India Fights Corona: ಸಕ್ರಿಯ ಕೇಸು 16.5 ಲಕ್ಷಕ್ಕೆ: 7.5 ತಿಂಗಳ ಗರಿಷ್ಠ!
* ಕೇಸ್ ಇಳಿಕೆ, ಪಾಸಿಟಿವಿಟಿ ಏರಿಕೆ
* 2.58 ಲಕ್ಷ ಕೇಸು, 385 ಸಾವು
* ಪಾಸಿಟಿವಿಟಿ ದರ ಶೇ.19.65ಕ್ಕೇರಿಕೆ
* ಸಕ್ರಿಯ ಕೇಸು 16.5 ಲಕ್ಷಕ್ಕೆ: 7.5 ತಿಂಗಳ ಗರಿಷ್ಠ
* 466 ಒಮಿಕ್ರೋನ್ ಪ್ರಕರಣ ದಾಖಲು
ನವದೆಹಲಿ(ಜ.18): ಸೋಮವಾರ ಮುಂಜಾನೆ 8 ಗಂಟೆಗೆ ಮುಕ್ತಾಯವಾದ 24 ತಾಸುಗಳ ಅವಧಿಯಲ್ಲಿ ದೇಶದಲ್ಲಿ ಹೊಸದಾಗಿ 2,58,089 ಕೋವಿಡ್ ಪ್ರಕರಣಗಳು ದಾಖಲಾಗಿದೆ. ಇದು ಭಾನುವಾರದ 2.71 ಲಕ್ಷಕ್ಕಿಂತ 13 ಸಾವಿರದಷ್ಟುಕಡಿಮೆ ಆದರೂ ಪಾಸಿಟಿವಿಟಿ ದರ ಶೇ.3ರಷ್ಟುಏರಿದೆ.
ಭಾನುವಾರ ಶೇ.16.28ರಷ್ಟಿದ್ದ ಪಾಸಿಟಿವಿಟಿ ದರ ಸೋಮವಾರ ಶೇ. 19.65ಕ್ಕೆ ಏರಿದೆ. ಇದು ಆತಂಕಕಾರಿ ವಿಷಯ.
ಇದೇ ಅವಧಿಯಲ್ಲಿ ಕೇರಳದ 158 ಮತ್ತು ಪಶ್ಚಿಮ ಬಂಗಾಳದ 36 ಸೋಂಕಿತರು ಸೇರಿ 385 ಜನ ಸಾವೀಗೀಡಾಗಿದ್ದಾರೆ.
ಸಕ್ರಿಯ ಪ್ರಕರಣಗಳು 16.56 ಲಕ್ಷಕ್ಕೆ ಏರಿಕೆಯಾಗಿದ್ದು, ಇದು 230 ದಿನಗಳ ಗರಿಷ್ಠವಾಗಿದೆ. ಕಳೆದ 24 ಗಂಟೆಗಳಲ್ಲಿ 1.05 ಲಕ್ಷ ಸಕ್ರಿಯ ಪ್ರಕರಣಗಳು ಏರಿಕೆಯಾಗಿದೆ. ಗುಣಮುಖ ದರ ಶೇ.94.27ಕ್ಕೆ ಕುಸಿದಿದೆ.
ವಾರದ ಪಾಸಿಟಿವಿಟಿ ದರ ಶೇ.14.41ರಷ್ಟಿದೆ.ಒಟ್ಟು ಪ್ರಕರಣಗಳು 3.73 ಕೋಟಿಗೆ ಮತ್ತು ಒಟ್ಟು ಸಾವು 4.86 ಲಕ್ಷಕ್ಕೆ ಏರಿಕೆಯಾಗಿದೆ.
ದೇಶದಲ್ಲಿ ಈವರೆಗೆ 157.20 ಕೋಟಿ ಡೋಸ್ ವಿತರಿಸಲಾಗಿದೆ.
8209ಕ್ಕೇರಿದ ಒಮಿಕ್ರೋನ್ ಕೇಸು:
ಸೋಮವಾರ ದೇಶದಲ್ಲಿ 466 ಒಮಿಕ್ರೋನ್ ಪ್ರಕರಣಗಳು ದಾಖಲಾಗಿದ್ದು, ಒಟ್ಟು ಒಮಿಕ್ರೋನ್ ಪ್ರಕರಣಗಳು 8,209ಕ್ಕೆ ಏರಿಕೆಯಾಗಿದೆ. 29 ರಾಜ್ಯಗಳಲ್ಲೂ ಒಮಿಕ್ರೋನ್ ಪ್ರಕರಣಗಳು ದಾಖಲಾಗಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ. ಮಹಾರಾಷ್ಟ್ರದಲ್ಲಿ ಅತಿ ಹೆಚ್ಚು 1,738 ಪ್ರಕರಣಗಳು ದಾಖಲಾಗಿದೆ. ಉಳಿದಂತೆ ಪಶ್ಚಿಮ ಬಂಗಾಳದಲ್ಲಿ 1,672, ರಾಜಸ್ಥಾನದಲ್ಲಿ 1,276, ದೆಹಲಿಯಲ್ಲಿ 549, ಕರ್ನಾಟಕದಲ್ಲಿ 548 ಮತ್ತು ಕೇರಳದಲ್ಲಿ 536 ಪ್ರಕರಣಗಳು ದಾಖಲಾಗಿವೆ.