* ಭಾರತದ ಅತಿ ದೊಡ್ಡ ನೌಕಾನಲೆಯಾದ ಕೊಚ್ಚಿ ನೌಕಾನೆಲೆ* ಕೊಚ್ಚಿ ನೌಕಾನೆಲೆಯನ್ನು ಸ್ಫೋಟಿಸುವುದಾಗಿ ಬೆದೆರಿಕೆ ಇರುವ ಅನಾಮಧೇಯ ಇ-ಮೇಲ್
ಕೊಚ್ಚಿ(ಸೆ.07): ಭಾರತದ ಅತಿ ದೊಡ್ಡ ನೌಕಾನಲೆಯಾದ ಕೊಚ್ಚಿ ನೌಕಾನೆಲೆಯನ್ನು ಸ್ಫೋಟಿಸುವುದಾಗಿ ಬೆದೆರಿಕೆ ಇರುವ ಅನಾಮಧೇಯ ಇ-ಮೇಲ್ ಒಂದನ್ನು ನೌಕಾನೆಲೆಗೆ ಸೋಮವಾರ ಕಳುಹಿಸಲಾಗಿದೆ.
ಸ್ವದೇಶಿ ನಿರ್ಮಿತ ವಿಮಾನ ಹೊತ್ತೊಯ್ಯಬಲ್ಲ ಐಎನ್ಎಸ್ ವಿಕ್ರಾಂತ್ ಯುದ್ಧನೌಕೆಯನ್ನು ಕೊಚ್ಚಿ ನೌಕಾನೆಲೆಯಲ್ಲಿ ನೆಲೆಗೊಳಿಸಲಾಗಿದೆ. ಈ ಕಾರಣ, ಈ ಬೆದರಿಕೆಗೆ ಮಹತ್ವ ಬಂದಿದೆ. ಈ ಕುರಿತು ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ಆರಂಭಿಸಲಾಗಿದೆ ಎಂದು ಕೊಚ್ಚಿ ಪೊಲೀಸರು ತಿಳಿಸಿದ್ದಾರೆ.
ಕೊಚ್ಚಿಯಲ್ಲಿರುವ ಐಎನ್ಎಸ್ ವಿಕ್ರಾಂತ್ ನೌಕೆಯನ್ನು ಭಾರತೀಯ ನೌಕಾ ವಿನ್ಯಾಸ ನಿರ್ದೇಶನಾಲಯ (ಡಿಎನ್ಡಿ) ನಿರ್ಮಾಣ ಮಾಡಿದೆ. ಇದು 30ಕ್ಕೂ ಹೆಚ್ಚು ಯುದ್ಧ ವಿಮಾನಗಳನ್ನು ಹೊತ್ತೊಯ್ಯಬಲ್ಲ ಸಾಮರ್ಥ್ಯ ಹೊಂದಿರುವ ಸ್ವದೇಶಿ ನಿರ್ಮಿತ ಮೊದಲ ನೌಕೆಯಾಗಿದೆ.
