ಕೇಬಲ್ ಬೇಡ, ಸೆಟ್ ಟಾಪ್ ಬಾಕ್ಸ್ ಬೇಕಿಲ್ಲ; BSNLನಿಂದ 500 ಉಚಿತ ಚಾನೆಲ್ ಟಿವಿ ಸರ್ವೀಸ್!

ಸರ್ಕಾರಿ ಸ್ವಾಮ್ಯದ BSNL ಹೊಸ ಸೇವೆಯನ್ನ ಪ್ರಾರಂಭಿಸಿದೆ. ಕೇಬಲ್ ಟಿವಿ ಬೇಕಾಗಿಲ್ಲ. ಸೆಟ್-ಟಾಪ್ ಬಾಕ್ಸ್ ಅವಶ್ಯಕತೆ ಇಲ್ಲ. 500 ಟಿವಿ ಚಾನೆಲ್‌ಗಳು ಮತ್ತು OTT ಅಪ್ಲಿಕೇಶನ್‌ಗಳೊಂದಿಗೆ BSNL ಉಚಿತ ಟಿವಿ ಸೇವೆಯನ್ನ ಪ್ರಾರಂಭಿಸುತ್ತಿದೆ. 

BSNL IFTV

BSNL ಉಚಿತ ಟಿವಿ ಸೇವೆ: BSNL ತನ್ನ ಬಳಕೆದಾರರಿಗೆ ಗೂಡ್ ನ್ಯೂಸ್ ನೀಡಿದೆ. ಕೇಬಲ್ ಟಿವಿ ಅಥವಾ ಸೆಟ್-ಟಾಪ್ ಬಾಕ್ಸ್‌ಗಳ ಅಗತ್ಯವಿಲ್ಲದೆ, 500 ಟಿವಿ ಚಾನೆಲ್‌ಗಳು ಮತ್ತು OTT ಅಪ್ಲಿಕೇಶನ್‌ಗಳೊಂದಿಗೆ ಉಚಿತ ಟಿವಿ ಸೇವೆಯನ್ನ ಪ್ರಾರಂಭಿಸಿದೆ. ಗೇಮಿಂಗ್ ಆಯ್ಕೆಗಳ ಜೊತೆಗೆ, Amazon Prime Video, Disney+ Hotstar, Netflix, YouTube, ಮತ್ತು Zee5 ನಂತಹ ಜನಪ್ರಿಯ OTT ಪ್ಲಾಟ್‌ಫಾರ್ಮ್‌ಗಳು ಸಹ ಲಭ್ಯವಿರುತ್ತವೆ ಎಂದು BSNL ಸ್ಪಷ್ಟಪಡಿಸಿದೆ.

ಇತ್ತೀಚೆಗೆ BSNL ದೇಶದ ಮೊದಲ ಫೈಬರ್ ಆಧಾರಿತ ಇಂಟ್ರಾನೆಟ್ ಟಿವಿ ಸೇವೆಯನ್ನ ಪ್ರಾರಂಭಿಸಿದೆ, ಇದನ್ನ IFTV ಎಂದೂ ಕರೆಯುತ್ತಾರೆ. ಇದು ದೇಶದ ಆಯ್ದ ಪ್ರದೇಶಗಳಲ್ಲಿ ಲಭ್ಯವಿದ್ದು, ಶೀಘ್ರದಲ್ಲೇ ಎಲ್ಲಾ ಪ್ರದೇಶಗಳಿಗೂ ವಿಸ್ತರಿಸಲಾಗುವುದು ಎಂದು ತಿಳಿಸಿದೆ.
ಫೈಬರ್-ಟು-ದಿ-ಹೋಮ್ (FTTH) ಚಂದಾದಾರರಿಗಾಗಿ BSNL ಹೊಸ ಲೋಗೋದೊಂದಿಗೆ ಆರು ಹೊಸ ಸೇವೆಗಳನ್ನ ಪ್ರಾರಂಭಿಸಿದೆ. ಈ ಹೊಸ ಸೇವೆಗಳ ಜೊತೆಗೆ IFTV ಯನ್ನೂ ಪರಿಚಯಿಸಿದೆ.

IFTTV ವಿವಿಧ ರೀತಿಯ ಲೈವ್ ಚಾನೆಲ್‌ಗಳಿಗೆ ಪ್ರವೇಶವನ್ನ ಒದಗಿಸುತ್ತದೆ. BSNL ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡ ಮಾಹಿತಿಯ ಪ್ರಕಾರ, ಈ IFTV ಸೇವೆಯಲ್ಲಿ 500 ಕ್ಕೂ ಹೆಚ್ಚು ಲೈವ್ ಚಾನೆಲ್‌ಗಳನ್ನ ವೀಕ್ಷಿಸಬಹುದು. ಆದರೆ ಅದರ ಅಧಿಕೃತ ವೆಬ್‌ಸೈಟ್ ಮಧ್ಯಪ್ರದೇಶ ಮತ್ತು ತಮಿಳುನಾಡಿನ ಗ್ರಾಹಕರಿಗೆ ಮಾತ್ರ 300 ಕ್ಕೂ ಹೆಚ್ಚು ಚಾನೆಲ್‌ಗಳು ಲಭ್ಯವಿವೆ ಎಂದು ತಿಳಿಸಿದೆ.
IFTTV ಬಳಕೆದಾರರಿಗೆ ಸ್ಪಷ್ಟ ದೃಶ್ಯಗಳೊಂದಿಗೆ ಪೇ ಟಿವಿ ಸೌಲಭ್ಯದೊಂದಿಗೆ ಲೈವ್ ಟಿವಿ ಸೇವೆಗಳನ್ನ ಒದಗಿಸಲು BSNL ತನ್ನ ಫೈಬರ್-ಟು-ದಿ-ಹೋಮ್ (FTTH) ನೆಟ್‌ವರ್ಕ್‌ ಅನ್ನು ಬಳಸುತ್ತದೆ. BSNL ತನ್ನ ರಾಷ್ಟ್ರೀಯ Wi-Fi ರೋಮಿಂಗ್ ಸೇವೆಯನ್ನ ಪ್ರಾರಂಭಿಸಿದ ನಂತರ ಈ ಸೇವೆಯನ್ನ ಪ್ರಾರಂಭಿಸಿದೆ, ಇದು BSNL ಗ್ರಾಹಕರಿಗೆ ದೇಶಾದ್ಯಂತ BSNL ಹಾಟ್‌ಸ್ಪಾಟ್‌ಗಳಲ್ಲಿ ತಮ್ಮ ಡೇಟಾ ದರವನ್ನ ಲೆಕ್ಕಿಸದೆ ಹೈ-ಸ್ಪೀಡ್ ಇಂಟರ್ನೆಟ್ ಅನ್ನು ಪ್ರವೇಶಿಸಲು ಅನುಮತಿಸುತ್ತದೆ.

BSNL

X ನಲ್ಲಿನ ಒಂದು ಪೋಸ್ಟ್‌ನಲ್ಲಿ, BSNL ತನ್ನ ಹೊಸ IFTV ಸೇವೆಗಳು ಮಧ್ಯಪ್ರದೇಶ ಮತ್ತು ತಮಿಳುನಾಡಿನ ಗ್ರಾಹಕರಿಗೆ ಉತ್ತಮ ಸ್ಟ್ರೀಮಿಂಗ್ ಗುಣಮಟ್ಟದೊಂದಿಗೆ 500 ಕ್ಕೂ ಹೆಚ್ಚು ಲೈವ್ ಟಿವಿ ಚಾನೆಲ್‌ಗಳನ್ನ ಆನಂದಿಸಲು ಅನುವು ಮಾಡಿಕೊಡುತ್ತದೆ ಎಂದು ತಿಳಿಸಿದೆ. ಜೊತೆಗೆ, ಇದು ಪೇ ಟಿವಿ ಕಂಟೆಂಟ್ ಅನ್ನು ಸಹ ಒದಗಿಸುತ್ತದೆ ಎಂದು ಹೇಳಿದೆ.
ರಿಲಯನ್ಸ್ ಜಿಯೋ ಮತ್ತು ಭಾರ್ತಿ ಏರ್‌ಟೆಲ್ ನೀಡುವ ಇತರ ಲೈವ್ ಟಿವಿ ಸೇವೆಗಳಿಗಿಂತ ಭಿನ್ನವಾಗಿ, ಸ್ಟ್ರೀಮಿಂಗ್‌ಗಾಗಿ ಬಳಸುವ ಡೇಟಾಗೆ ಯಾವುದೇ ಕಡಿತವಿರುವುದಿಲ್ಲ. BSNL IFTV ವಿಷಯದಲ್ಲಿ ಡೇಟಾಗೆ ಯಾವುದೇ ಶುಲ್ಕವಿರುವುದಿಲ್ಲ ಎಂದು ಹೇಳಬಹುದು.

ಟಿವಿ ಸ್ಟ್ರೀಮಿಂಗ್‌ಗಾಗಿ ಬಳಸುವ ಡೇಟಾ ಅವರ ಡೇಟಾ ಪ್ಯಾಕ್‌ಗಳಿಂದ ಪ್ರತ್ಯೇಕವಾಗಿರುತ್ತದೆ ಮತ್ತು FTTH ಪ್ಯಾಕ್‌ನಿಂದ ಕಡಿತಗೊಳಿಸಲಾಗುವುದಿಲ್ಲ ಎಂದು BSNL ಹೇಳಿದೆ. ಅಂದರೆ ಇದು ಸ್ಟ್ರೀಮಿಂಗ್‌ಗಾಗಿ ಅನಿಯಮಿತ ಡೇಟಾವನ್ನ ಒದಗಿಸುತ್ತದೆ. ಲೈವ್ ಟಿವಿ ಸೇವೆ BSNL FTTH ಗ್ರಾಹಕರಿಗೆ ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ಲಭ್ಯವಿರುತ್ತದೆ ಎಂದು ತಿಳಿಸಿದೆ.
ಇದು Amazon Prime Video, Disney+ Hotstar, Netflix, YouTube, ಮತ್ತು ZEE5 ನಂತಹ ಜನಪ್ರಿಯ OTT ಪ್ಲಾಟ್‌ಫಾರ್ಮ್‌ಗಳು ಮತ್ತು ಸ್ಟ್ರೀಮಿಂಗ್ ಅಪ್ಲಿಕೇಶನ್‌ಗಳನ್ನೂ ಬೆಂಬಲಿಸುತ್ತದೆ ಎಂದು BSNL ತಿಳಿಸಿದೆ.

ಇನ್ನೊಂದು ವಿಶೇಷವೆಂದರೆ ಇದು ಗೇಮ್‌ಗಳನ್ನೂ ಒದಗಿಸುತ್ತದೆ. ಗೇಮಿಂಗ್ ಪ್ರಿಯರಿಗೆ ಇದು ಒಳ್ಳೆಯ ಸುದ್ದಿ. ಪ್ರಸ್ತುತ, IFTV ಸೇವೆಗಳು ಆಂಡ್ರಾಯ್ಡ್ ಟಿವಿಗಳಿಗೆ ಮಾತ್ರ ಲಭ್ಯವಿವೆ. ಆಂಡ್ರಾಯ್ಡ್ 10 ಅಥವಾ ನಂತರದ ಆವೃತ್ತಿಯಲ್ಲಿ ಕಾರ್ಯನಿರ್ವಹಿಸುವ ಟಿವಿಗಳನ್ನು ಹೊಂದಿರುವ ಬಳಕೆದಾರರು Google Play Store ನಿಂದ BSNL ಲೈವ್ ಟಿವಿ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬಹುದು ಎಂದು ಸೂಚಿಸಿದೆ. ಈ ಸೇವೆಗಳನ್ನ ಬಳಸಲು, ನೀವು Play Store ನಲ್ಲಿ ಲಭ್ಯವಿರುವ BSNL ಸೆಲ್ಫ್‌ಕೇರ್ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಿ ಮತ್ತು ಅದರ ಮೂಲಕ ನೋಂದಾಯಿಸಿಕೊಳ್ಳಬಹುದು.