ಅನಂತ್ -ರಾಧಿಕಾ ವಿವಾಹಕ್ಕೂ ಮುನ್ನ ಅಂಬಾನಿ ಕುಟುಂಬದಿಂದ ಗುಜರಾತ್‌ನಲ್ಲಿ 14 ದೇವಸ್ಥಾನ ನಿರ್ಮಾಣ!
ಕಿರಿಯ ಪುತ್ರ ಅನಂತ್ ಅಂಬಾನಿ ವಿವಾಹಕ್ಕೂ ಮುನ್ನ ರಿಲಯನ್ಸ್‌ ಚೇರ್ಮನ್‌ ಮುಖೇಶ್‌ ಅಂಬಾನಿ, ಗುಜರಾತ್‌ನಲ್ಲಿ 14 ಹೊಸ ದೇವಸ್ಥಾನಗಳನ್ನು ನಿರ್ಮಾಣ ಮಾಡುವ ಹರಕೆ ಹೊತ್ತುಕೊಂಡಿದ್ದಾರೆ.
ಮುಂಬೈ (ಫೆ.28): ಮುಖೇಶ್‌ ಅಂಬಾನಿ ಅವರ ಕಿರಿಯ ಪುತ್ರ ಅನಂತ್ ಅಂಬಾನಿ ಹಾಗೂ ರಾಧಿಕಾ ಮರ್ಚೆಂಟ್ ಅವರ ವಿವಾಹ ಸಮಾರಂಭ ಜುಲೈ 12 ರಂದು ಗುಜರಾತ್‌ನ ಜಾಮ್‌ನಗರದಲ್ಲಿ ನಡೆಯಲಿದೆ. ಭಾರತದ ಶ್ರೀಮಂತ ವ್ಯಕ್ತಿಯ ಪುತ್ರನ ಮದುವೆಯ ನಿಟ್ಟಿನಲ್ಲಿ ಈಗಾಗಲೇ ವಿವಾಹಪೂರ್ವ ಕಾರ್ಯಕ್ರಮಗಳು ಕೂಡ ಆರಂಭವಾಗಿದೆ. ಅದ್ದೂರಿ ಆಚರಣೆಗಳ ಪೂರ್ವಭಾವಿಯಾಗಿ, ಅಂಬಾನಿ ಕುಟುಂಬವು ಒಂದು ವಿಶಿಷ್ಟವಾದ ಮತ್ತು ಮಹತ್ವದ ಯೋಜನೆಯನ್ನು ಕೈಗೊಂಡಿದೆ. ಇದು ಅವರ ಪಾಜ್ರೆಕ್ಟ್‌ ಎಂದಾದರೂ ಅಂದುಕೊಳ್ಳಬಹುದು ಅಥವಾ ಮಗನ ಮದುವೆಯ ನಿಟ್ಟಿನ ಹರಕೆ ಎಂದಾದರೂ ಭಾವಿಸಿಕೊಳ್ಳಬಹುದು. ಆದರೆ, ಅನಂತ್ ಅಂಬಾನಿ ಹಾಗೂ ರಾಧಿಕಾ ಮರ್ಚೆಂಟ್ ಮದುವೆಗೂ ಮುನ್ನ ಗುಜರಾತ್‌ನ ವಿಸ್ತಾರವಾದ ಸಂಕೀರ್ಣದಲ್ಲಿ 14 ಹೊಸ ದೇವಾಲಯಗಳನ್ನು ರಿಲಯನ್ಸ್‌ ಸಂಸ್ಥೆ ನಿರ್ಮಾಣ ಮಾಡಲಿದೆ. ಸೂಕ್ಷ್ಮ ಕೆತ್ತನೆ ಕೆಲಸಗಳಿರುವ ಈ ದೇವಾಲಯಗಳು ಭಾರತದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆ ಮತ್ತು ವಾಸ್ತುಶಿಲ್ಪದ ಪರಾಕ್ರಮಕ್ಕೆ ಸಾಕ್ಷಿಯಾಗಿ ನಿಲ್ಲಲಿದೆ. ಹೊಸ ದೇವಾಲಯಗಳು ಸಂಕೀರ್ಣವಾದ ಕೆತ್ತಿದ ಕಂಬಗಳು, ದೇವತೆಗಳ ಶಿಲ್ಪಗಳು ಮತ್ತು ಫ್ರೆಸ್ಕೋ ಶೈಲಿಯ ವರ್ಣಚಿತ್ರಗಳನ್ನು ಒಳಗೊಂಡಿರಲಿದೆ.
ಪ್ರತಿಯೊಂದು ದೇವಾಲಯವು ವಿಭಿನ್ನ ಹಿಂದೂ ದೇವತೆಗಳಿಗೆ ಸಮರ್ಪಿತವಾಗಿದೆ, ಸಂಕೀರ್ಣವಾದ ಕೆತ್ತನೆಗಳು, ವರ್ಣರಂಜಿತ ಭಿತ್ತಿಚಿತ್ರಗಳು ಮತ್ತು ಪ್ರದೇಶದ ವೈವಿಧ್ಯಮಯ ಕಲಾತ್ಮಕ ಶೈಲಿಗಳನ್ನು ಪ್ರತಿಬಿಂಬಿಸುವ ಸಾಂಪ್ರದಾಯಿಕ ಲಕ್ಷಣಗಳೊಂದಿಗೆ ವಿನ್ಯಾಸಗೊಳಿಸಲಾಗಿದೆ. ನೀತಾ ಅಂಬಾನಿ ನೇತೃತ್ವದ ಈ ಯೋಜನೆಯು ಸಾಂಪ್ರದಾಯಿಕ ಕರಕುಶಲತೆಯನ್ನು ಸಂರಕ್ಷಿಸುವ ಮತ್ತು ಸಮುದಾಯದ ಮನೋಭಾವವನ್ನು ಬೆಳೆಸುವ ಮಹತ್ವವನ್ನು ಒತ್ತಿಹೇಳುತ್ತದೆ.
ಮುಂಬರುವ ವಿವಾಹ ಕಾರ್ಯಕ್ರಮಗಳಿಗೆ ಈ ದೇವಾಲಯಗಳು ನಿಸ್ಸಂದೇಹವಾಗಿ ಸದ್ಭುತ ಹಿನ್ನಲೆಯಾಗಿ ಕಾರ್ಯನಿರ್ವಹಿಸಲಿವೆಯಾದರೂ, ಅವುಗಳ ಮಹತ್ವವು ಭವ್ಯವಾದ ಸಂದರ್ಭವನ್ನು ಮೀರಿದೆ. ಜಾಮ್‌ನಗರದ ಸ್ಥಳೀಯ ಸಮುದಾಯಕ್ಕೆ ಶಾಶ್ವತವಾದ ಆರಾಧನಾ ಸ್ಥಳ ಹಾಗೂ ಮುಂದಿನ ಪೀಳಿಗೆಗೆ ಹಿಂದುಗಳ ಪರಂಪರೆಯನ್ನು ಮುಂದುವರಿಸುವ ನಿಟ್ಟಿನಲ್ಲಿ ಈ ದೇವಾಲಯವನ್ನು ನಿರ್ಮಾಣ ಮಾಡಲಾಗುತ್ತಿದೆ. ಜಾಮ್‌ನಗರದ ನುರಿತ ಕುಶಲಕರ್ಮಿಗಳನ್ನು ನಿರ್ಮಾಣದಲ್ಲಿ ನೇಮಕ ಮಾಡಲಾಗಿದೆ. ಇದರೊಂದಿಗೆ ಸ್ಥಳೀಯ ಜನರಿಗೆ ಉದ್ಯೋಗ ಆರ್ಥಿಕ ಲಾಭವನ್ನೂ ಕಂಪನಿ ಖಚಿತಪಡಿಸಿಕೊಂಡಿದೆ.
ಮಾರ್ಚ್ 1-3 ರವರೆಗೆ ನಿಗದಿಯಾಗಿರುವ, ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ವಿವಾಹದ ಪೂರ್ವಭಾವಿ ಆಚರಣೆಯು ವಿಶ್ವದ ಶ್ರೀಮಂತ ಉದ್ಯಮಗಳ ಸಂಗಮಕ್ಕೆ ಸಾಕ್ಷಿಯಾಗಲಿದೆ. ಮೆಟಾ ಸಿಇಒ ಮಾರ್ಕ್ ಜುಕರ್‌ಬರ್ಗ್ ಮತ್ತು ಮೈಕ್ರೋಸಾಫ್ಟ್ ಸಂಸ್ಥಾಪಕ ಬಿಲ್ ಗೇಟ್ಸ್ ಸೇರಿದಂತೆ ಪ್ರಮುಖ ಜಾಗತಿಕ ವ್ಯಕ್ತಿಗಳು ಈ ಕಾರ್ಯಕ್ರಮದಲ್ಲಿ ಇರಲಿದ್ದಾರೆ.
ಅನಂತ್ ಅಂಬಾನಿ-ರಾಧಿಕಾ ಮರ್ಚೆಂಟ್ ಅದ್ಧೂರಿ ವಿವಾಹಕ್ಕೆ ಈ ರೀತಿ ಇರುತ್ತಂತೆ ಡ್ರೆಸ್‌ಕೋಡ್‌!
ಅತಿಥಿಗಳಿಗಾಗಿ 'ಆನ್ ಈವ್ನಿಂಗ್ ಇನ್ ಎವರ್‌ಲ್ಯಾಂಡ್' ಮತ್ತು 'ಎ ವಾಕ್ ಆನ್ ದಿ ವೈಲ್ಡ್‌ಸೈಡ್' ನಂತಹ ಥೀಮ್‌ಗಳ ಸಂಜೆಗಳನ್ನು ಯೋಜಿಸಲಾಗಿದೆ. ಇದೇ ಥೀಮ್‌ನಲ್ಲಿ ವಿಶೇಷ ಉಡುಪಿನೊಂದಿಗೆ ಕಾರ್ಯಕ್ರಮಕ್ಕೆ ಬರುವಂತೆ ಅತಿಥಿಗಳಿಗೆ ಪ್ರೋತ್ಸಾಹಿಸಲಾಗುತ್ತದೆ. ಸಂಗೀತ ಕಾರ್ಯಕ್ರಮವನ್ನು ರಿಹಾನ್ನಾ, ಡೇವಿಡ್‌ ಬ್ಲೇನ್‌, ಆರ್ಜಿತ್‌ ಸಿಂಗ್ ಮತ್ತು ದಿಲ್ಜಿತ್‌ ದೋಸಾಂಜ್‌ ಅವರ ಕಾರ್ಯಕ್ರಮ ಒಳಗೊಂಡಿರುತ್ತದೆ. ಅದಕ್ಕಿಂತ ಹೆಚ್ಚಾಗಿ, ವರದಿಗಳ ಪ್ರಕಾರ, ಮಹಾಬಲೇಶ್ವರದ ದೃಷ್ಟಿಹೀನ ಕುಶಲಕರ್ಮಿಗಳು ಪ್ರತ್ಯೇಕವಾಗಿ ತಯಾರಿಸಿದ ಮೇಣದಬತ್ತಿಯನ್ನು ವಿವಾಹಪೂರ್ವ ಸಮಾರಂಭಗಳಲ್ಲಿ ಬಳಸಿಕೊಳ್ಳಲಾಗುತ್ತಿದೆ.
ಅಂಬಾನಿ ಮಗನ ವಿವಾಹ ಕಾರ್ಯಕ್ರಮಕ್ಕೆ ಆಗಮಿಸಲಿದ್ದಾರೆ ವಿಶ್ವದ ಕೋಟ್ಯಧಿಪತಿಗಳು!
