ಪೇಪರ್‌ನಲ್ಲಿ ಬಜ್ಜಿ ಬೋಂಡಾ ಕಟ್ಟಿ ತರ್ತೀರಾ? ಅದೊಂದು ತಪ್ಪು ಮಾತ್ರ ಮಾಡಬೇಡಿ!
ಬೀದಿ ಬದಿಯ ತಿಂಡಿಗಳನ್ನು ಪೇಪರ್‌ನಲ್ಲಿ ಕಟ್ಟಿ ತಿನ್ನುವುದು ಅಪಾಯಕಾರಿ. ಪೇಪರ್‌ನಲ್ಲಿರುವ ರಾಸಾಯನಿಕಗಳು ಮತ್ತು ಶಾಯಿ ಆಹಾರದ ಜೊತೆಗೆ ಹೊಟ್ಟೆ ಸೇರುವುದರಿಂದ ಕ್ಯಾನ್ಸರ್‌ನಂತಹ ಕಾಯಿಲೆಗಳು ಬರಬಹುದು.
 )
Followಮಳೆ ಬರ್ತಿದೆ, ಚಳಿ ಆಗ್ತಿದೆ. ಬೀದಿ ಬದಿಯಲ್ಲಿ ಎಣ್ಣೆಯಲ್ಲಿ ಕರಿದು ಮಾರಾಟ ಮಾಡೋ ಈರುಳ್ಳಿ ಬಜ್ಜಿ- ಮೆಣಸಿನಕಾಯಿ ಬೋಂಡಾ ತಂದು ಸವಿಯುತ್ತೀರಿ. ಅದು, ಎಷ್ಟು ಅಡಿಕ್ಟಿವ್‌ ಎಂದರೆ ಮರುದಿನವೂ ಬೇಕು ಅನಿಸುತ್ತೆ. ಮನೆಯಲ್ಲೇ ಮಾಡಿದ ಪಕೋಡ ಆದರೂ ಪೇಪರ್‌ನಲ್ಲಿ ಕಟ್ಟಿ ಇಡುವ ಅಭ್ಯಾಸ ಕೆಲವರಿಗೆ ಇದೆ. ಹೀಗಿಟ್ಟರೆ ಗರಿಗರಿ ಆಗಿರುತ್ತೆ ಎಂದು ಹಲವರು ಭಾವಿಸುತ್ತಾರೆ.
ಆದರೆ ನಿಮಗೆ ಗೊತ್ತಿರಲಿ, ಹೀಗೆ ಪೇಪರ್‌ನಲ್ಲಿ ಕಟ್ಟಿತಂದ ಎಣ್ಣೆ ತಿಂಡಿ ತಿನ್ನುವುದು ಭಯಂಕರ ಡೇಂಜರಸ್. ಹಾಗೆ ಮಾಡುವ ಮೂಲಕ ನಿಮ್ಮ ಸ್ವಂತ ಆರೋಗ್ಯವನ್ನೇ ನೀವು ಕೆಡಿಸಿಕೊಳ್ಳುತ್ತಿದ್ದೀರಿ.
ನಾವು ಸಾಮಾನ್ಯವಾಗಿ ಬಿಸಿ ಆಹಾರವನ್ನು ಪ್ಲಾಸ್ಟಿಕ್ ಚೀಲಗಳಲ್ಲಿ ಇಡುವುದನ್ನು ತಪ್ಪಿಸುತ್ತೇವೆ. ಏಕೆಂದರೆ ಈ ಮೂಲಕ ಮೈಕ್ರೋಪ್ಲಾಸ್ಟಿಕ್ ನಮ್ಮ ಹೊಟ್ಟೆಯನ್ನು ಪ್ರವೇಶಿಸುತ್ತದೆ. ಇದು ಕ್ಯಾನ್ಸರ್‌ನಂತಹ ಅಪಾಯಕಾರಿ ಕಾಯಿಲೆಗಳನ್ನು ಉಂಟುಮಾಡುತ್ತದೆ. ಬಹುಪಾಲು ಜನರು ಪಾಲಿಥಿನ್‌ ಪ್ಲಾಸ್ಟಿಕ್ ಚೀಲಗಳಿಗಿಂತ ಪತ್ರಿಕೆಗಳನ್ನು ಉತ್ತಮವೆಂದು ಪರಿಗಣಿಸುತ್ತಾರೆ. ಪೇಪರ್ ಬ್ಯಾಗ್‌ಗಳನ್ನೂ ಬಳಸುತ್ತಾರೆ. ಆದರೆ ಪತ್ರಿಕೆಗಳಲ್ಲಿ ಸುತ್ತುವ ಆಹಾರವೂ ಸುರಕ್ಷಿತವಲ್ಲ. ಇದು ಹಲವಾರು ರೋಗಗಳಿಗೆ ಆಹ್ವಾನ ನೀಡುತ್ತದೆ ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗಬಹುದು.
ಖ್ಯಾತ ಹೆಮಟಾಲಜಿಸ್ಟ್ ಮತ್ತು ಆಂಕೊಲಾಜಿಸ್ಟ್ ಡಾ.ರವಿ ಕೆ ಗುಪ್ತಾ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಈ ಬಗ್ಗೆ ಕಣ್ಣು ತೆರೆಸುವ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ, ಅವರು ಹೇಳುವ ಹಾಗೆ, ರಸ್ತೆಗಳಲ್ಲಿ ದಿನಪತ್ರಿಕೆಗಳಲ್ಲಿ ಕಟ್ಟಿದ ಕರಿದ ಪಕೋಡಗಳಿಗಿಂತ ಆ ಸುದ್ದಿಪತ್ರಿಕೆಗಳು ನಿಮಗೆ ಹೆಚ್ಚಿನ ಹಾನಿಯನ್ನುಂಟುಮಾಡುತ್ತವೆ. ನೀವು ಕರಿದ ಆಹಾರವನ್ನು ಪೇಪರ್‌ನಲ್ಲಿ ಕಟ್ಟಿದಾಗ, ಅದರಲ್ಲಿ ಇರುವ ರಾಸಾಯನಿಕಗಳು ಮತ್ತು ಶಾಯಿ ಪಕೋಡದೊಂದಿಗೆ ನಿಮ್ಮ ಹೊಟ್ಟೆ ಸೇರುತ್ತದೆ,
ಈ ವೃತ್ತಪತ್ರಿಕೆಗಳು ಬಾಷ್ಪಶೀಲ ಸಾವಯವ ಸಂಯುಕ್ತಗಳನ್ನು ಹೊಂದಿರುತ್ತವೆ. ಇದು ನಿಮಗೆ ಬಹಳಷ್ಟು ಹಾನಿಯನ್ನುಂಟುಮಾಡುತ್ತದೆ. ಪತ್ರಿಕೆಗಳನ್ನು ಹೇಗೆ ತಯಾರಿಸಲಾಗುತ್ತದೆ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ? ಪೇಪರ್ ಮೇಕಿಂಗ್‌ನಲ್ಲಿ ಪೆಟ್ರೋಲಿಯಂ ಉತ್ಪನ್ನಗಳು ಸೇರಿದಂತೆ ಹಲವಾರು ರಾಸಾಯನಿಕಗಳು ಭಾಗಿಯಾಗುತ್ತವೆ. ಅವುಗಳು ಧೂಳು, ಬ್ಯಾಕ್ಟೀರಿಯಾ ಮತ್ತು ಇತರ ಕಲ್ಮಶಗಳನ್ನೂ ಒಳಗೊಂಡಿರಬಹುದು. ಇದು ಆಹಾರದಿಂದ ಹರಡುವ ರೋಗಗಳ ಅಪಾಯವನ್ನು ಹೆಚ್ಚಿಸುತ್ತದೆ.
ಪತ್ರಿಕೆಗಳಲ್ಲಿ ಆರೋಗ್ಯಕ್ಕೆ ಹಾನಿಕಾರಕವಾದ ಅನೇಕ ಅಂಶಗಳಿವೆ, ಉದಾಹರಣೆಗೆ ಕಡಿಮೆ ದರ್ಜೆಯ ಸಸ್ಯಜನ್ಯ ಎಣ್ಣೆ (ಹೆವಿ ಆಯಿಲ್) ಮತ್ತು ಬಿಟುಮೆನ್ ಪಿಗ್ಮೆಂಟ್. ಇವುಗಳು ಆಹಾರದ ಮೂಲಕ ಹೊಟ್ಟೆಯನ್ನು ಪ್ರವೇಶಿಸಿದರೆ ತೊಂದರೆ ಉಂಟಾಗುತ್ತದೆ.
SHOCKING NEWS: ಭಾರತದಲ್ಲಿ ಪ್ರತಿ 4 ನಿಮಿಷಕ್ಕೆ ಒಬ್ಬ ವ್ಯಕ್ತಿ ಈ ಕಾಯಿಲೆಯಿಂದ ಸಾವು!
ಪೆಟ್ರೋಲಿಯಂ ಆಧಾರಿತ ಖನಿಜ ತೈಲಗಳನ್ನು ಪೇಪರ್ ಮೇಲೆ ಶಾಯಿಯನ್ನು ದಪ್ಪವಾಗಿಸಲು ಬಳಸಲಾಗುತ್ತದೆ ಮತ್ತು ಅದನ್ನು ಒಣಗಿಸಲು ಕೋಬಾಲ್ಟ್ ಆಧಾರಿತ ಏಜೆಂಟ್‌ಗಳನ್ನು ಬಳಸಲಾಗುತ್ತದೆ. ಈ ಎರಡನ್ನೂ ಸೇವಿಸಿದರೆ, ಗಂಭೀರವಾದ ಆರೋಗ್ಯ ಅಪಾಯಗಳನ್ನು ಉಂಟುಮಾಡುತ್ತದೆ. ಮ್ಯಾಗಜೈನ್‌ಗಳ ಪುಟಗಳು ಗುಣಮಟ್ಟದಲ್ಲಿ ಉತ್ತಮ ಎಂದು ನೀವು ಭಾವಿಸಿದರೆ, ಅದೂ ತಪ್ಪು. ಇವುಗಳ ಪುಟಗಳ ಹೊಳಪನ್ನು ಸೇರಿಸಲು ಮತ್ತು ಶಾಯಿಯನ್ನು ಮಬ್ಬಾಗದಂತೆ ತಡೆಯಲು ಬಳಸುವ ರಾಸಾಯನಿಕಗಳು ಇನ್ನಷ್ಟು ಅಪಾಯವನ್ನುಂಟುಮಾಡುತ್ತವೆ.
ಆದ್ದರಿಂದ, ಕರಿದ ಆಹಾರದಿಂದ ಹೆಚ್ಚುವರಿ ಎಣ್ಣೆಯನ್ನು ಹೀರಿಕೊಳ್ಳಲು ಬಳಸುವ ಟಿಶ್ಯೂ ಪೇಪರ್‌ಗಳು ಅಥವಾ ಪೇಪರ್ ಟವೆಲ್‌ಗಳನ್ನು ಬಳಸುವುದು ಉತ್ತಮ. ದಿನಪತ್ರಿಕೆಗಳ ಬದಲು ಟಿಶ್ಯೂ ಪೇಪರ್‌ನಲ್ಲಿ ಆಹಾರ ಪ್ಯಾಕ್ ಮಾಡಬಹುದು. ಇಂತಹ ಸಣ್ಣಪುಟ್ಟ ಪರ್ಯಾಯಗಳನ್ನು ಅಳವಡಿಸಿಕೊಂಡರೆ ಆಹಾರ ಆರೋಗ್ಯಕರ ಆಗಿರಬಹುದು. ನಿಮ್ಮ ಹಾಗೂ ನಿಮ್ಮ ಕುಟುಂಬದ ಬಗ್ಗೆ ಕಾಳಜಿ ವಹಿಸಿ. ಮನೆಯಿಂದ ಸ್ಟೀಲ್ ಪಾತ್ರೆ ತಂದು ಅದರಲ್ಲಿ ಆಹಾರವನ್ನು ಇಡುವುದು ಉತ್ತಮ. ಪೇಪರೇ ಬಳಸಬೇಕು ಎಂದಿದ್ದರೆ ಪ್ರಿಂಟ್‌ ಆಗಿರದ ಖಾಲಿ ಪೇಪರು ಉತ್ತಮ.
ಪರಿಣೀತಿ 28 ಕೆಜಿ ತೂಕ ಇಳಿಸಿಕೊಂಡಿದ್ದು ಹೇಗೆ? ಇಲ್ಲಿದೆ ಅವರ ಫಿಟ್ನೆಸ್ ಮಂತ್ರ
