15 ದಿನ ರಜೆ: ಕೊರೋನಾ ಹಾವಳಿ ಮಧ್ಯೆ ಕೇಂದ್ರ ನೌಕರರಿಗೆ ಗುಡ್ ನ್ಯೂಸ್!
* ದೇಶವನ್ನು ಕಾಡುತ್ತಿದೆ ಕೊರೋನಾ ಎರಡನೇ ಅಲೆ
* ಕೊರೋನಾ ಸಾಂಕ್ರಾಮಿಕದಿಂದಾಗಿ ಉದ್ಯೋಗಿಗಳಿಗೆ ಸಂಕಷ್ಟ
* 15 ದಿನ ರಜೆ: ಕೊರೋನಾ ಹಾವಳಿ ಮಧ್ಯೆ ಕೆಂದ್ರ ನೌಕರರಿಗೆ ಗುಡ್ ನ್ಯೂಸ್
ನವದೆಹಲಿ(ಜೂ.10): ತಮ್ಮ ಪೋಷಕರು, ಕುಟುಂಬದ ಯಾವುದೇ ಸದಸ್ಯರು ಕೊರೋನಾ ಸೋಂಕಿತರಾದರೆ ಕೇಂದ್ರ ಸರ್ಕಾರಿ ನೌಕರರು 15 ದಿನಗಳ ವಿಶೇಷ ರಜೆಯನ್ನು ಪಡೆದುಕೊಳ್ಳಬಹುದಾಗಿದೆ ಎಂದು ಸಿಬ್ಬಂದಿ ಸಚಿವಾಲಯ ಆದೇಶ ಹೊರಡಿಸಿದೆ.
ಒಂದು ವೇಳೆ ಕುಟುಂಬದ ಯಾವುದೇ ಸದಸ್ಯ ಆಸ್ಪತ್ರೆಗೆ ದಾಖಲಾದರೆ, ಅವರು ಬಿಡುಗಡೆ ಆಗುವವರೆಗೆ 15 ದಿನಗಳ ಬಳಿಕವೂ ನೌಕರರು ರಜೆಯನ್ನು ಪಡೆದುಕೊಳ್ಳಬಹುದಾಗಿದೆ.
ಕೊರೋನಾ ಸಾಂಕ್ರಾಮಿಕದಿಂದಾಗಿ ಉದ್ಯೋಗಿಗಳು ಎದುರಿಸುತ್ತಿರುವ ಸಂಕಷ್ಟದ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರ ಉದ್ಯೋಗಿಗಳಿಗೆ ಕ್ವಾರಂಟೈನ್ ಅವಧಿಯಲ್ಲಿ ರಜೆ ಪಡೆಯಲು ಅವಕಾಶ ಕಲ್ಪಿಸಿದೆ. ಉದ್ಯೋಗಿಯೇ ಸ್ವತಃ ಕೊರೋನಾ ಸೋಂಕಿತರಾದರೆ 20 ದಿನಗಳ ರಜೆಯನ್ನು ಪಡೆಯಲು ಅರ್ಹರಾಗಿದ್ದಾರೆ.
ಒಂದು ವೇಳೆ ಅವರು 20 ದಿನಗಳ ಬಳಿಕವೂ ಆಸ್ಪತ್ರೆಗೆ ದಾಖಲಾಗುವ ಸಂದರ್ಭ ಎದುರಾದರೆ ರಜೆಯನ್ನು ಇನ್ನಷ್ಟುದಿನ ವಿಸ್ತರಿಸಲಾಗುವುದು ಎಂದು ಆದೇಶದಲ್ಲಿ ತಿಳಿಸಲಾಗಿದೆ.