ಕೇರಳದಲ್ಲಿ ₹2 ಕೋಟಿ ಬೋಟ್ ಹೌಸ್ ಖರೀದಿಸಿದ ರಾಜಾ-ರಾಣಿ ಖ್ಯಾತಿಯ ಸೀರಿಯಲ್ ನಟಿ

ಚಿಕ್ಕ ಪರದೆಯ ಧಾರಾವಾಹಿಗಳಲ್ಲಿ ನಟಿಸಿ ಖ್ಯಾತಿ ಪಡೆದವರು ಆಲ್ಯಾ ಮಾನಸಾ. ವಿಜಯ್ ಟಿವಿಯಲ್ಲಿ ಪ್ರಸಾರವಾದ ರಾಜಾ ರಾಣಿ ಧಾರಾವಾಹಿ ಮೂಲಕ ಮನೆಮಾತಾದರು. ಆ ಧಾರಾವಾಹಿಯಲ್ಲಿ ನಟಿಸುವಾಗಲೇ ಆಲ್ಯಾ ಮಾನಸಾ ಮತ್ತು ಸಂಜೀವ್ ನಡುವೆ ಪ್ರೀತಿ ಶುರುವಾಯಿತು. ಧಾರಾವಾಹಿ ಜೋಡಿಯಾಗಿದ್ದ ಇವರು ನಿಜ ಜೀವನದಲ್ಲೂ ಜೋಡಿಯಾದರು. ಈ ಜೋಡಿ 2019 ರಲ್ಲಿ ಮದುವೆಯಾಯಿತು.

ಮದುವೆಯ ನಂತರ ಮಕ್ಕಳಾದ ಕಾರಣ ಕೆಲವು ವರ್ಷಗಳ ಕಾಲ ಧಾರಾವಾಹಿಗಳಿಂದ ದೂರವಿದ್ದ ಆಲ್ಯಾ ಮಾನಸಾ, 2022 ರಲ್ಲಿ ವಿಜಯ್ ಟಿವಿಯಿಂದ ಸನ್ ಟಿವಿಗೆ ಬಂದರು. ಸನ್ ಟಿವಿಯಲ್ಲಿ ಪ್ರಸಾರವಾದ ಇನಿಯಾ ಎಂಬ ಧಾರಾವಾಹಿಯಲ್ಲಿ ನಾಯಕಿಯಾಗಿ ನಟಿಸಿದರು. ಅದೇ ರೀತಿ ಸಂಜೀವ್ ಕೂಡ ಸನ್ ಟಿವಿಯಲ್ಲಿ ಕಯಲ್ ಎಂಬ ಧಾರಾವಾಹಿಯಲ್ಲಿ ನಾಯಕನಾಗಿ ನಟಿಸಲು ಆಯ್ಕೆಯಾದರು. ಆ ಧಾರಾವಾಹಿ ಈಗ ಟಿಆರ್‌ಪಿಯಲ್ಲಿ ಧೂಳೆಬ್ಬಿಸುತ್ತಿದೆ.

ಚಿಕ್ಕ ಪರದೆಯಲ್ಲಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಆಲ್ಯಾ ಮಾನಸಾ ಕೂಡ ಒಬ್ಬರು. ದಿನಕ್ಕೆ 50 ಸಾವಿರ ರೂಪಾಯಿ ಸಂಭಾವನೆ ಪಡೆಯುತ್ತಾರಂತೆ. ಚಿಕ್ಕ ಪರದೆಯ ಮೂಲಕ ಚೆನ್ನಾಗಿ ಸಂಪಾದಿಸುತ್ತಿರುವ ಸಂಜೀವ್ - ಆಲ್ಯಾ ಮಾನಸಾ ಜೋಡಿ, ಇತ್ತೀಚೆಗೆ ಚೆನ್ನೈನಲ್ಲಿ ಕೋಟಿಗಟ್ಟಲೆ ವೆಚ್ಚದಲ್ಲಿ ತಮ್ಮ ಸ್ವಂತ ಮನೆ ಕಟ್ಟಿಸಿ ಅದರಲ್ಲಿ ವಾಸಿಸುತ್ತಿದ್ದಾರೆ.

ಸಿನಿಮಾ ಮತ್ತು ಚಿಕ್ಕ ಪರದೆಯ ತಾರೆಯರು ಹೆಚ್ಚಿನ ಸಂಭಾವನೆ ಪಡೆಯುವುದರಿಂದ ಅದನ್ನು ಯಾವುದಾದರೂ ವ್ಯವಹಾರದಲ್ಲಿ ಹೂಡಿಕೆ ಮಾಡುವುದು ವಾಡಿಕೆ. ಆ ರೀತಿ ನಟಿ ಆಲ್ಯಾ ಮಾನಸಾ ಕೂಡ ಈಗ ಹೊಸ ವ್ಯವಹಾರವನ್ನು ಆರಂಭಿಸಿ ಅದರಿಂದ ಉತ್ತಮ ಆದಾಯ ಗಳಿಸುತ್ತಿದ್ದಾರೆ.

ಕೇರಳದ ಆಲಪ್ಪುಳದಲ್ಲಿ ದೋಣಿ ಮನೆಗಳು ಬಹಳ ಪ್ರಸಿದ್ಧ. ಅಲ್ಲಿನ ದೋಣಿ ಮನೆಗಳಲ್ಲಿ ರಜೆ ಕಳೆಯಲು ಭಾರತ ಮಾತ್ರವಲ್ಲದೆ ವಿಶ್ವದ ಹಲವು ದೇಶಗಳ ಜನರು ಆಲಪ್ಪುಳಕ್ಕೆ ಭೇಟಿ ನೀಡುತ್ತಾರೆ. ದೋಣಿ ಮನೆಯಲ್ಲಿ ಒಂದು ದಿನ ತಂಗಲು ಸಾವಿರಾರು ರೂಪಾಯಿ ವಸೂಲಿ ಮಾಡಲಾಗುತ್ತದೆ.

ಆ ರೀತಿ ಆಲ್ಯಾ ಮಾನಸಾ ಕೂಡ ಈಗ ಸ್ವಂತ ದೋಣಿ ಮನೆ ಖರೀದಿಸಿದ್ದಾರಂತೆ. ಆ ದೋಣಿ ಮನೆಯ ಬೆಲೆ 2 ಕೋಟಿ ರೂಪಾಯಿಗಳಂತೆ. ಅದರಲ್ಲಿ ಆಧುನಿಕ ಸೌಲಭ್ಯಗಳನ್ನು ಹೊಂದಿರುವ ಮಲಗುವ ಕೋಣೆಗಳು, ಭವ್ಯವಾದ ಊಟದ ಹಾಲ್, ಡಿಜೆ ಹೀಗೆ ಎಲ್ಲಾ ಸೌಲಭ್ಯಗಳಿವೆ. ಹೊಸ ವ್ಯವಹಾರ ಆರಂಭಿಸಿರುವ ಆಲ್ಯಾ ಮಾನಸಾಗೆ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ.