ಕೊರೋನಾ ಲಸಿಕೆ; ಭಾರತೀಯರಿಗೆ ಸಿಹಿ ಸುದ್ದಿ ಕೊಟ್ಟ ರಷ್ಯಾ

ನವದೆಹಲಿ(ಸೆ. 16)  ಕೊರೋನಾಕ್ಕೆ ಲಸಿಕೆ ಬಂತಾ, ರಷ್ಯಾದವರು ಕಂಡುಹಿಡಿದ್ರಾ? ಇದು ಎಲ್ಲರ ಪ್ರಶ್ನೆ.  ಈ ವರ್ಷದ ಅಂತ್ಯಕ್ಕೆ ಲಸಿಕೆ ಬರುತ್ತದೆ.. ಇಲ್ಲ ಸಾಧ್ಯವೇ ಇಲ್ಲ ಎಂಬ ಸುದ್ದಿಗಳು ಇವೆ. ಅದೆಲ್ಲದರ ನಡುವೆ ಇಲ್ಲೊಂದು ಸುದ್ದಿ ಇದೆ.

ರಷ್ಯಾದ ಸಾವರಿನ್ ಹೆಲ್ತ್ ಫಂಡ್ ಭಾರತದ  ಕಂಪನಿಯೊಂದಕ್ಕೆ ಸ್ಪುಟ್ನಿಕ್ V ಲಸಿಕೆಯ 100 ಮಿಲಿಯನ್ ಡೋಸ್‌ಗಳನ್ನು ನೀಡುವುದಾಗಿ ತಿಳಿಸಿದೆ. 

 ಭಾರತದಲ್ಲಿ ಎರಡು ಸಂಸ್ಥೆಗಳು ಜಂಟಿಯಾಗಿ ಲಸಿಕೆಯ ಕ್ಲಿನಿಕಲ್ ಟ್ರಯಲ್ ನಡೆಸಲಿವೆ.

ರಷ್ಯಾದ ಡೈರೆಕ್ಟ್ ಇನ್ವೆಸ್ಟ್ಮೆಂಟ್ ಫಂಡ್ ಕಜಕಿಸ್ತಾನ, ಬ್ರೆಜಿಲ್, ಮೆಕ್ಸಿಕೋ ಜತೆ ಒಪ್ಪಂದ ಮಾಡಿಕೊಂಡಿದೆ. 

ಎಲ್ಲ ದೇಶಗಳಿಗೆ ಸೇರಿ 300 ಮಿಲಿಯನ್ ಸ್ಪುಟ್ನಿಕ್ V ಲಸಿಕೆಯನ್ನು ನೀಡುವುದಾಗಿ ರಷ್ಯಾ ಹೇಳಿದೆ. 

ರಷ್ಯಾದ ಪ್ರಯೋಗಕ್ಕೆ ಆರಂಭಿಕ ಯಶಸ್ಸು ಸಿಕ್ಕಿದ್ದರೂ ಇನ್ನು ಪೂರ್ಣ  ಪ್ರಕಟಣೆ ಹೊರಬಂದಿಲ್ಲ.

ಫೇಸ್‌ 3 ಟ್ರಯಲ್‌ನಲ್ಲಿ 40 ಸಾವಿರ ಸ್ವಯಂಸೇವಕರು ಪಾಲ್ಗೊಳ್ಳಲಿದ್ದಾರೆ.

ಕೊರೋನಾಕ್ಕೆ ಲಸಿಕೆ ಕಂಡುಹಿಡಿದಿದ್ದೇವೆ ಎಂದು ಮೊಟ್ಟ ಮೊದಲನೆಯದಾಗಿ ರಷ್ಯಾ ಹೇಳಿಕೊಂಡಿತ್ತು.

ರಷ್ಯಾದಲ್ಲಿ ಮೂರನೇ ಹಂತದ ಲಸಿಕಾ ಪ್ರಯೋಗ ಚಾಲ್ತಿಯಲ್ಲಿದ್ದು ಅಂತಿಮ ವರದಿ ಬರಬೇಕಾಗಿದೆ.