ಬದನೆಗೂ ಗೊತ್ತು ಆರೋಗ್ಯದ ಗುಟ್ಟು!
ವಾಂಗೀಬಾತ್, ಗುಳ್ಳ....ಹೀಗೆ ಕೆಲವು ಪದಾರ್ಥಗಳಿಗೆ ಬದನೆಯೇ ಬೆಸ್ಟ್. ಆದರೆ, ಇದನ್ನು ಪ್ರತಿಯೊಬ್ಬರೂ ಇಷ್ಟಪಡುವುದಿಲ್ಲ. ಅಲ್ಲದೇ ನಂಜು ಹೆಚ್ಚಿಸುವ ತರಕಾರಿ ಎಂಬ ಅಪಕೀರ್ತಿಗೂ ಪಾತ್ರವಾಗಿದೆ. ಆದರೆ, ಈ ಬದನೆಯಲ್ಲಿಯೂ ಔಷಧೀಯ ಗುಣಗಳಿವೆ!
ರೊಟ್ಟಿ ಜೊತೆ ಬದನೆಕಾಯಿ ಪಲ್ಯ, ಎಣ್ಣೆಗಾಯಿ ಇದ್ದರೆ ಅದರ ರುಚಿ ಇನ್ನಷ್ಟು ಹೆಚ್ಚುತ್ತದೆ. ಈ ರುಚಿಯಾದ ಬದನೆಕಾಯಿ ಕೇವಲ ಅಡುಗೆಯ ರುಚಿ ಹೆಚ್ಚಿಸುವುದು ಮಾತ್ರವಲ್ಲ. ಆರೋಗ್ಯಕ್ಕೂ ಉತ್ತಮ. ಅದು ಹೇಗೆ?
- ಬದನೆಯಲ್ಲಿ ಹೆಚ್ಚಿನ ನಾರಿನಂಶವಿದೆ. ಇದು ದೇಹದಲ್ಲಿನ ಸಕ್ಕರೆಯಂಶ ಕಡಿಮೆ ಮಾಡಿ, ಮಧುಮೇಹ ಸಮಸ್ಯೆ ಕಂಟ್ರೋಲ್ನಲ್ಲಿಡುತ್ತೆ.
- ಈ ತರಕಾರಿಯಲ್ಲಿರುವ ಆ್ಯಂಟಿ ಆ್ಯಕ್ಸಿಡೆಂಟ್ಗಳು ಹೃದಯಕ್ಕೆ ಉತ್ತಮ ಕೊಲೆಸ್ಟ್ರಾಲ್ ನೀಡುತ್ತದೆ. ಇದು ಹೃದ್ರೋಗವನ್ನು ದೂರ ಮಾಡುತ್ತದೆ.
- ದೇಹದ ತೂಕ ಕಡಿಮೆ ಮಾಡಲು ಉಪಯುಕ್ತ. ಬದನೆಯನ್ನು ಬೇಯಿಸಿ ತಿಂದರೆ ಹೆಚ್ಚಿನ ಲಾಭ.
- ಕ್ಯಾನ್ಸರ್ ವಿರುದ್ಧ ಹೊರಾಡುವ ಶಕ್ತಿಯೂ ಬದನೆಯಲ್ಲಿರುವ ಪೆನೋಲಿಕ್ಗಿದೆ.
- ಬದನೆಯನ್ನು ಚೆನ್ನಾಗಿ ರುಬ್ಬಿ, ಸೋಸಿ ನೀರು ಮಾತ್ರ ಸೇವಿಸಿದರೆ, ರಕ್ತದೊತ್ತಡ ಕಂಟ್ರೋಲ್ಗೆ ಬರುತ್ತೆ.
- ಬದನೆಯಲ್ಲಿರುವ ಆಟೋ ಸಯಾನಿಕ್ ಪದಾರ್ಥ ದೇಹದ ನಿಶ್ಯಕ್ತಿಯನ್ನು ದೂರ ಮಾಡಿ, ದೇಹಕ್ಕೆ ಶಕ್ತಿ ನೀಡುತ್ತದೆ.
- ನಿಕೋಟಿನ್ ಅಂಶ ಧೂಮಪಾನ ಚಟವನ್ನು ನಿಯಂತ್ರಿಸುತ್ತದೆ. ಅಲ್ಲದೇ ಹೃದಯ, ರಕ್ತನಾಳದ ಸಮಸ್ಯೆಗೂ ಮದ್ದು.
- ಬದನೆಯಲ್ಲಿ ವಿಟಮಿನ್ ಸಿ ಅಂಶವಿದ್ದು, ಸೋಂಕಿನ ವಿರುದ್ಧ ಹೊರಾಡಬಲ್ಲದು.
- ಬದನೆಯನ್ನು ಬೇಯಿಸಿ ಸ್ವಲ್ಪ ಬೆಲ್ಲ ಸೇರಿಸಿ ಬೆಳಗ್ಗೆ ಸೇವಿಸಿದರೆ ಮೂಲವ್ಯಾಧಿಗೆ ಮದ್ದು.
ಹೆಂಗೆಂಗೋ ಹಣ್ಣು ತಿಂದರೆ ಕೆಡುತ್ತೆ ಆರೋಗ್ಯ...