ಕಥೆಯೇ ಇಲ್ಲದ ನನ್ನ ದೇವ್ರು… ಮಯೂರಿಗೆ ನಟನೆ ಬರೋದೆ ಇಲ್ಲ ಎಂದ ನೆಟ್ಟಿಗರು… ಸೀರಿಯಲ್ ಮುಕ್ತಾಯಗೊಳಿಸಲು ಒತ್ತಾಯ

ಮಯೂರಿ ಕ್ಯಾತರಿ (Mayuri Khyatari) ಮುಖ್ಯ ಪಾತ್ರದಲ್ಲಿ ಅಭಿನಯಿಸಿರುವ ನನ್ನ ದೇವ್ರು ಶುರುವಾಗಿ ತಿಂಗಳೊಳಗೆ ವೀಕ್ಷಕರಿಗೆ ಬೋರ್ ಹಿಡಿಸಿ ಬಿಟ್ಟಿದೆ. ನಿಧಾನಗತಿಯ ಕಥೆ, ಅರ್ಥವಿಲ್ಲದೆ ಸಾಗುವ ಕಥೆ, ಮಯೂರಿಯ ಮುಗಿಯದ ಗೋಳು, ಎಲ್ಲವೂ ವೀಕ್ಷಕರಿಗೆ ನೋಡಿ ನೋಡಿ ಸಾಕಾಗಿದ್ದು, ಧಾರಾವಾಹಿಯಲ್ಲಿ ಆದಷ್ಟು ಬೇಗ ಮುಕ್ತಾಯ ಮಾಡಿ ಅಂತಿದ್ದಾರೆ. 

ಮಯೂರಿ ಊರಿನ ಆಸ್ಪತ್ರೆಯೊಂದರಲ್ಲಿ ಕೆಲಸ ಮಾಡುವ ಬಡ ನರ್ಸ್ ಆಗಿ ನಟಿಸುತ್ತಿದ್ದಾರೆ . ಊರಿಗೆ ಊರೇ ಮೆಚ್ಚುವ ಉದ್ಯಮಿ ಸಚ್ಚಿದಾನಂದ ಅಂದ್ರೆ ಮಯೂರಿಗೆ ದೇವರ ಸಮಾನ. ಅವರಿಗೆ ಯಾವುದೇ ಕಷ್ಟ ಬಂದ್ರು ಅದನ್ನ ತನ್ನ ಮೇಲೆ ಹಾಕಿ ಯಜಮಾನರನ್ನು ರಕ್ಷಿಸುವ ಹುಡುಗಿ ಮಯೂರಿ.   
 

ಸಚ್ಚಿದಾನಂದನ  ಇಪ್ಪತ್ತು ವರ್ಷದ ಮಗಳಿಗೆ ಅಪ್ಪನನ್ನು ಕಂಡರೆ ಇಷ್ಟವಿಲ್ಲ. ತನ್ನಿಂದ ದೂರಾಗಿ ಬದುಕುತ್ತಿರುವ ಮಗಳ ವಿಶ್ವಾಸವನ್ನು ಮರಳಿ ಗಳಿಸಿಕೊಳ್ಳಲು ಬಯಸುತ್ತಿರುವ ಸಚ್ಚಿದಾನಂದನ ಬದುಕಲ್ಲಿ ಮಯೂರಿಯ ಪ್ರವೇಶವಾಗಿ ಏನೆಲ್ಲಾ ಬದಲಾವಣೆಯಾಗುತ್ತೆ ಅನ್ನೋದು ಸೀರಿಯಲ್ ಮೂಲ ಕಥೆಯಾಗಿತ್ತು. 
 

ಆದರೆ ದಿನಕಳೆದಂತೆ ಸೀರಿಯಲ್ (Nanna Devru serial) ಹಳಿ ತಪ್ಪಲು ಆರಂಭಿಸಿದೆ. ಕಥೆಯೇ ಬದಲಾಗಿದೆ. ಯಾವಾಗ ಏನು ಕಥೆ ಹೇಳ್ತಿದ್ದಾರೆ ಅನ್ನೋದೆ ವೀಕ್ಷಕರನ್ನು ಗೊಂದಲಕ್ಕೀಡು ಮಾಡಿದೆ. ಇದ್ದಕ್ಕಿದ್ದಂತೆ ಕಥೆಯ ನಾಯಕನನ್ನೆ ಸಾಯಿಸಿ ಬಿಟ್ಟಿದ್ದಾರೆ, ಇದ್ದಕ್ಕಿದ್ದಂತೆ ಹೇಳ್ತಿದ್ದಾರೆ ಮಯೂರಿ ಮತ್ತು ಸಚ್ಚಿದಾನಂದ ಮದುವೆ ಆಗಿದೆ ಅಂತ, ಎರಡು ಮೂರು ಸಲ ಮಗಳ ಮುಖ ತೋರಿಸಿ, ಆಮೇಲೆ ಆಕೆಯ ಕಥೆಯೇ ಇಲ್ಲ. ಇದೆಲ್ಲಾ ನೋಡಿ ವೀಕ್ಷಕರಿಗೂ ಸಾಕು ಸಾಕಾಗಿದೆ. 
 

ಈ ಮಯೂರಿ ಗೆ ಯಾಕೆ ಆಕ್ಟಿಂಗ್ ಬರಲ್ವ ಎಷ್ಟು ಕೆಟ್ಟದಾಗಿ ಮಾಡ್ತಾಳೆ. ಮಯೂರಿ ಆಕ್ಟಿಂಗ್ ರೀತಿ ಬದಲಾಯಿಸಿಕೊಳ್ಳಬೇಕು, ನೋಡೋಕೆ ಆಗ್ತಿಲ್ಲ, ತರುಣ್ ಅಮ್ಮ, ಸ್ವಾತಿ ಅವರೆಲ್ಲ ಎಷ್ಟು ಚೆನ್ನಾಗಿ ನಟಿಸ್ತಾರೆ ಮಯೂರಿ ಆಕ್ಟಿಂಗ್ ನೋಡೋದಕ್ಕೆ ಆಗ್ತಿಲ್ಲ ಎಂದಿದ್ದಾರೆ ವೀಕ್ಷಕರು. 
 

ಸಚ್ಚಿದಾನಂದ ನ ಮಗಳು ಎಲ್ಲಿ ಸಾಕ್ಷಿ. ಬರಿ 2,3 ಬಾರಿ ಮುಖ ದರ್ಶನ ಆಯ್ತು ಅವರ ಕ್ಯಾರೆಕ್ಟರ್ ಕ್ಲೋಸ್ ಮಾಡಿಬಿಟ್ರು. ಈ ಧಾರಾವಾಹಿ ಸ್ಟೋರಿ ಏನು ಅಂತಾನೆ ಅರ್ಥ ಆಗ್ತಿಲ್ಲ.  ಕಥೆ ಸ್ವಲ್ಪಾನೂ ಚೆನ್ನಾಗಿಲ್ಲ, ದಯವಿಟ್ಟು ಸೀರಿಯಲ್ ಆದಷ್ಟು ಬೇಗ ಮುಗಿಸಿ ಎಂದಿದ್ದಾರೆ. 
 

ಇನ್ನು ಅನುಬಂಧ ಅವಾರ್ಡ್ (Anubandha Awards) ಕಾರ್ಯಕ್ರಮದಲ್ಲೂ ನನ್ನ ದೇವ್ರು ತಂಡ ಬಂದೇ ಇಲ್ಲ, ಇದನ್ನೂ ಕೂಡ ವೀಕ್ಷಕರು ಪ್ರಶ್ನಿಸಿದ್ದಾರೆ. ಎಲ್ಲಾ ಸೀರಿಯಲ್ ಇರೋವಾಗ ಯಾಕೆ ಈ ಸೀರಿಯಲ್ ತಂಡ ಮಾತ್ರ ಯಾಕೆ ಬರಲಿಲ್ಲ. ಸೀರಿಯಲ್ ಮುಗಿಸ್ತಿದ್ದೀರಿ ಅಂತ ಬಂದಿಲ್ವಾ ಎಂದು ಪ್ರಶ್ನಿಸಿದ್ದಾರೆ.