ಶೀಘ್ರದಲ್ಲೇ ಮುಗಿಯುತ್ತಂತೆ ಝೀ ಕನ್ನಡದ ಈ ಜನಪ್ರಿಯ ಧಾರಾವಾಹಿ?!

ಸೀರಿಯಲ್ ಅಭಿಮಾನಿಗಳಿಗೆ ಒಂದು ಶಾಕಿಂಗ್ ನ್ಯೂಸ್ ಇಲ್ಲಿದೆ. ಝೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ಸೀರಿಯಲ್ ಇನ್ನೇನು ಕೊನೆಯಾಗಲಿದೆ ಎನ್ನುವ ಸುದ್ದಿ ಬಂದಿದೆ. ಯಾವ ಸೀರಿಯಲ್ ನೋಡಿ.  

ಝೀ ಕನ್ನಡದಲ್ಲಿ (Zee Kannada) ಪ್ರಸಾರವಾಗುತ್ತಿರುವ ಪ್ರತಿಯೊಂದು ಸೀರಿಯಲ್ಸ್ ತಮ್ಮ ವಿಭಿನ್ನ ಕಥೆಯ ಮೂಲಕ ಪ್ರೇಕ್ಷಕರನ್ನು ಸೆರೆ ಹಿಡಿಯುವಲ್ಲಿ ಗೆದ್ದಿದೆ. ಎಲ್ಲಾ ಸೀರಿಯಲ್‌ಗಳನ್ನೂ ಸಹ ಜನರು ಇಷ್ಟ ಪಟ್ಟು ಮನೆಮಂದಿಯೆಲ್ಲಾ ಜೊತೆಯಾಗಿ ಕೂತು ನೋಡುವಂತಹ ಕಥೆ ಹೊಂದಿರುವ ಸೀರಿಯಲ್ಸ್. 

ನೀವು ಸಹ ಝೀ ಕನ್ನಡದ ಸೀರಿಯಲ್ ಪ್ರೇಮಿಯಾಗಿದ್ರೆ, ನಿಮಗೊಂದು ಶಾಕಿಂಗ್ ನ್ಯೂಸ್ ಇಲ್ಲಿದೆ. ಝೀ ಕನ್ನಡದಲಿ ಪ್ರಸಾರವಾಗಲಿರುವ ಜನಪ್ರಿಯ ಧಾರಾವಾಹಿಯೊಂದು ಶೀಘ್ರದಲ್ಲಿ ಕೊನೆಯಾಗಲಿರುವ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಆ ಸೀರಿಯಲ್ ಬೇರ್ಯಾವುದೂ ಅಲ್ಲ ಸತ್ಯ ಧಾರಾವಾಹಿ (Sathya Serial). 

ಹೌದು 2020 ರಲ್ಲಿ ಪ್ರಸಾರ ಆರಂಭವಾಗಿ ಕಳೆದ ನಾಲ್ಕು ವರ್ಷಗಳಿಂದ ಜನರಿಗೆ ಅತ್ಯದ್ಭುತ ಮನರಂಜನೆ ನೀಡುತ್ತಿರುವ ಧಾರಾವಾಹಿ ಸತ್ಯ. 990ಕ್ಕೂ ಅಧಿಕ ಎಪಿಸೋಡ್ಸ್ ಪ್ರಸಾರ ಕಂಡಿರುವ ಸತ್ಯ ಧಾರಾವಾಹಿ, ಇದೀಗ ಕೊನೆಯಾಗುವ ಹಂತಕ್ಕೆ ಬಂದಿದೆ ಎನ್ನುವ ಸುದ್ದಿ ಕೇಳಿ ಬಂದಿದೆ. ಇದು ಎಷ್ಟು ನಿಜವೋ ಅಥವಾ ಸುಳ್ಳೋ ಅನ್ನೋದು ಗೊತ್ತಿಲ್ಲ.

ಝೀ ಕನ್ನಡದಲ್ಲಿ (Zee Kananda) ಹೊಸ ಧಾರಾವಾಹಿ ಅಣ್ಣಯ್ಯ ಇನ್ನೇನು ಶುರುವಾಗಲಿದ್ದು, ಆ ಹಿನ್ನೆಯಲ್ಲಿ ಸತ್ಯ ಸೀರಿಯಲ್ ಕೊನೆಯಾಗಲಿದೆ ಎನ್ನುವ ಮಾತು ಕೇಳಿ ಬರುತ್ತಿದೆ. ಇನ್ನೂ ಕೆಲವರು ಹೇಳುವಂತೆ, ಗೌತಮಿ ಜಾದವ್ ಅಥವಾ ಸಾಗರ್ ಬಿಳಿ ಗೌಡ ಬಿಗ್‌ಬಾಸ್‌ಗೆ ತೆರಳಲಿದ್ದಾರೆ ಹಾಗಾಗಿ ಸೀರಿಯಲ್ ಕಥೆ ಮುಗಿಸಲಿದ್ದಾರೆ ಎಂದು ಸಹ ಹೇಳಿದ್ದಾರೆ. ಆದರೆ ಯಾವುದೂ ಅಧಿಕೃತವಾಗಿ ಹೇಳಿಕೆ ಬಂದಿಲ್ಲ. 

ಇನ್ನು ಸತ್ಯ ಸೀರಿಯಲ್ ಕಥೆ ಹೇಳೋದಾದ್ರೆ ಬಾಲ್ಯದಿಂದಲೂ ಅನ್ಯಾಯದ ವಿರುದ್ದ ಹೋರಾಡುವ ಪೊಲೀಸ್ ಆಫೀಸರ್ ಆಗಬೇಕೆಂಬ ಕನಸನ್ನು ಹೊತ್ತ ಸತ್ಯ, ತಂದೆಯನ್ನು ಕಳೆದುಕೊಂಡ ಬಳಿಕ ಅನಿವಾರ್ಯವಾಗಿ ಗ್ಯಾರೇಜ್ ಕೆಲಸ ಮಾಡುವ ಮೂಲಕ ಮನೆಯ ನಿರ್ವಹಿಸುವ ಜೊತೆಗೆ, ಪುಂಡ ಪೋಲಿಗಳಿಗೆ ಒದೆ ನೀಡುವ ರೌಡಿ ಬೇಬಿಯಾಗಿ ಕಾಣಿಸಿಕೊಳ್ಳುತ್ತಾರೆ. 

ಇದಾದ ಬಳಿಕ ಕಥೆಯಲ್ಲಿ ಟ್ವಿಸ್ಟ್ ಬಂದು, ಕಾರ್ತಿಕ್‌ನನ್ನು ಮದುವೆಯಾಗಬೇಕಿದ್ದ ಸತ್ಯಾಳ ಅಕ್ಕ ದಿವ್ಯಾ ಮದುವೆ ದಿನ ಬೇರೊಬ್ಬನ ಜೊತೆ ಓಡಿ ಹೋದ ಕಾರಣ, ತಾನೇ ಮದುವೆಯಾಗುವಂತಹ ಸ್ಥಿತಿ ನಿರ್ಮಾಣ ಆಗಿ, ಕೊನೆಗೆ ಮದುವೆಯಾಗಿ, ಗಂಡ, ಅತ್ತೆ ಹಾಗೂ ಮನೆಯವರೆಲ್ಲರ ತಾತ್ಸಾರಕ್ಕೆ ಗುರಿಯಾಗಿ ಎಲ್ಲವನ್ನೂ ಎದುರಿಸಿ, ಸದ್ಗೃಹಿಣಿಯಾಗಿ ಬಾಳುತ್ತಾಳೆ ಸತ್ಯ.

ಸಮಯ ಕಳೆದಂತೆ ಗಂಡ, ಅತ್ತೆ ಸೇರಿ ಮನೆಯವರೆಲ್ಲರ ಪ್ರೀತಿ ಗಳಿಸುವ ಸತ್ಯ, ಮನೆಯವರೆಲ್ಲರ ಬೆಂಬಲದ ಮೇರೆಗೆ ಮತ್ತೆ ಕಾಲೇಜು ಕಲಿತು, ತನ್ನ ಕನಸಿನ ಪೊಲೀಸ್ ಉದ್ಯೋಗಕ್ಕೆ ಆಯ್ಕೆಯಾಗಿ, ಸದ್ಯಕ್ಕೆ ನಿಷ್ಠಾವಂತ ಪೊಲೀಸ್ ಅಧಿಕಾರಿಯಾಗಿ ಹಲವು ರೌಡಿ, ಪುಂಡರ ಹುಟ್ಟಡಗಿಸಿದ್ದಾಳೆ ಸತ್ಯ. ಇದೆಲ್ಲಾ ಆಗಿ ಸದ್ಯಕ್ಕೆ ಮನೆಮಂದಿ ಎಲ್ಲಾ ಮೊಮ್ಮಗುವಿನ ಆಸೆಯಲ್ಲಿರುವಾಗ್ಲೇ ಸತ್ಯಾ ಪ್ರೆಗ್ನೆಂಟ್ ಅನ್ನೋದು ಗೊತ್ತಾಗಿದೆ. ಇದೆಲ್ಲಾ ನೋಡ್ತಿದ್ರೆ, ಸತ್ಯಾಗೆ ಮಗುವಾಗುವ ಮೂಲಕ ಸೀರಿಯಲ್‌ಗೆ ಹ್ಯಾಪಿ ಎಂಡಿಂಗ್ ಕೊಡ್ತಾರೆನೋ ಅನಿಸ್ತಿದೆ, ಯಾವುದಕ್ಕೂ ಕಾದು ನೋಡಬೇಕು.