ವ್ಯಕ್ತಿಯೊಬ್ಬ ನದಿಯಿಂದ ಮೊಸಳೆಯನ್ನು ಹೊರತೆಗೆದು ಅಪ್ಪಿಕೊಳ್ಳುವ ವಿಡಿಯೋ ವೈರಲ್ ಆಗಿದೆ. ಈ ವಿಡಿಯೋಗೆ ನೆಟ್ಟಿಗರಿಂದ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಇತ್ತೀಚೆಗೆ ಸಾಮಾಜಿಕ ಮಾಧ್ಯಮದಲ್ಲಿ ಆಘಾತಕಾರಿ ವಿಡಿಯೋವೊಂದು ವೈರಲ್ ಆಗಿದ್ದು, ಅದರಲ್ಲಿ ಒಬ್ಬ ವ್ಯಕ್ತಿ ನದಿಯಿಂದ ಮೊಸಳೆಯನ್ನು ಹೊರತೆಗೆದು ಅದನ್ನು ಅಪ್ಪಿಕೊಳ್ಳುತ್ತಿರುವುದನ್ನು ಕಾಣಬಹುದು. ಸದ್ಯ ಈ ವಿಡಿಯೋ ನೋಡಿದ ನಂತರ ಜನರು ದಿಗ್ಭ್ರಮೆಗೊಂಡಿದ್ದು, ವಿಭಿನ್ನ ಪ್ರತಿಕ್ರಿಯೆಗಳನ್ನು ನೀಡಿ ಕಾಮೆಂಟ್ ಮಾಡುತ್ತಿದ್ದಾರೆ. ಕೆಲವರು ಆ ವ್ಯಕ್ತಿಯನ್ನು ಧೈರ್ಯಶಾಲಿ ಎಂದು ಕರೆಯಲು ಪ್ರಾರಂಭಿಸಿದರೆ, ಮತ್ತೆ ಕೆಲವರು ಅವನನ್ನು ಹುಚ್ಚ ಎಂದು ಕರೆದಿದ್ದಾರೆ.
ಮೊಸಳೆಯನ್ನು ನೀರಿನಿಂದ ಹೊರತೆಗೆದ ವ್ಯಕ್ತಿ
ಈ ವಿಡಿಯೋವನ್ನು @fishing.tribe ಹೆಸರಿನ ಖಾತೆಯಿಂದ Instagram ನಲ್ಲಿ ಹಂಚಿಕೊಳ್ಳಲಾಗಿದೆ . ಇದರಲ್ಲಿ ಒಬ್ಬ ವ್ಯಕ್ತಿಯು ನದಿಗೆ ಪ್ರವೇಶಿಸಿ ಮೊಸಳೆಯ ಮುಂದೆ ನೃತ್ಯ ಮಾಡುವುದನ್ನು ಕಾಣಬಹುದು. ಮೊದಲಿಗೆ ಆ ವ್ಯಕ್ತಿ ಮೊಸಳೆಯನ್ನು ನೀರಿನಿಂದ ಹೊರತರುವುದಲ್ಲದೆ, ಅದನ್ನು ತನ್ನ ಎದೆಗೆ ಅಪ್ಪಿಕೊಂಡು ನದಿಯಲ್ಲಿ ನೃತ್ಯ ಮಾಡಲು ಪ್ರಾರಂಭಿಸುತ್ತಾನೆ. ಈ ಭಯಾನಕ ದೃಶ್ಯವನ್ನು ನೋಡಿದವರ ಉಸಿರು ನಿಂತುಹೋಗುತ್ತದೆ. ಮೊಸಳೆಗಳನ್ನು ಸಾಮಾನ್ಯವಾಗಿ ಪರಭಕ್ಷಕಗಳೆಂದು ಪರಿಗಣಿಸಲಾಗುತ್ತದೆ. ನೀರಿನ ಅಡಿಯಲ್ಲಿರುವ ದೊಡ್ಡ ಪ್ರಾಣಿಗಳನ್ನು ಸಹ ಮೊಸಳೆ ಸಾಯಿಸಬಹುದು. ಅಂತಹುದರಲ್ಲಿ ಆ ವ್ಯಕ್ತಿ ಯಾವುದೇ ಭಯವಿಲ್ಲದೆ ಮೊಸಳೆಯನ್ನು ಅಪ್ಪಿಕೊಂಡು ನೃತ್ಯ ಮಾಡುತ್ತಿರುವುದು ಕಂಡುಬಂದಿದೆ. ಈ ವಿಡಿಯೋ ನೋಡಿದ ನಂತರ ಜನರು ಬಹುಶಃ ಮೊಸಳೆ ಆ ವ್ಯಕ್ತಿಯ ಸಾಕುಪ್ರಾಣಿಯಾಗಿರಬಹುದು ಎಂದು ಹೇಳುತ್ತಿದ್ದಾರೆ.
ವಿಡಿಯೋಗೆ ಬಂತು ಮಿಶ್ರ ಪ್ರತಿಕ್ರಿಯೆ
ಈ ವಿಡಿಯೋವನ್ನು ನೋಡಿದ ನಂತರ ಬಳಕೆದಾರರು ಒಂದೊಂದು ರೀತಿ ಕಾಮೆಂಟ್ ಮಾಡಿದ್ದಾರೆ. ಆ ವ್ಯಕ್ತಿಯ ಧೈರ್ಯವನ್ನು ಶ್ಲಾಘಿಸಿದ್ದಾರೆ. ಕೆಲವರು ಮೂರ್ಖ, ಇದು ಅಪಾಯಕಾರಿ ಕೃತ್ಯ ಎಂದು ಕರೆದರೆ, ಮತ್ತೆ ಕೆಲವರು "ಈ ವ್ಯಕ್ತಿ ತುಂಬಾ ಧೈರ್ಯಶಾಲಿ ಅಥವಾ ಕ್ರೇಜಿ" ಎಂದಿದ್ದಾರೆ. ಇತರರು ಈ ವಿಡಿಯೋದ ಸತ್ಯಾಸತ್ಯತೆಯನ್ನು ಪ್ರಶ್ನಿಸಿ, AI- ರಚಿಸಿರಬಹುದು ಎಂದು ಹೇಳಿದ್ದಾರೆ. ಅಂದಹಾಗೆ ಈ ಪ್ರಪಂಚದ ಅನೇಕ ಸ್ಥಳಗಳಲ್ಲಿ ಮೊಸಳೆ ಸಾಕಣೆ ಮಾಡಲಾಗುತ್ತಿದ್ದು, ಮೊಸಳೆಗಳು ಮತ್ತು ಮನುಷ್ಯರ ನಡುವೆ ಇಂತಹ ಸಂಬಂಧಗಳು ಕಂಡುಬರುತ್ತವೆ. ಅದನ್ನು ನೋಡಿದರೆ ಮೊಸಳೆ ಕ್ರೂರ ಪ್ರಾಣಿ ಎಂದು ಅನಿಸುವುದಿಲ್ಲ.
Related Articles
ಯಮರಾಜನ ಮಗ
ಮತ್ತೊಂದು ವಿಡಿಯೋದಲ್ಲಿ ಒಬ್ಬ ಹುಡುಗ ನಿರ್ಭಯವಾಗಿ ಜೇನುಗೂಡಿನೊಳಗೆ ಕೈ ಇಟ್ಟು ಪ್ರೀತಿಯಿಂದ ಅವುಗಳನ್ನು ಚಿಟ್ಟೆಗಳಂತೆ ಗಾಳಿಯಲ್ಲಿ ಹಾರಿಸುತ್ತಾನೆ. ಈ ವಿಚಿತ್ರ ಕೆಲಸ ನೋಡಿ ಜನರು ಶಾಕ್ ಆಗಿ ಕಾಮೆಂಟ್ ಮಾಡಲು ಪ್ರಾರಂಭಿಸಿದ್ದಾರೆ. ಜೊತೆಗೆ ಹುಡುಗನನ್ನು ಯಮರಾಜನ ಮಗ ಎಂದು ಕರೆಯಲು ಪ್ರಾರಂಭಿಸಿದ್ದಾರೆ.
ಅಂದಹಾಗೆ ಈ ವೈರಲ್ ವಿಡಿಯೋವನ್ನು ಸಾಮಾಜಿಕ ಮಾಧ್ಯಮ ವೇದಿಕೆ ಇನ್ಸ್ಟಾಗ್ರಾಮ್ನಲ್ಲಿ @sarcasmicbhaii ಹೆಸರಿನ ಖಾತೆಯಿಂದ ಹಂಚಿಕೊಳ್ಳಲಾಗಿದೆ . ಈ ಸುದ್ದಿ ಬರೆಯುವವರೆಗೂ ಸಾವಿರಾರು ಜನರು ಇದನ್ನು ನೋಡಿದ್ದಾರೆ ಮತ್ತು ಇಷ್ಟಪಟ್ಟಿದ್ದಾರೆ. ಕೋಣೆಯಲ್ಲಿ ನೇತಾಡುವ ಫ್ಯಾನ್ ಮೇಲೆ ಜೇನುನೊಣಗಳ ದೊಡ್ಡ ಜೇನುಗೂಡು ರೂಪುಗೊಂಡಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಆ ಜೇನುಗೂಡಿನಲ್ಲಿ ತುಂಬಾ ಜೇನುನೊಣಗಳು ನೇತಾಡುತ್ತಿವೆ, ಫ್ಯಾನ್ ಒಂದು ಬದಿಗೆ ವಾಲಿದೆ. ಯಾವುದೇ ರಕ್ಷಣಾ ಸಾಧನಗಳಿಲ್ಲದೆ ಆ ಯುವಕ ಜೇನುಗೂಡಿನ ಬಳಿ ತಲುಪುತ್ತಾನೆ. ಅವನು ಮಾಸ್ಕ್ ಆಗಲಿ, ಕೈಗವಸುಗಳಾಗಲಿ, ಯಾವುದೇ ವಿಶೇಷ ಸೂಟ್ ಅಥವಾ ಬೂಟುಗಳಾಗಲಿ ಧರಿಸಿಲ್ಲ ಎಂದು ನೀವು ನೋಡಬಹುದು. ಆದರೂ ಅವನು ಶಾಂತವಾಗಿ ಜೇನುಗೂಡಿನೊಳಗೆ ತನ್ನ ಕೈಯನ್ನು ಹಾಕಿ, ಅವುಗಳನ್ನು ತನ್ನ ಕೈಯಲ್ಲಿ ಸಂಗ್ರಹಿಸಿ, ನಿಧಾನವಾಗಿ ಗಾಳಿಗೆ ಬಿಡುತ್ತಾನೆ. ಅವನು ಜೇನುನೊಣಗಳನ್ನು ಚಿಟ್ಟೆಗಳಂತೆ ಗಾಳಿಯಲ್ಲಿ ಹಾರಿಸುತ್ತಿರುವುದನ್ನು ಸಹ ವಿಡಿಯೋದಲ್ಲಿ ಕಾಣಬಹುದು.
ವಿಡಿಯೋ ನೋಡಿದವರು ಅವನು ನಿಜವಾಗಿಯೂ ಸಾವಿನೊಂದಿಗೆ ಆಟವಾಡುತ್ತಿದ್ದಾನೆ ಎಂದರೆ, ಮತ್ತೆ ಕೆಲವು ಬಳಕೆದಾರರು ವಿಡಿಯೋದ ಸತ್ಯಾಸತ್ಯತೆಯನ್ನು ಪ್ರಶ್ನಿಸಿದ್ದಾರೆ. ಈ ವಿಡಿಯೋವನ್ನು AI ರಚಿಸಿರಬಹುದು ಎಂದು ಹೇಳುತ್ತಿದ್ದಾರೆ.
ನಿಮಗೆ ಈ ಮೇಲಿನ ಎರಡು ವಿಡಿಯೋ ನೋಡಿದ ಮೇಲೆ ಏನನಿಸಿತು ಎಂಬುದನ್ನು ನಮಗೆ ಕಾಮೆಂಟ್ ಬಾಕ್ಸ್ನಲ್ಲಿ ತಿಳಿಸಿ.