ವಿದೇಶಕ್ಕೆ ತೆರಳುವವರಿಗೆ 2ನೇ ಡೋಸ್‌ ಲಸಿಕೆಯ ಅಂತರ 4 ವಾರಕ್ಕೆ ಇಳಿಕೆ!
* ವಿದೇಶಕ್ಕೆ ತೆರಳುವವರಿಗೆ 2ನೇ ಡೋಸ್‌ ಲಸಿಕೆ ಪಡೆಯುವ ಅವಧಿ ಇಳಿಕೆ
* 2ನೇ ಡೋಸ್‌ ಲಸಿಕೆಯ ಅಂತರ 4 ವಾರಕ್ಕೆ ಇಳಿಕೆ
* ತುರ್ತಾಗಿ ವಿದೇಶಕ್ಕೆ ತೆರಳುವ ಪ್ರಯಾಣಿಕರನ್ನು ಗಮನದಲ್ಲಿಟ್ಟುಕೊಂಡು ಲಸಿಕೆ ಮಾರ್ಗಸೂಚಿ ಪ್ರಕಟಿಸಿದ ಸರ್ಕಾರ
ನವದೆಹಲಿ(ಜೂ.08):ಉದ್ಯೋಗ ಮತ್ತು ಶೈಕ್ಷಣಿಕ ಉದ್ದೇಶಕ್ಕಾಗಿ ವಿದೇಶಕ್ಕೆ ತೆರಳುವವರು ಹಾಗೂ ಟೋಕಿಯೋ ಒಲಿಂಪಿಕ್ಸ್‌ಗೆ ತೆರಳುವ ಕ್ರೀಡಾಪಟುಗಳಿಗೆ 2ನೇ ಡೋಸ್‌ ಲಸಿಕೆಯ ಅಂತರವನ್ನು ಕೇಂದ್ರ ಸರ್ಕಾರ 12ರಿಂದ 4ವಾರಗಳಿಗೆ ಇಳಿಕೆ ಮಾಡಿದೆ.
ಪ್ರಸ್ತುತ 2ನೇ ಡೋಸ್‌ ಲಸಿಕೆ ಪಡೆಯಲು ಕನಿಷ್ಠ 84 ದಿನಗಳ ಅಂತರವನ್ನು ನಿಗದಿ ಮಾಡಲಾಗಿದೆ.
ಆದರೆ, ತುರ್ತಾಗಿ ವಿದೇಶಕ್ಕೆ ತೆರಳುವ ಪ್ರಯಾಣಿಕರನ್ನು ಗಮನದಲ್ಲಿಟ್ಟುಕೊಂಡು ಸರ್ಕಾರ ಲಸಿಕೆ ಮಾರ್ಗಸೂಚಿಯನ್ನು ಪ್ರಕಟಿಸಿದೆ. ಇದರಂತೆ ಕೋ-ವಿನ್‌ ಪ್ರಮಾಣಪತ್ರವನ್ನು ಕ್ರೀಡಾಪಟುಗಳು ಮತ್ತು ವಿದ್ಯಾರ್ಥಿಗಳ ಪಾಸ್‌ಪೋರ್ಟ್‌ಗೆ ಲಿಂಕ್‌ ಮಾಡಲಾಗುತ್ತದೆ. ಲಸಿಕೆ ಪಡೆಯಲು ಒದಗಿಸಿದ ಗುರುತಿನ ಚೀಟಿ ಹಾಗೂ ಪಾಸ್‌ಪೋರ್ಟ್‌ ಮಾಹಿತಿಯನ್ನು ಪ್ರಮಾಣಪತ್ರದಲ್ಲಿ ನಮೂದಿಸಲಾಗುತ್ತದೆ.
