ಪಿಎಂ ಮೋದಿ ಒಳಗೊಂಡಿರುವ ಮಿಲ್ಲೆಟ್‌ ಸಾಂಗ್‌ ಗ್ರ್ಯಾಮಿ ನಾಮನಿರ್ದೇಶನ!
ಪ್ರಧಾನಿ ನರೇಂದ್ರ ಮೋದಿಯವರ ಭಾಷಣವನ್ನು ಒಳಗೊಂಡಿರುವ 'ಅಬಂಡೆನ್ಸ್ ಇನ್ ಮಿಲೆಟ್ಸ್' ಹಾಡನ್ನು 'ಬೆಸ್ಟ್‌ ಗ್ಲೋಬಲ್‌ ಮ್ಯೂಸಿಕ್‌ ಪರ್ಫಾಮೆನ್ಸ್‌' ಅಡಿಯಲ್ಲಿ ಗ್ರ್ಯಾಮಿ ಪ್ರಶಸ್ತಿಗಳಿಗೆ ನಾಮನಿರ್ದೇಶನ ಮಾಡಲಾಗಿದೆ.
ನವದೆಹಲಿ (ನ.11): ಪ್ರಧಾನಿ ನರೇಂದ್ರ ಮೋದಿಯವರ ಭಾಷಣವನ್ನು ಒಳಗೊಂಡಿರುವ 'ಅಬಂಡೆನ್ಸ್ ಇನ್ ಮಿಲೆಟ್ಸ್' ಎಂಬ ಹಾಡನ್ನು 'ಬೆಸ್ಟ್‌ ಗ್ಲೋಬಲ್‌ ಮ್ಯೂಸಿಕ್‌ ಪರ್ಫಾಮೆನ್ಸ್‌' ಅಡಿಯಲ್ಲಿ ಗ್ರ್ಯಾಮಿ ಪ್ರಶಸ್ತಿಗಳಿಗೆ ನಾಮನಿರ್ದೇಶನ ಮಾಡಲಾಗಿದೆ. ಫಾಲು ಮತ್ತು ಗೌರವ್ ಷಾ ಅವರ ಹಾಡು ಈ ವರ್ಷದ ಮಾರ್ಚ್‌ನಲ್ಲಿ ಜಾಗತಿಕ ಮಿಲ್ಲೆಟ್ಸ್‌ (ಶ್ರೀ ಅನ್ನ) ಸಮ್ಮೇಳನವನ್ನು ಉದ್ಘಾಟಿಸುವಾಗ ಪ್ರಧಾನಿ ಮಾಡಿದ ಭಾಷಣದ ಭಾಗಗಳನ್ನು ಒಳಗೊಂಡಿದೆ. ದೆಹಲಿಯಲ್ಲಿ ನಡೆದ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ, "ಇಂದು ಜಗತ್ತು 'ಅಂತಾರಾಷ್ಟ್ರೀಯ ಮಿಲ್ಲೆಟ್ಸ್‌ ವರ್ಷ' ಎಂದು ಆಚರಿಸುತ್ತಿರುವಾಗ, ಭಾರತವು ಈ ಅಭಿಯಾನವನ್ನು ಮುನ್ನಡೆಸುತ್ತಿರುವುದಕ್ಕೆ ನನಗೆ ಸಂತೋಷವಾಗಿದೆ" ಎಂದು ಹೇಳಿದ್ದರು. ರೈತರು ಮತ್ತು ನಾಗರಿಕರ ಪ್ರಯತ್ನದಿಂದ 'ಶ್ರೀ ಅನ್ನ' ಭಾರತ ಮತ್ತು ಪ್ರಪಂಚದ ಸಮೃದ್ಧಿಗೆ ಹೊಸ ಆಯಾಮವನ್ನು ಸೇರಿಸುತ್ತದೆ ಎಂದು ಅವರು ಹೇಳಿದ್ದರು.
ಪ್ರಧಾನಿ ಭಾಷಣದ ಈ ಭಾಗವನ್ನು ಮುಂಬೈ ಮೂಲದ ಗಾಯಕಿ-ಗೀತರಚನೆಕಾರ್ತಿ ಫಲ್ಗುಣಿ ಶಾ ಅವರು ಹಾಡಿರುವ “ಅಬಂಡನ್ಸ್ ಇನ್ ಮಿಲೆಟ್ಸ್” ಹಾಡನ್ನು ಅವರ ಸ್ಟೇಜ್‌ ನೇಮ್‌ ಫಾಲು ಮತ್ತು ಅವರ ಪತಿ ಮತ್ತು ಗಾಯಕ ಗೌರವ್ ಷಾ ಅವರು ಪ್ರಶಸ್ತಿಗೆ ನಾಮನಿರ್ದೇಶನ ಮಾಡಿದ್ದಾರೆ.
ಹಾಡನ್ನು ಇಲ್ಲಿ ಕೇಳಿ:
ಇತರ ಆರು ಹಾಡುಗಳು 'ಅತ್ಯುತ್ತಮ ಜಾಗತಿಕ ಸಂಗೀತ ಪ್ರದರ್ಶನ' ವಿಭಾಗದಲ್ಲಿ ನಾಮನಿರ್ದೇಶನಗೊಂಡಿವೆ. ಅಬಂಡನ್ಸ್ ಇನ್ ಮಿಲೆಟ್ಸ್” ಅಲ್ಲದೆ, ಅರೂಜ್ ಅಫ್ತಾಬ್, ವಿಜಯ್ ಅಯ್ಯರ್ ಮತ್ತು ಶಹಜಾದ್ ಇಸ್ಮಾಯಿಲಿ “ಶ್ಯಾಡೋ ಫೋರ್ಸಸ್”, ಬರ್ನಾ ಬಾಯ್ “ಅಲೋನ್”, ಡೇವಿಡೋ "ಫೀಲ್" ಗಾಗಿ, " ಮಿಲಾಗ್ರೊ ವೈ ಡಿಸಾಸ್ಟ್ರೆ" ಗಾಗಿ ಸಿಲ್ವಾನಾ ಎಸ್ಟ್ರಾಡಾ, "ಪಾಶ್ಟೋ" ಗಾಗಿ ರಾಕೇಶ್ ಚೌರಾಸಿಯಾ, ಬೇಲಾ ಫ್ಲೆಕ್, ಎಡ್ಗರ್ ಮೆಯೆರ್ ಮತ್ತು ಜಾಕಿರ್ ಹುಸೇನ್, "ಟೊಡೊ ಕಲರ್ಸ್" ಗಾಗಿ ಇಬ್ರಾಹಿಂ ಮಾಲೂಫ್ ಸಿಮಾಫಂಕ್ ಮತ್ತು ಟ್ಯಾಂಕ್ ಮತ್ತು ಬಂಗಾಸ್ ಅವರ ಹಾಡುಗಳೂ ಸೇರಿವೆ.
ಫಾಲು ಷಾ ಹಲವಾರು ಬಾರಿ ಗ್ರ್ಯಾಮಿ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದ್ದಾರೆ ಮತ್ತು 2022 ರಲ್ಲಿ ಅವರ ಆಲ್ಬಂ 'ಎ ಕಲರ್‌ಫುಲ್ ವರ್ಲ್ಡ್' ಗಾಗಿ 'ಅತ್ಯುತ್ತಮ ಮಕ್ಕಳ ಆಲ್ಬಮ್' ಅನ್ನು ಗೆದ್ದಿದ್ದಾರೆ. ಆಕೆಯ ಪತಿ ಗೌರವ್ ಕೂಡ ಈ ಹಿಂದೆ ಅವರೊಂದಿಗೆ ಪ್ರಾಜೆಕ್ಟ್‌ಗಳಲ್ಲಿ ಕೆಲಸ ಮಾಡಿದ್ದಾರೆ ಮತ್ತು ಇಬ್ಬರೂ 'ಫೋರಸ್ ರೋಡ್' ಎಂಬ ಅವರ ಬ್ಯಾಂಡ್‌ನ ಭಾಗವಾಗಿದ್ದರು. ವಿಶ್ವಸಂಸ್ಥೆಯ ಆಹಾರ ಮತ್ತು ಕೃಷಿ ಸಂಸ್ಥೆ (ಎಫ್‌ಎಒ) ಆಡಳಿತ ಮಂಡಳಿಗಳು ಮತ್ತು 75 ನೇ ಅಧಿವೇಶನದ ಸದಸ್ಯರು ಅನುಮೋದಿಸಿದ ನಂತರ ಭಾರತವು ಪ್ರಸ್ತಾವನೆಯನ್ನು ಮುಂದಕ್ಕೆ ತಂದ ನಂತರ 2023 ನೇ ವರ್ಷವನ್ನು ವಿಶ್ವಸಂಸ್ಥೆಯ ಸಾಮಾನ್ಯ ಸಭೆ ಅಂತಾರಾಷ್ಟ್ರೀಯ ಮಿಲ್ಲೆಟ್ಸ್‌ ವರ್ಷ ಎಂದು ಘೋಷಿಸಿದೆ.
ನವಣೆ ಪೋಷಕಾಂಶಗಳ ಮೂಲ : ಇದರಲ್ಲಿದೆ ಆರೋಗ್ಯ ಪ್ರಯೋಜನ
ಬದಲಾವಣೆಗಳನ್ನು ತರಲು ಮತ್ತು ಮಾನವೀಯತೆಯನ್ನು ಮೇಲಕ್ಕೆತ್ತಲು ಸಂಗೀತದ ಶಕ್ತಿಯ ಕುರಿತು ತಮ್ಮ ಚರ್ಚೆಯ ಸಮಯದಲ್ಲಿ ಹಸಿವನ್ನು ಕೊನೆಗೊಳಿಸುವ ಸಂದೇಶವನ್ನು ಹೊಂದಿರುವ ಹಾಡನ್ನು ಬರೆಯಬೇಕು ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದರು ಎಂದು ಫಾಲು ಹೇಳಿದ್ದಾರೆ.
ಸಿರಿಧಾನ್ಯಗಳ ಬಳಕೆ ಸುಸ್ಥಿರ ಆಹಾರ ವ್ಯವಸ್ಥೆ ಸುಧಾರಣೆ
