಯಮೂರ್ತಿ ನೀನಾ ಬನ್ಸಾಲ್ ಕೃಷ್ಣ ಅವರ ವಿಭಾಗೀಯ ಪೀಠವು, ವಿವಾಹಿತ ಮಹಿಳೆ ತನ್ನ ಮನೆಗೆಲಸವನ್ನು ಮಾಡಬೇಕು ಎಂದು ಆಕೆಯ ಪತಿ ಬಯಸುವುದು, ಮನೆಗೆಲಸದವರು ಮಾಡುವ ಕೆಲಸಕ್ಕೆ ಸಮಾನವಾಗಿಸಲು ಸಾಧ್ಯವಿಲ್ಲ. ಏಕೆಂದರೆ, ಅದು ಆಕೆ ತನ್ನ ಕುಟುಂಬದ ಮೇಲಿನ ಪ್ರೀತಿ ಮತ್ತು ವಾತ್ಸಲ್ಯದಿಂದ ಮಾಡುವ ಕೆಲಸ ಎಂದು ಪರಿಗಣಿಸಲ್ಪಡುತ್ತದೆ ಎಂದು ಕೋರ್ಟ್ ಹೇಳಿದೆ. ಮದುವೆಯಲ್ಲಿ, ಭವಿಷ್ಯದ ಜವಾಬ್ದಾರಿಗಳನ್ನು ಹಂಚಿಕೊಳ್ಳುವುದೇ ಉದ್ದೇಶವಾಗಿದೆ. ಪತಿ ತನ್ನ ಹೆಂಡತಿ ಮನೆಕೆಲಸಗಳನ್ನು ಮಾಡಬೇಕೆಂದು ನಿರೀಕ್ಷಿಸಿದರೆ ಅದು ಕ್ರೂರತನ ಎನಿಸಿಕೊಳ್ಳುವುದಿಲ್ಲ ಎಂದು ನ್ಯಾಯಾಲಯ ಗಮನಿಸಿದೆ.
"ಕೆಲವು ಸ್ತರಗಳಲ್ಲಿ, ಪತಿ ಹಣಕಾಸಿನ ಜವಾಬ್ದಾರಿಗಳನ್ನು ತೆಗೆದುಕೊಳ್ಳುತ್ತಾನೆ ಮತ್ತು ಹೆಂಡತಿ ಮನೆಯ ಜವಾಬ್ದಾರಿಯನ್ನು ಸ್ವೀಕರಿಸುತ್ತಾಳೆ. ಇದು ಅಂತಹ ಪ್ರಸ್ತುತ ಪ್ರಕರಣವಾಗಿದೆ. ಮೇಲ್ಮನವಿದಾರನು ಪ್ರತಿವಾದಿಯು ಮನೆಕೆಲಸಗಳನ್ನು ಮಾಡಬೇಕೆಂದು ನಿರೀಕ್ಷಿಸಿದ್ದರೂ, ಅದನ್ನು ಕ್ರೌರ್ಯ ಎಂದು ಕರೆಯಲಾಗುವುದಿಲ್ಲ" ಎಂದು ನ್ಯಾಯಾಲಯ ಹೇಳಿದೆ. ಪತಿ (ಅಪೀಲುದಾರ), ಸಿಐಎಸ್ಎಫ್ನಲ್ಲಿ ಕೆಲಸ ಮಾಡುವ ವ್ಯಕ್ತಿ, ತನ್ನ ಹೆಂಡತಿಯು (ಪ್ರತಿವಾದಿ) ಮನೆ ಕೆಲಸಗಳನ್ನು ಮಾಡುತ್ತಿಲ್ಲ. ಅದಲ್ಲದೆ, ಪದೇ ಪದೇ ಗಂಡನ ಮನೆಯನ್ನು ಬಿಟ್ಟು ಹೋಗುತ್ತಿರುತ್ತಾಳೆ. ಅದರೊಂದಿಗೆ ನನ್ನ ಮೇಲೆ ಕ್ರಿಮಿನಲ್ ಪ್ರಕರಣಗಳನ್ನೂ ಹಾಕುವ ಬೆದರಿಕೆ ಒಡ್ಡುತ್ತಿರುವುದರಿಂದ ನನಗೆ ಆಘಾತವಾಗಿದೆ ಎಂದು ಹೇಳಿದ್ದಾರೆ. ನಾನು ನನ್ನ ಕುಟುಂಬದಿಂದ ಪ್ರತ್ಯೇಕವಾಗಿ ವಾಸಿಸಬೇಕೆಂದು ಅವರ ಪತ್ನಿ ಮತ್ತು ಅವರ ಕುಟುಂಬ ಒತ್ತಾಯಿಸುತ್ತಿದೆ ಎಂದು ಅವರು ಹೇಳಿದ್ದಾರೆ.
ಪತಿ ತನ್ನ ಕುಟುಂಬದಿಂದ ಪ್ರತ್ಯೇಕವಾಗಿ ವಾಸಿಸಲು ಹೇಳುವುದು ಸ್ವತಃ ಪತ್ನಿಯ ಕ್ರೌರ್ಯಕ್ಕೆ ಸಮಾನವಾಗಿದೆ ಎಂದು ನ್ಯಾಯಾಲಯವು ಗಮನಿಸಿದೆ. ವಿಭಾಗೀಯ ಪೀಠದ ನೇತೃತ್ವದ ನ್ಯಾಯಮೂರ್ತಿ ಸುರೇಶ್ ಕುಮಾರ್ ಕೈಟ್, ಶೂನ್ಯ ಅಥವಾ ಅತ್ಯಲ್ಪ ಆದಾಯದ ಮೂಲವನ್ನು ಹೊಂದಿರುವ ತನ್ನ ವಯಸ್ಸಾದ ಪೋಷಕರನ್ನು ನೋಡಿಕೊಳ್ಳಲು ಮಗನಿಗೆ ನೈತಿಕ ಮತ್ತು ಕಾನೂನು ಬಾಧ್ಯತೆ ಇದೆ ಎಂದು ಹೇಳಿದರು. ಮದುವೆಯ ನಂತರ ಮಗ ತನ್ನ ಕುಟುಂಬದಿಂದ ಬೇರ್ಪಡುವುದು ಹಿಂದೂ ಸಂಸ್ಕೃತಿಯಲ್ಲಿ "ಅಪೇಕ್ಷಣೀಯ" ಅಲ್ಲ ಎಂದು ತಿಳಿಸಿದ್ದಾರೆ.
"ನರೇಂದ್ರ ವಿರುದ್ಧ ಕೆ ಮೀನಾ ಪ್ರಕರಣದಲ್ಲಿ, ಮಗ ತನ್ನ ಕುಟುಂಬದಿಂದ ಬೇರ್ಪಡುವಂತೆ ಹೇಳುವುದು ಕ್ರೌರ್ಯಕ್ಕೆ ಸಮಾನವಾಗಿದೆ ಎಂದು ಸುಪ್ರೀಂ ಕೋರ್ಟ್ ಗಮನಿಸಿದೆ. ಭಾರತದಲ್ಲಿ ಹಿಂದೂ ಮಗನಿಗೆ ಇದು ಸಾಮಾನ್ಯ ಅಭ್ಯಾಸವಲ್ಲ ಅಥವಾ ಮದುವೆಯ ನಂತರ ಅವರ ಕುಟುಂಬದಿಂದ ಬೇರ್ಪಡುವುದು ಅಪೇಕ್ಷಣೀಯ ಸಂಸ್ಕೃತಿ, ”ಎಂದು ಪೀಠವು ತನ್ನ ಆದೇಶದಲ್ಲಿ ಹೇಳಿದೆ. ಪ್ರಸ್ತುತ ಪ್ರಕರಣದಲ್ಲಿ, ಪತಿ ತನ್ನ ಹೆಂಡತಿಯ ಆಸೆಗಳಿಗೆ ಮಣಿದಿದ್ದಾನೆ ಮತ್ತು ಅವನ ವೈವಾಹಿಕ ಜೀವನವನ್ನು ಉಳಿಸಲು ಪ್ರತ್ಯೇಕ ವಸತಿ ವ್ಯವಸ್ಥೆ ಮಾಡಿದ್ದಾನೆ ಎಂದು ನ್ಯಾಯಾಲಯ ಗಮನಿಸಿದೆ. ಆದಾಗ್ಯೂ, ಅವಳು ವೈವಾಹಿಕ ಮನೆಯನ್ನು ತ್ಯಜಿಸಿ ತನ್ನ ಹೆತ್ತವರೊಂದಿಗೆ ಒಂದಲ್ಲ ಒಂದು ನೆಪದಲ್ಲಿ ವಾಸ ಮಾಡುತ್ತಿದ್ದಾಳೆ ಎಂದು ಗಮನಿಸಿದೆ.
ಆಕೆ ಮನೆ ಮುರುಕಿ ಅಲ್ಲ, ನಾನು ವಿಚ್ಛೇದಿತ : ಲೇಖಾ ವಾಷಿಂಗ್ಟನ್ ಜೊತೆ ಸಂಬಂಧ ಖಚಿತಪಡಿಸಿದ ಇಮ್ರಾನ್ ಖಾನ್
ಒಂದೆಡೆ ಪ್ರತಿವಾದಿಯಾಗಿರುವ ಪತ್ನಿ, ತನ್ನ ಅತ್ತೆಯೊಂದಿಗೆ ವಾಸ ಮಾಡಲು ನಿರಾಕರಿಸುವುದು ಮಾತ್ರವಲ್ಲ, ತನ್ನ ಹೆತ್ತವರೊಂದಿಗೆ ವಾಸ ಮಾಡಲು ನಿರ್ಧಾರ ಮಾಡಿದ್ದಾಳೆ. ಒಂದು ವೈವಾಹಿಕ ಸಂಬಂಧ ಗಟ್ಟಿಯಾಗಿರಬೇಕೆಂದರೆ, ಇಬ್ಬರೂ ಒಂದಾಗಿ ಬಾಳಬೇಕು. ಪದೇ ಪದೇ ಬೇರ್ಪಡುತ್ತಿದ್ದರೆ ಅದಕ್ಕೆ ಬೆಲೆ ಇರೋದಿಲ್ಲ. ತಾತ್ಕಾಲಿಕ ಪ್ರತ್ಯೇಕತೆಯು ಸಂಗಾತಿಯ ಮನಸ್ಸಿನಲ್ಲಿ ಅಭದ್ರತೆಯ ಭಾವನೆಯನ್ನು ನೀಡುತ್ತದೆ, ಇನ್ನೊಬ್ಬ ವ್ಯಕ್ತಿ ವೈವಾಹಿಕ ಬಂಧವನ್ನು ಮುಂದುವರಿಸಲು ಸಿದ್ಧರಿಲ್ಲ ಎನ್ನುವುದನ್ನು ಸೂಚಿಸುತ್ತದೆ ಎಂದು ಎಂದು ನ್ಯಾಯಾಲಯವು ಗಮನಿಸಿತು. ಪ್ರಸ್ತುತ ಪ್ರಕರಣದಲ್ಲಿ, ದಂಪತಿಗಳು 2010 ರಿಂದ ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ. ಹಾಗಾಗಿ ನ್ಯಾಯಾಲಯವು 1955 ರ ಹಿಂದೂ ವಿವಾಹ ಕಾಯ್ದೆಯ ಸೆಕ್ಷನ್ 13 (1) (IA) ಅಡಿಯಲ್ಲಿ ವ್ಯಕ್ತಿಗೆ ವಿಚ್ಛೇದನವನ್ನು ನೀಡುತ್ತದೆ ಎಂದಿತು.
ಪತ್ನಿಯ ದುಡಿಮೆ ಅರ್ಹತೆ ಪರಿಗಣನೆ ಬೇಡ, ಮಕ್ಕಳನ್ನು ಪೋಷಿಸುವ ಆಕೆಗೆ ಮಾಸಿಕ 36,000 ಜೀವನಾಂಶ ಕೊಡಿ: ಹೈಕೋರ್ಟ್ ಆದೇಶ
