ಶೀಘ್ರದಲ್ಲೇ ಅಪ್ಪಳಿಸಲಿದೆ ಕೋವಿಡ್‌ಗಿಂತ ಭೀಕರ ಸಾಂಕ್ರಾಮಿಕ ರೋಗ; 5 ಕೋಟಿ ಜನರನ್ನು ಕೊಲ್ಲಲಿದೆ ‘’X’’!
ರೋಗ X ವೈರಸ್, ಬ್ಯಾಕ್ಟೀಯ ಅಥವಾ ಶಿಲೀಂಧ್ರ ಯಾವುದೇ ಹೊಸ ಏಜೆಂಟ್‌ ಆಗಿರಬಹುದು. ಇದಕ್ಕೆ ಯಾವುದೇ ತಿಳಿದಿರುವ ಚಿಕಿತ್ಸೆಗಳಿರುವುದಿಲ್ಲ ಎಂದು WHO ತಿಳಿಸಿದೆ.
 )
Followಲಂಡನ್‌ (ಸೆಪ್ಟೆಂಬರ್ 26, 2023): ಕೋವಿಡ್ -19 ಗಿಂತ ಮಾರಕವಾದ ಮತ್ತೊಂದು ಸಾಂಕ್ರಾಮಿಕ ರೋಗ ಬರಬಹುದು ಎಂದು ಯುಕೆ ಆರೋಗ್ಯ ತಜ್ಞರು ಎಚ್ಚರಿಸಿದ್ದಾರೆ. ಅಲ್ಲದೆ, ಇದಕ್ಕೆ ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ) ಡಿಸೀಸ್ ಎಕ್ಸ್ ಎಂಬ ಹೆಸರಿಟ್ಟಿದೆ ಎಂದೂ ಮಾಹಿತಿ ನೀಡಿದ್ದಾರೆ. ಮೇ ನಿಂದ ಡಿಸೆಂಬರ್ 2020 ರವರೆಗೆ ಯುಕೆ ಲಸಿಕೆ ಕಾರ್ಯಪಡೆಯ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ ಕೇಟ್ ಬಿಂಗ್‌ಹ್ಯಾಮ್, ಹೊಸ ವೈರಸ್ 1919-1920 ರ ವಿನಾಶಕಾರಿ ಸ್ಪ್ಯಾನಿಷ್ ಫ್ಲೂಗೆ ಸಮಾನವಾದ ಪರಿಣಾಮವನ್ನು ಬೀರಬಹುದು ಎಂದು ಡೈಲಿ ಮೇಲ್‌ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.
ಈ ರೋಗ X ವೈರಸ್, ಬ್ಯಾಕ್ಟೀಯ ಅಥವಾ ಶಿಲೀಂಧ್ರ ಯಾವುದೇ ಹೊಸ ಏಜೆಂಟ್‌ ಆಗಿರಬಹುದು. ಇದಕ್ಕೆ ಯಾವುದೇ ತಿಳಿದಿರುವ ಚಿಕಿತ್ಸೆಗಳಿರುವುದಿಲ್ಲ ಎಂದು WHO ಮಾಹಿತಿ ನೀಡಿದೆ. ಈ ಬಗ್ಗೆ ತಮ್ಮ ಕಳವಳ ವ್ಯಕ್ತಪಡಿಸಿದ ಕೇಟ್ ಬಿಂಗ್‌ಹ್ಯಾಮ್, "ನಾನು ಇದನ್ನು ಹೀಗೆ ಹೇಳುತ್ತೇನೆ: 1918-19 ಫ್ಲೂ ಸಾಂಕ್ರಾಮಿಕವು ವಿಶ್ವಾದ್ಯಂತ ಕನಿಷ್ಠ 50 ಮಿಲಿಯನ್ (5 ಕೋಟಿ) ಜನರನ್ನು ಬಲಿ ತೆಗೆದುಕೊಂಡಿದೆ. ಮೊದಲನೆಯ ಮಹಾಯುದ್ಧದಲ್ಲಿ ಸತ್ತವರಿಗಿಂತ ಎರಡು ಪಟ್ಟು ಹೆಚ್ಚು. ಇಂದು ನಾವು ಇದೇ ರೀತಿಯ ಸಾವಿನ ಸಂಖ್ಯೆಯನ್ನು ನಿರೀಕ್ಷಿಸಬಹುದು. ಈಗಾಗಲೇ ಅಸ್ತಿತ್ವದಲ್ಲಿರುವ ಹಲವಾರು ವೈರಸ್‌ಗಳಲ್ಲಿ ಒಂದರಿಂದ ಈ ಕಾಯಿಲೆ ಹರಡಬಹುದು’’ ಎಂದೂ ಅವರು ಹೇಳಿದರು.
ಇದನ್ನು ಓದಿ: ತೂಕ ಇಳಿಕೆ ಜತೆ ಹೃದಯದ ಆರೋಗ್ಯ ಉತ್ತಮವಾಗಿರಲು ಈ ಆಹಾರ ಸೇವಿಸಿ ಎಂದ ಸಂಶೋಧಕರು!
ಇನ್ನು, ಪ್ರಪಂಚವು ರೋಗ X ನಿಂದ ಆತಂಕವನ್ನು ನಿಭಾಯಿಸಬೇಕಾದರೆ, "ಜಗತ್ತು ಸಾಮೂಹಿಕ ವ್ಯಾಕ್ಸಿನೇಷನ್ ಡ್ರೈವ್‌ಗಳಿಗೆ ತಯಾರಿ ಮಾಡಬೇಕಾಗುತ್ತದೆ ಮತ್ತು ದಾಖಲೆಯ ಸಮಯದಲ್ಲಿ ಡೋಸ್‌ಗಳನ್ನು ನೀಡಬೇಕಾಗುತ್ತದೆ" ಎಂದು ಅವರು ಡೈಲಿ ಮೇಲ್‌ಗೆ ತಿಳಿಸಿದರು. ವಿಜ್ಞಾನಿಗಳು 25 ವೈರಸ್ ಕುಟುಂಬಗಳನ್ನು ಗುರುತಿಸಿದ್ದಾರೆ, ಆದರೆ ಒಂದು ಮಿಲಿಯನ್‌ಗಿಂತಲೂ ಹೆಚ್ಚು ಕಂಡುಹಿಡಿಯದ ರೂಪಾಂತರಗಳು ಇರಬಹುದು, ಅದು ಒಂದು ಜಾತಿಯಿಂದ ಇನ್ನೊಂದಕ್ಕೆ ನೆಗೆಯಬಹುದು ಎಂದು ತಜ್ಞರು ಹೇಳಿದರು.
"ಒಂದರ್ಥದಲ್ಲಿ, ನಾವು Covid-19 ನೊಂದಿಗೆ ಅದೃಷ್ಟಶಾಲಿಯಾಗಿದ್ದೇವೆ. ಇದು ಪ್ರಪಂಚದಾದ್ಯಂತ 20 ಮಿಲಿಯನ್ (2 ಕೋಟಿ) ಅಥವಾ ಅದಕ್ಕಿಂತ ಹೆಚ್ಚು ಸಾವುಗಳಿಗೆ ಕಾರಣವಾಗಿದ್ದರೂ ಸಹ ವೈರಸ್ ಸೋಂಕಿಗೆ ಒಳಗಾದ ಬಹುಪಾಲು ಜನರು ಚೇತರಿಸಿಕೊಂಡಿದ್ದಾರೆ. ಆದರೆ, ರೋಗ X ಅನ್ನು ಊಹಿಸಿ. ಎಬೋಲಾದ ಮಾರಣಾಂತಿಕ ಪ್ರಮಾಣದೊಂದಿಗೆ ದಡಾರದಂತೆ ಸಾಂಕ್ರಾಮಿಕವಾಗಿರಬಹುದು. ಪ್ರಪಂಚದ ಎಲ್ಲೋ, ಇದು ಪುನರಾವರ್ತನೆಯಾಗುತ್ತಿದೆ ಮತ್ತು ಬೇಗ ಅಥವಾ ಸ್ವಲ್ಪ ಲೇಟಾಗಿ, ಯಾರಾದರೂ ಅನಾರೋಗ್ಯಕ್ಕೆ ಒಳಗಾಗುತ್ತಾರೆ’’ ಎಂದೂ ಕೇಟ್ ಬಿಂಗ್‌ಹ್ಯಾಮ್ ಹೇಳಿದರು.
ಇದನ್ನೂ ಓದಿ: ಮಾರಣಾಂತಿಕ ಕ್ಯಾನ್ಸರ್‌ ಭೀತಿಯೇ? ಈ 8 ಆಹಾರ ಸೇವಿಸಿ ನಿಶ್ಚಿಂತರಾಗಿರಿ..!
ಎಬೋಲಾ ಸುಮಾರು 67 ಪ್ರತಿಶತದಷ್ಟು ಸಾವಿನ ಪ್ರಮಾಣವನ್ನು ಹೊಂದಿತ್ತು, ಮತ್ತು ಪಕ್ಷಿ ಜ್ವರ ಹಾಗೂ MERS ಸಹ ಹೆಚ್ಚಿನ ಸಂಖ್ಯೆಯ ಜನರನ್ನು ಕೊಂದಿದೆ. ಆದ್ದರಿಂದ ನಾವು ಖಂಡಿತವಾಗಿಯೂ ಮುಂದಿನ ಸಾಂಕ್ರಾಮಿಕ ರೋಗವನ್ನು ಸುಲಭವಾಗಿ ನಿಗ್ರಹಿಸಲು ಸಾಧ್ಯವಿಲ್ಲ ಎಂದೂ ಹೇಳಿದರು. ಹಾಗೆ, ಸಾಂಕ್ರಾಮಿಕ ರೋಗಗಳ ಸಂಖ್ಯೆ ಏಕೆ ಹೆಚ್ಚುತ್ತಿದೆ ಎಂಬುದನ್ನು ಕೇಟ್ ಬಿಂಗ್‌ಹ್ಯಾಮ್ ವಿವರಿಸಿದರು.
"ಸಾಂಕ್ರಾಮಿಕಗಳ ಹೆಚ್ಚಳವು ಆಧುನಿಕ ಜಗತ್ತಿನಲ್ಲಿ ವಾಸಿಸಲು ನಾವು ಪಾವತಿಸಬೇಕಾದ ಬೆಲೆಯಾಗಿದೆ. ಮೊದಲನೆಯದಾಗಿ, ಇದು ಜಾಗತೀಕರಣದ ಮೂಲಕ ಹೆಚ್ಚು ಸಂಪರ್ಕ ಹೊಂದಿದೆ. ಎರಡನೆಯದಾಗಿ, ಹೆಚ್ಚು ಹೆಚ್ಚು ಜನರು ನಗರಗಳಿಗೆ ತುರುಕುತ್ತಿದ್ದಾರೆ, ಅಲ್ಲಿ ಅವರು ಇತರರೊಂದಿಗೆ ನಿಕಟ ಸಂಪರ್ಕಕ್ಕೆ ಬರುತ್ತಾರೆ’’ ಎಂದು ಕೇಟ್ ಬಿಂಗ್‌ಹ್ಯಾಮ್ ಹೇಳಿದರು. ಅರಣ್ಯನಾಶ, ಆಧುನಿಕ ಕೃಷಿ ವಿಧಾನಗಳು ಮತ್ತು ಜೌಗು ಪ್ರದೇಶಗಳ ನಾಶದಿಂದಾಗಿ ವೈರಸ್‌ಗಳು ಒಂದು ಜಾತಿಯಿಂದ ಇನ್ನೊಂದಕ್ಕೆ ಜಿಗಿಯುತ್ತಿವೆ. WHO ಮೊದಲ ಬಾರಿಗೆ ಮೇ ತಿಂಗಳಲ್ಲಿ ತನ್ನ ವೆಬ್‌ಸೈಟ್‌ನಲ್ಲಿ ಡಿಸೀಸ್ ಎಕ್ಸ್ ಬಗ್ಗೆ ಪ್ರಸ್ತಾಪಿಸಿದೆ.
ಇದನ್ನೂ ಓದಿ: 17 ವೈದ್ಯರು ಕಂಡುಹಿಡಿಯಲಾಗದ 3 ವರ್ಷದ ನೋವನ್ನು ಕೆಲ ಹೊತ್ತಲ್ಲೇ ಪತ್ತೆಹಚ್ಚಿದ ಚಾಟ್‌ಜಿಪಿಟಿ!
