ನಷ್ಟದ ಸುಳಿಯಲ್ಲಿರುವ BSNLಗೆ ಗುಡ್‌ ನ್ಯೂಸ್ ಕೊಟ್ಟ ಕೇಂದ್ರ!
ಸರ್ಕಾರಿ ಕಚೇರಿಗಳಲ್ಲಿ ಬಿಎಸ್ಎನ್ಎಲ್ ಸೇವೆ ಬಳಕೆ ಕಡ್ಡಾಯ: ಕೇಂದ್ರ| ಇದು ಭಾರೀ ನಷ್ಟದ ಸುಳಿಯಲ್ಲಿರುವ ಬಿಎಸ್‌ಎನ್‌ಎಲ್‌ಗೆ ಸ್ವಲ್ಪ ಮಟ್ಟಿನ ಶುಭ ಸುದ್ದಿ
ನವದೆಹಲಿ(ಅ.15): ಕೇಂದ್ರ ಸರ್ಕಾರದ ಎಲ್ಲಾ ಸಚಿವಾಲಯ, ಸರ್ಕಾರಿ ಕಚೇರಿ, ಸಾರ್ವಜನಿಕ ವಲಯದ ಉದ್ದಿಮೆಗಳಲ್ಲಿ, ಸರ್ಕಾರಿ ಸ್ವಾಮ್ಯದ ದೂರಸಂಪರ್ಕ ಸಂಸ್ಥೆ ಬಿಎಸ್ಎನ್ಎಲ್ ಹಾಗೂ ಎಂಟಿಎನ್‌ಎಲ್‌ ಸೇವೆಗಳನ್ನು ಕಡ್ಡಾಯವಾಗಿ ಬಳಕೆ ಮಾಡಬೇಕು ಎಂದು ಕೇಂದ್ರ ಸರ್ಕಾರ ಸೂಚಿಸಿದೆ.
ಈ ಕುರಿತ ಟಿಪ್ಪಣಿಯೊಂದನ್ನು ದೂರ ಸಂಪರ್ಕ ಸಚಿವಾಲಯವು ಎಲ್ಲಾ ಇಲಾಖೆಗಳಿಗೆ ರವಾನಿಸಿದೆ. ಇದು ಭಾರೀ ನಷ್ಟದ ಸುಳಿಯಲ್ಲಿರುವ ಬಿಎಸ್‌ಎನ್‌ಎಲ್‌ಗೆ ಸ್ವಲ್ಪ ಮಟ್ಟಿನ ಶುಭ ಸುದ್ದಿ ತಂದಿದೆ. 2019-20ನೇ ಸಾಲಿನಲ್ಲಿ ಬಿಎಸ್ಎನ್ಎಲ್ 15500 ಕೋಟಿ ರು. ಮತ್ತು ಎಂಟಿಎನ್‌ಎಲ್‌ 3694 ಕೋಟಿ ರು.ನಷ್ಟ ಅನುಭವಿಸಿದ್ದವು.
ಮತ್ತೊಂದೆಡೆ 2008ರಲ್ಲಿ ಬಿಎಸ್ಎನ್ಎಲ್ 2.9 ಕೋಟಿ ಸ್ಥಿರ ದೂರವಾಣಿ ಸಂಪರ್ಕ ಹೊಂದಿದ್ದರೆ 2020ರಲ್ಲಿ ಅದು ಕೇವಲ 80 ಲಕ್ಷಕ್ಕೆ ಇಳಿದಿತ್ತು.
Last Updated Oct 15, 2020, 12:31 PM IST
