ದೇಶದಲ್ಲಿ ಕೋವಿಡ್‌ ಸುನಾಮಿ: ಬೀಸುತ್ತಿದೆ ಸಾವಿನ ಅಲೆ!

: ಸತತ 9ನೇ ದಿನಗಳಿಂದ 1 ಲಕ್ಷಕ್ಕಿಂತ ಹೆಚ್ಚು ಪ್ರಕರಣಗಳು| ಬೀಸುತ್ತಿದೆ ಸಾವಿನ ಅಲೆ| ದೇಶದಲ್ಲಿ ಕೋವಿಡ್‌ ಸುನಾಮಿ

The daily new cases of Covid-19 in India were recorded above 17,000 after a little over a month taking the total tally of cases to 1,11,56,923, while the recoveries surged to 1,08,26,075, according to the Union Health Ministry data updated on March 4.

ನವದೆಹಲಿ(ಏ.15): ಸತತ 9ನೇ ದಿನಗಳಿಂದ 1 ಲಕ್ಷಕ್ಕಿಂತ ಹೆಚ್ಚು ಪ್ರಕರಣಗಳು ದಾಖಲಾಗುತ್ತಿರುವ ಭಾರತದಲ್ಲಿ ಇದೀಗ ನಿತ್ಯ ದೃಢಪಡುತ್ತಿರುವ ಹೊಸ ಸೋಂಕಿತರ ಪ್ರಮಾಣ ಬಹುತೇಕ 2 ಲಕ್ಷದ ಗಡಿಗೆ ಬಂದು ನಿಂತಿದೆ. ಇದೇ ವೇಳೆ ಸಾವಿನ ಪ್ರಮಾಣದಲ್ಲೂ ಭಾರಿ ಏರಿಕೆಯಾಗಿದೆ. ಬುಧವಾರ ಬೆಳಗ್ಗೆ 8 ಗಂಟೆಗೆ ಮುಕ್ತಾಯವಾದ 24 ಗಂಟೆಗಳ ಅವಧಿಯಲ್ಲಿ ದೇಶದಲ್ಲಿ 1.84 ಲಕ್ಷ ಜನರಲ್ಲಿ ಸೋಂಕು ದೃಢಪಟ್ಟಿದ್ದು, 1027 ಜನರು ಸಾವನ್ನಪ್ಪಿದ್ದಾರೆ.

ಕೊರೋನಾ 2ನೇ ಅಲೆ ತೀವ್ರಗೊಳ್ಳಲು ಆರಂಭವಾದ ಮಾಚ್‌ರ್‍ ಮೊದಲ ವಾರದಲ್ಲಿ ಸಾವಿನ ಸಂಖ್ಯೆ (ವಾರದ) ಸರಾಸರಿ 700ರ ಆಸುಪಾಸಿನಲ್ಲಿತ್ತು. ನಂತರದ ವಾರಗಳಲ್ಲಿ ಅದು ಕ್ರಮವಾಗಿ 845, 1241, 1882, 3251ಕ್ಕೆ ಮುಟ್ಟಿ, ಏಪ್ರಿಲ್‌ 2ನೇ ವಾರದ ಹೊತ್ತಿಗೆ 5007 ತಲುಪುವ ಮೂಲಕ ತಲ್ಲಣ ಮೂಡಿಸಿದೆ. ಇದು ಸಹಜವಾಗಿಯೇ ಸೋಂಕಿತರು ಆಸ್ಪತ್ರೆ ಸೇರಿ ಚಿಕಿತ್ಸೆ ಫಲಕಾರಿಯಾಗದೇ ಸಾವಿನ ಪ್ರಮಾಣ ಏರಿಕೆಯಾಗಿರುವುದನ್ನು ತೋರಿಸಿದೆ. ಜೊತೆಗೆ ಕೋವಿಡ್‌ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವ ಅಗತ್ಯವನ್ನು ಸಾರಿ ಹೇಳಿದೆ.

ಈ ಹಿಂದೆ 2020ರ ಸೆಪ್ಟೆಂಬರ್‌ 18ರಂದು ಕೊರೋನಾಕ್ಕೆ 1247 ಮಂದಿ ಬಲಿಯಾಗಿದ್ದು, ಭಾರತದಲ್ಲಿನ ಈವರೆಗಿನ ದೈನಂದಿನ ಗರಿಷ್ಠ ಸಂಖ್ಯೆಯಾಗಿತ್ತು. ಈಗಿನ ಅಂಕಿ ಸಂಖ್ಯೆಯನ್ನು ಗಮನಿಸಿದರೆ ಈ ಸಂಖ್ಯೆ ಇನ್ನು ಒಂದೆರಡು ದಿನಗಳಲ್ಲಿ ಮೀರುವ ಎಲ್ಲಾ ಸಾಧ್ಯತೆಗಳಿವೆ.

ದಾಖಲೆ ಸೋಂಕು:

ಬುಧವಾರ ಬೆಳಗ್ಗೆ 8ರವರೆಗಿನ 24 ಗಂಟೆ ಅವಧಿಯಲ್ಲಿ 1.84 ಲಕ್ಷ ಜನರಿಗೆ ಹೊಸದಾಗಿ ಸೋಂಕು ದೃಢಪಡುವುದರೊಂದಿಗೆ ದೇಶದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 1.38 ಕೋಟಿಗೆ ತಲುಪಿದ್ದು, ಸಕ್ರಿಯ ಸೋಂಕಿತರ ಪ್ರಮಾಣ ದಾಖಲೆಯ 13 ಲಕ್ಷ ದಾಟಿದೆ. ಅಮೆರಿಕದಲ್ಲಿ 2021ರ ಜ.8ರಂದು ದಾಖಲೆಯ 3.09 ಲಕ್ಷ ಜನರಲ್ಲಿ ಸೋಂಕು ಕಾಣಿಸಿಕೊಂಡಿತ್ತು. ಅದನ್ನು ಹೊರತುಪಡಿಸಿದರೆ 1.84 ಲಕ್ಷ ಜನರಿಗೆ ಒಂದೇ ದಿನದಲ್ಲಿ ಸೋಂಕು ಕಾಣಿಸಿಕೊಂಡಿರುವುದೇ 2ನೇ ಗರಿಷ್ಠ ಪ್ರಮಾಣವಾಗಿದೆ.

ಇನ್ನು ಕಳೆದ 24 ಗಂಟೆಯಲ್ಲಿ 1027 ಜನರು ಬಲಿಯಾಗಿದ್ದಾರೆ. ಇದು 2020ರ ಅ.18ರ ನಂತರದ ಗರಿಷ್ಠ ಪ್ರಮಾಣವಾಗಿದೆ. ಇದರೊಂದಿಗೆ ಈವರೆಗೆ ದೇಶದಲ್ಲಿ ವೈರಸ್‌ಗೆ ಬಲಿಯಾದವರ ಸಂಖ್ಯೆ 1.72 ಲಕ್ಷ ದಾಟಿದೆ. ನಿನ್ನೆ ಅತಿ ಹೆಚ್ಚು ಸಾವು ದಾಖಲಾದ ರಾಜ್ಯಗಳೆಂದರೆ ಮಹಾರಾಷ್ಟ್ರ (281), ಛತ್ತೀಸ್‌ಗಢ (156), ಉತ್ತರಪ್ರದೇಶ (85), ದೆಹಲಿ (81), ಕರ್ನಾಟಕ ಮತ್ತು ದೆಹಲಿ ತಲಾ (50). ಇದೇ ವೇಳೆ ಸೋಂಕಿನಿಂದ ಗುಣಮುಖರಾಗುವವರ ಪ್ರಮಾಣ ಶೇ.88.92ಕ್ಕೆ ಇಳಿಕೆ ಕಂಡಿದೆ.

ಹೊಸ ಕೇಸಿನಲ್ಲಿ ಮಹಾರಾಷ್ಟ್ರ, ಉತ್ತರಪ್ರದೇಶ, ಛತ್ತೀಸ್‌ಗಢ, ಕರ್ನಾಟಕ, ಕೇರಳ ಸೇರಿದಂತೆ 10 ರಾಜ್ಯಗಳ ಪಾಲು ಶೇ.82.04ರಷ್ಟಿದೆ. ಇನ್ನು ಒಟ್ಟು ಕೇಸಲ್ಲಿ ಮಹಾರಾಷ್ಟ್ರ (60212), ಉತ್ತರಪ್ರದೇಶ (17963), ಛತ್ತೀಸ್‌ಗಢ (15121) ರಾಜ್ಯಗಳು ಮೊದಲು ಮೂರು ಸ್ಥಾನದಲ್ಲಿದೆ. ಇನ್ನು ಸಕ್ರಿಯ ಪ್ರಕರಣಗಳಲ್ಲಿ ಮಹಾರಾಷ್ಟ್ರ, ಛತ್ತೀಸ್‌ಗಢ, ಉತ್ತರಪ್ರದೇಶ, ಕರ್ನಾಟಕ ಮತ್ತು ಕೇರಳ ರಾಜ್ಯಗಳ ಪಾಲು ಶೇ.68.16ರಷ್ಟಿದೆ.