9/11 Terror Attack: ದಾಳಿಯ ಭೀಕರತೆ ತಿಳಿಸುತ್ತವೆ ಗ್ರೌಂಡ್ ಝೀರೋನ ಈ 10 ಚಿತ್ರಗಳು!
9/11 ವಿಶ್ವದ ಇತಿಹಾಸದಲ್ಲೇ ಅತ್ಯಂತ ಭೀಕರ ದಿನವಾಗಿ ದಾಖಲಾಗಿದೆ. ಭಯೋತ್ಪಾದನೆಯ ಬಗ್ಗೆ ಪ್ರಪಂಚದ ದೃಷ್ಟಿಕೋನ ಬದಲಾಯಿಸಿದ ದಿನವದು. ಅಮೆರಿಕವನ್ನೇ ಬದಲಾಯಿಸಿದ ಹಾಗೂ ವಿಶ್ವದ ಕುಖ್ಯಾತ ಭಯೋತ್ಪಾದಕ ಬಿನ್ ಲಾಡೆನ್ ಸಾವಿಗೆ ಕ್ಷಣಗಣನೆ ಆರಂಭವಾದ ದಿನ. ಹೌದು. ಅಮೆರಿಕದಲ್ಲಿ ಭಯೋತ್ಪಾದಕ ದಾಳಿ ನಡೆದ ದಿನವಿದು. ಈ ಭಯೋತ್ದಾದಕ ದಾಳಿಗೆ ಬರೋಬ್ಬರಿ 2,996 ಜನರನ್ನು ಬಲಿಯಾಗಿದ್ದರು. ಈ ಉಗ್ರ ದಾಳಿ ನಡೆಸಲು ಅಲ್ ಖೈದಾ 19 ಭಯೋತ್ಪಾದಕರನ್ನು ನೇಮಿಸಿ, 4 ವಿಮಾನಗಳನ್ನು ಅಪಹರಿಸಿತ್ತು. ಸೆಪ್ಟೆಂಬರ್ 11 ರ ಬೆಳಿಗ್ಗೆ 8.46 ಮತ್ತು 10.28 ರ ನಡುವೆ ಎರಡು ವಿಮಾನಗಳು ವಿಶ್ವ ವ್ಯಾಪಾರ ಕೇಂದ್ರದ(WTC) ಟವರ್ ಗಳಿಗೆ ಡಿಕ್ಕಿ ಹೊಡೆದವು. ಮೂರನೆಯದು ಪೆಂಟಗನ್‌ನಿಂದ ಮತ್ತು ನಾಲ್ಕನೇ ವಿಮಾನ ಪೆನ್ಸಿಲ್ವೇನಿಯಾದಲ್ಲಿ ಪತನಗೊಂಡಿತ್ತು. ಜಾರ್ಜ್ ಡಬ್ಲ್ಯು ಬುಷ್ ಆಗ ಅಮೆರಿಕದ ಅಧ್ಯಕ್ಷರಾಗಿದ್ದರು. ಹೀಗಿರುವಾಗ 9/11 ದಾಳಿಯ ಹಲವು ಚಿತ್ರಗಳು ಬೆಳಕಿಗೆ ಬಂದಿದ್ದವು, ಆದರೆ ಗ್ರೌಂಡ್ ಐಈರೋ ಫೋಟೋಗಳನ್ನು ನೋಡಿದವರು ಕೆಲವರಷ್ಟೇ. ಹೀಗಿರುವಾಗ ಈ ದಾಳಿಯ ಭೀಕರತೆ ತಿಳಿಸಿಕೊಡುವ 10 ಚಿತ್ರಗಳು ಇಲ್ಲಿವೆ ನೋಡಿ.
ಸೆಪ್ಟೆಂಬರ್ 11, 2001 ರ ಭಯೋತ್ಪಾದಕ ದಾಳಿಯ ಮರುದಿನ ಬೆಳಿಗ್ಗೆ. ನ್ಯೂಯಾರ್ಕ್ ನಗರದಲ್ಲಿ ದಾಳಿಯ ನಂತರ ಮೊದಲ ಸೂರ್ಯೋದಯ. ಸೂರ್ಯನ ಕಿರಣಗಳು ಕೂಡ ಭೂಮಿಯನ್ನು ಸರಿಯಾಗಿ ತಲುಪಲು ಸಾಧ್ಯವಾಗದಷ್ಟು ಹೊಗೆ ತುಂಬಿತ್ತು. ನ್ಯೂಜೆರ್ಸಿಯ ಜರ್ಸಿ ಸಿಟಿಯಿಂದ ತೆಗೆಚ ಫೋಟೋ ಇದು. ಫೋಟೋ ತೆಗೆದವರು ಗ್ಯಾರಿ ಹರ್ಷನ್
ಈ ಚಿತ್ರ 2001 ಸೆಪ್ಟೆಂಬರ್ 13ರದ್ದಾಗಿದೆ. ನ್ಯೂಯಾರ್ಕ್ ನಗರದ ವಿಶ್ವ ವ್ಯಾಪಾರ ಕೇಂದ್ರದ ಅವಶೇಷಗಳಲ್ಲಿ ರಕ್ಷಣಾ ತಂಡಗಳು. ಈ ಫೋಟೋವನ್ನು ಮಾರಿಯೋ ತಮಾ ತೆಗೆದಿದ್ದಾರೆ.
ವಿಶ್ವ ವ್ಯಾಪಾರ ಕೇಂದ್ರದ ಮೇಲಿನ 9/11 ದಾಳಿಯ ಬಳಿಕ ಧೂಳಿನಿಂದ ತೊಯ್ದ ಬಟ್ಟೆಗಳು. ಬ್ರಾಡ್ವೇ ಮತ್ತು ಜಾನ್ ಸೇಂಟ್‌ನಲ್ಲಿರುವ ಚೆಲ್ಸಿಯಾ ಜೀನ್ಸ್ ಸ್ಟೋರ್‌ ಕಿಟಕಿಗಳು ದಾಳಿಯ ಬಳಿ ಛಿದ್ರ ಛಿದ್ರಗೊಂಡಿದ್ದವು. ಹೀಗಿರುವಾಗ ದಾಳಿಯಿಂದ ಬಟ್ಟೆಗಳು ಧೂಳಿನಿಂದ ಕೂಡಿದ್ದವು.
ಇದು ದಾಳಿ ನಡೆದ ಒಂದು ತಿಂಗಳ ಬಳಿಕದ ಫೋಟೋ. 18 ಅಕ್ಟೋಬರ್ 2001 ರಂದು ತೆಗೆದ ಈ ಫೋಟೋ ವರ್ಲ್ಡ್ ಟ್ರೇಡ್ ಸೆಂಟರ್ ನದ್ದಾಗಿದೆ. ಒಂದು ತಿಂಗಳ ಬಳಿಕವೂ ಇಲ್ಲಿ ಅವಶೇಷಗಳನ್ನು ತೆರವುಗೊಳಿಸುವ ಕಾರ್ಯ ನಡೆಯುತ್ತಿತ್ತು.
ದಾಳಿ ನಡೆದ ದಿನ ತೆಗೆದ ಚಿತ್ರವಿದು. ವಿಮಾನಗಳು ಟವರ್‌ಗಳಿಗೆ ಅಪ್ಪಳಿಸಿದ ಬಳಿಕ ವ್ಯಕ್ತಿಯೊಬ್ಬ ತನ್ನ ಪ್ರಾಣ ಉಳಿಸಿಕೊಳ್ಳಲು ಕಟ್ಟಡದಿಂದ ಜಿಗಿದಿದ್ದ. ಫೋಟೋ ತೆಗೆದವರು ಜೋಸ್ ಜಿಮೆನೆಜ್ ಮತ್ತು ಪ್ರೈಮೆರಾ ಹೋರಾ.
ಸೆಪ್ಟೆಂಬರ್ 11 ರ ದಾಳಿ ಬಳಿಕ, ಜನರು ಎಷ್ಟು ಆತಂಕಕ್ಕೊಳಗಾಗಿದ್ದರೆಂಬುವುದನ್ನು ಈ ಚಿತ್ರದಿಂದ ಅಳೆಯಬಹುದು. ವಿಮಾನ ಕಟ್ಟಡವನ್ನು ಅಪ್ಪಳಿಸಿ, ವಿಶ್ವ ವ್ಯಾಪಾರ ಕೇಂದ್ರದ ಉತ್ತರ ಗೋಪುರ ಕುಸಿದ ನಂತರ ಜನರು ದಿಕ್ಕೆಟ್ಟು ಓಡಿದ ಕ್ಷಣ. ಫೋಟೋ ತೆಗೆದವರು ಜೋಸ್ ಜಿಮೆನೆಜ್ ಮತ್ತು ಪ್ರೈಮೆರಾ ಹೋರಾ.
ಸೆಪ್ಟೆಂಬರ್ 11 ಭಯೋತ್ಪಾದಕ ದಾಳಿಯ ಸಮಯದಲ್ಲಿ ರಕ್ಷಣಾ ಕಾರ್ಯದಲ್ಲಿ ತೊಡಗಿದ್ದ ಅಗ್ನಿಶಾಮಕ ಸಿಬ್ಬಂದಿ. ವಿಶ್ವ ವ್ಯಾಪಾರ ಕೇಂದ್ರದ ಕುಸಿತದ ನಂತರ ಗಾಯಗೊಂಡವರ ಸ್ಥಳಾಂತರ.
ವಿಶ್ವ ವ್ಯಾಪಾರ ಕೇಂದ್ರದ ಟವರ್‌ಗಳಿಗೆ ವಿಮಾನಗಳು ಅಪ್ಪಳಿಸಿದ ನಂತರ ಪೊಲೀಸ್ ಸ್ಕೂಟರ್ ಅವಶೇಷಗಳಲ್ಲಿ ಹೂತು ಹೋಗಿತ್ತು. ಭಯೋತ್ಪಾದಕರ ದಾಳಿಯ ನಂತರ ಎರಡೂ ಕಟ್ಟಡಗಳು ಕುಸಿದಿದ್ದು, ಒಂದು ಗೋಪುರದ ಅವಶೇಷಗಳನ್ನು ಎಡಭಾಗದಲ್ಲಿ ಕಾಣಬಹುದು. ಈ ಫೋಟೋವನ್ನು ಡಾಗ್ ಕ್ಯಾಂಟರ್ ತೆಗೆದಿದ್ದಾರೆ.
ವಿಶ್ವ ವ್ಯಾಪಾರ ಕೇಂದ್ರದ ಮೇಲಿನ ದಾಳಿಯ ಬಳಿಕ ಮೃತ ದೇಹಗಳ ರಾಶಿ. ಆ ಸಮಯದಲ್ಲಿ ಆಸ್ಪತ್ರೆಗಳ ಸ್ಥಿತಿ ಹೇಗಿತ್ತು ಎಂಬುದನ್ನು ಈ ಚಿತ್ರ ಹೇಳುತ್ತದೆ. ಈ ಫೋಟೋವನ್ನು ಗ್ರಹಾಂ ಮಾರಿಸನ್ ತೆಗೆದಿದ್ದಾರೆ.
ಇದು ದಾಳಿಯ ನಂತರದ ಸ್ಯಾಟಲೈಟ್‌ ಚಿತ್ರವಾಗಿದೆ, ಇದರಲ್ಲಿ ಭಯೋತ್ಪಾದಕ ದಾಳಿಯ ನಂತರ ಪರಿಸ್ಥಿತಿ ಏನು ಎಂಬುದು ಸ್ಪಷ್ಟವಾಗಿ ಗೋಚರಿಸುತ್ತದೆ. ಚಿತ್ರ ತೆಗೆದದ್ದು ಬೆಳಿಗ್ಗೆ 11.43 ಕ್ಕೆ. ಆ ಸಮಯದಲ್ಲಿ ಉಪಗ್ರಹದಿಂದಲೂ ದಾಳಿ ನಡೆದ ಸ್ಥಳ ಸ್ಪಷ್ಟವಾಗಿ ಕಾಣುತ್ತಿತ್ತು.
