ತೆಲಂಗಾಣ ನೈಟ್‌ ಕರ್ಫ್ಯೂ; ಜಾರ್ಖಂಡ್, ಮಿಜೋರಂ ಲಾಕ್!
ಕೊರೋನಾ ಸೋಂಕಿನ ನಿಯಂತ್ರಣಕ್ಕಾಗಿ ವಿವಿಧ ರಾಜ್ಯಗಳಿಂದ ನಾನಾ ಕ್ರಮ| ತೆಲಂಗಾಣ ನೈಟ್‌ ಕರ್ಫ್ಯೂ; ಜಾರ್ಖಂಡ್, ಮಿಜೋರಂ ಲಾಕ್!
ನವದೆಹಲಿ(ಏ.21): ಕೊರೋನಾ ಸೋಂಕಿನ ನಿಯಂತ್ರಣಕ್ಕಾಗಿ ವಿವಿಧ ರಾಜ್ಯಗಳು ನಾನಾ ಕ್ರಮ ಜರುಗಿಸುತ್ತಿವೆ. ತೆಲಂಗಾಣದಲ್ಲಿ ರಾತ್ರಿ ಕಫä್ರ್ಯ, ಮಿಜೋರಂ ಹಾಗೂ ಜಾರ್ಖಂಡ್‌ನಲ್ಲಿ ಲಾಕ್‌ಡೌನ್‌ ಘೋಷಿಸಲಾಗಿದೆ.
‘ರಾಜ್ಯಾದ್ಯಂತ ಮಂಗಳವಾರದಿಂದಲೇ ರಾತ್ರಿ ಕರ್ಫ್ಯೂ ಜಾರಿಯಾಗಿದ್ದು, ಏ.30ರವರೆಗೆ ಮುಂದುವರಿಯಲಿದೆ. ನಿತ್ಯ ರಾತ್ರಿ 9 ಗಂಟೆಯಿಂದ ಬೆಳಗಿನ ಜಾವ 5 ಗಂಟೆವರೆಗೆ ರಾತ್ರಿ ಕರ್ಫ್ಯೂ ಜಾರಿಯಲ್ಲಿರಲಿದೆ’ ಎಂದು ತೆಲಂಗಾಣ ಹೇಳಿದೆ.
ಮತ್ತೊಂದೆಡೆ ಏ.22ರಿಂದ 29ರವರೆಗೆ ‘ಸುರಕ್ಷತಾ ಸಪ್ತಾಹ’ದ ಹೆಸರಿನಲ್ಲಿ ಜಾರ್ಖಂಡ್‌ನಲ್ಲಿ ಲಾಕ್‌ಡೌನ್‌ ಪ್ರಕಟಿಸಲಾಗಿದೆ. ಮಿಜೋರಂನಲ್ಲೂ ಏ.20ರಿಂದ 26ರವರೆಗೆ ಕೊರೋನಾ ನಿಗ್ರಹಕ್ಕಾಗಿ ಐಜ್ವಾಲ್‌ ಸೇರಿದಂತೆ 10 ಜಿಲ್ಲಾ ಕೇಂದ್ರಗಳಲ್ಲಿ 7 ದಿನಗಳ ಲಾಕ್‌ಡೌನ್‌ ಘೋಷಣೆ ಮಾಡಲಾಗಿದೆ.
ಆದಾಗ್ಯೂ, ಗ್ರಾಮಗಳ ಮಧ್ಯೆ ಹಾಗೂ ರಾಜ್ಯದ ಒಳಗಿನ ಚಟುವಟಿಕೆಗಳಿಗಾಗಿ ಸ್ಥಳೀಯ ಆಡಳಿತದಿಂದ ಅನುಮತಿ ಪಡೆಯಲು ಅವಕಾಶ ಕಲ್ಪಿಸಲಾಗಿದೆ.
