ಬಿಗ್ ಬಾಸ್ ತೆಲುಗು 8ರಲ್ಲಿ ಕನ್ನಡ ಕಿರುತೆರೆಯ ನಾಲ್ವರು, ಇವರೆಲ್ಲಾ ನೆನಪಿದ್ದಾರಾ?

ಬಿಗ್ ಬಾಸ್ ತೆಲುಗು ಸೀಸನ್ 8 ಸೆ.1ರಿಂದ ಆರಂಭವಾಗಿದೆ. ಭಾಗವಹಿಸುವ ಸ್ಪರ್ಧಿಗಳ ವಿವರಗಳು ಇಲ್ಲಿವೆ. ಈ ಬಾರಿ ಷೋನಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಸಾಮಾಜಿಕ ಮಾಧ್ಯಮದ ವ್ಯಕ್ತಿಗಳು, ಬೆಳ್ಳಿತೆರೆಯ ನಟ ನಟಿಯರಿಗೆ ಪ್ರಾಧಾನ್ಯತೆ ನೀಡಲಾಗಿದೆ. 14 ಸ್ಪರ್ಧಿಗಳಲ್ಲಿ ನಾಲ್ವರು ಕನ್ನಡಿಗರಿಗೆ ಸ್ಥಾನ ಸಿಕ್ಕಿದೆ.

ಯಶ್ಮಿ ಗೌಡ

ಬೆಳ್ಳಿತೆರೆಯಲ್ಲಿ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ ಕನ್ನಡತಿ ಯಶ್ಮಿ ಗೌಡ. ಕನ್ನಡದ ವಿದ್ಯಾವಿನಾಯಕ ಸೇರಿದಂತೆ ಹಲವು ಟಿವಿ ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ತೆಲುಗಿನಲ್ಲಿ ಇವರು ಕೃಷ್ಣ ಮುಕುಂದ ಮುರಾರಿ ಧಾರಾವಾಹಿಯಲ್ಲಿ ನಟಿಸಿ ಫೇಮಸ್‌ ಆದರು.

ಪ್ರೇರಣಾ

ಈಕೆ ಕೂಡ ಕನ್ನಡತಿ,  ಕನ್ನಡದಲ್ಲಿ ರಂಗನಾಯಕಿ ಧಾರವಾಹಿಯಲ್ಲಿ ನಟಿಸಿ ಬಳಿಕ ತೆಲುಗಿನಲ್ಲಿ  ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಪ್ರೇರಣಾ ಕೂಡ ಕೃಷ್ಣ ಮುಕುಂದ ಮುರಾರಿ ಧಾರಾವಾಹಿಯಲ್ಲಿ ನಟಿಸಿದ್ದಾರೆ. ಬಿಗ್ ಬಾಸ್ ಮೂಲಕ ತಮ್ಮ ಜನಪ್ರಿಯತೆಯನ್ನು ಹೆಚ್ಚಿಸಿಕೊಳ್ಳಲು ಮುಂದಾಗಿದ್ದಾರೆ.

ನಿಖಿಲ್ ಮಲಿಯಕ್ಕಲ್ ಕಲರ್ಸ್ ಸೂಪರ್‌ ನ ಮನೆಯೇ ಮಂತ್ರಾಲಯ ಎಂಬ ಧಾರವಾಹಿಯಲ್ಲಿ ನಟಿಸಿದ್ದರು. ನಟ  ಹಲವಾರು ಟಿವಿ ಧಾರಾವಾಹಿಗಳನ್ನು ಮಾಡುವ ಮೂಲಕ ತೆಲುಗಿನಲ್ಲಿ ಜನಪ್ರಿಯರಾಗಿದ್ದಾರೆ.  

ಪೃಥ್ವಿರಾಜ್

ನಟ ಪೃಥ್ವಿರಾಜ್ ಶೆಟ್ಟಿ ಮಂಗಳೂರಿನ ಪ್ರತಿಭೆ. ಇವರು ಕೂಡ ಕನ್ನಡ ಧಾರಾವಾಹಿಯ ಮೂಲಕ ಕಿರುತೆರೆಗೆ ಎಂಟ್ರಿ ಪಡೆದಿದ್ದವರು. ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಮೂಡಿಬಂದಿದ್ದ ಅರ್ಧಾಂಗಿ ಧಾರವಾಹಿಯ ನಾಯಕ ನಟನಾಗಿದ್ದರು.   ಈಗ ತೆಲುಗು ಧಾರಾವಾಹಿಗಳ ಮೂಲಕ ಖ್ಯಾತಿ ಪಡೆದಿದ್ದಾರೆ. ಈ ಯುವ ನಟನಿಗೆ ಬಿಗ್ ಬಾಸ್ 8 ಅವಕಾಶ ಬಂದಿದೆ. 

ನಟ ಆದಿತ್ಯ ಓಂ

ಆದಿತ್ಯ ಓಂ  ಲಾಹಿರಿ ಲಾಹಿರಿ ಲಾಹಿರಿ ಲಾಂಟಿ ಬ್ಲಾಕ್ ಬಸ್ಟರ್ ಚಿತ್ರದಲ್ಲಿ  ಯುವ ನಟ ನಾಯಕನಾಗಿ ನಟಿಸಿದ್ದರು. ಅದರ ನಂತರ ಅವಕಾಶಗಳು ಸಿಗದ ಕಾರಣ ಚಿತ್ರರಂಗದಿಂದ ದೂರ ಉಳಿದಿದ್ದರು. 

ನೃತ್ಯಗಾರ್ತಿ ನೈನಿಕಾ

ಡಿ ಷೋ ಮೂಲಕ ತಮ್ಮ ನೃತ್ಯ ಕೌಶಲ್ಯದಿಂದ ನೈನಿಕಾ ಉತ್ತಮ ಕ್ರೇಜ್ ಪಡೆದಿದ್ದಾರೆ. ತೆಲುಗಿನ ಬಿಗ್ ಬಾಸ್   8 ರಲ್ಲಿ ಅವರ ಜನಪ್ರಿಯತೆ ಇನ್ನೆಷ್ಟು ಹೆಚ್ಚಿಸುತ್ತದೆ ಎಂದು ನೋಡಬೇಕು. 

ಹಾಸ್ಯನಟ ಅಭಯ್

ವಿಜಯ್ ದೇವರಕೊಂಡ ಅಭಿನಯದ ಪೆಳ್ಳಿ ಚೂಪುಲು ಚಿತ್ರದ ಮೂಲಕ ಅಭಯ್ ಹಾಸ್ಯನಟನಾಗಿ ಗುರುತಿಸಿಕೊಂಡರು.  ಡಿಜೆ ಟಿಲ್ಲು, ಟಿಲ್ಲು ಸ್ಕ್ವೇರ್ ಚಿತ್ರಗಳಲ್ಲಿಯೂ ನಟಿಸಿದ್ದಾರೆ. 

ನಬೀಲ್ ಆಫ್ರಿದಿ

ಇವರು ಸಾಮಾಜಿಕ ಮಾಧ್ಯಮದಲ್ಲಿ ಗುರುತಿಸಿಕೊಂಡಿರುವ  ವ್ಯಕ್ತಿ. ಯೂಟ್ಯೂಬರ್ ಆಗಿ ಜನಪ್ರಿಯತೆ ಗಳಿಸಿದ್ದಾರೆ. ಯೂಟ್ಯೂಬ್‌ನಲ್ಲಿ ನಬೀಲ್ ದೇಶ ವಿದೇಶಗಳಲ್ಲಿ ಪ್ರಯಾಣಿಸುವ ವೀಡಿಯೊಗಳು ವೈರಲ್ ಆಗುತ್ತಿರುತ್ತವೆ.  

ಸೀತಾ

ಇವರು ಯೂಟ್ಯೂಬ್‌ನಲ್ಲಿ ಬೋಲ್ಡ್ ವೀಡಿಯೊಗಳ ಮೂಲಕ ಜನಪ್ರಿಯರಾಗಿದ್ದಾರೆ. ಅವರನ್ನು ಕಿರಾಕ್ ಸೀತಾ ಎಂದೂ ಕರೆಯುತ್ತಾರೆ. ಬೆಳ್ಳಿತೆರೆಯ ಕಾರ್ಯಕ್ರಮಗಳಲ್ಲಿಯೂ ಸೀತಾ ಇತ್ತೀಚೆಗೆ ಕಾಣಿಸಿಕೊಂಡಿದ್ದಾರೆ.

ಬೇಬಕ್ಕ

ಇವರು ಯೂಟ್ಯೂಬ್‌ನಲ್ಲಿ ಕಾಮಿಡಿ ಕಂಟೆಂಟ್‌ಗಳಿಂದ ಬೆಜವಾಡ ಬೇಬಕ್ಕ ಎಂದು ಜನಪ್ರಿಯರಾಗಿದ್ದಾರೆ. ಬಿಗ್ ಬಾಸ್ ಷೋನಲ್ಲಿ ಹೇಗೆ ರಂಜಿಸುತ್ತಾರೆ ಎಂದು ಕಾದು ನೋಡಬೇಕು. ಬಿಗ್ ಬಾಸ್ 8 ರಲ್ಲಿ ಬಂದ ಅವಕಾಶವನ್ನು ಸದುಪಯೋಗಪಡಿಸಿಕೊಂಡು ಹೆಚ್ಚಿನ ಅಭಿಮಾನಿಗಳನ್ನು ಸಂಪಾದಿಸಲು ಬೇಬಕ್ಕ ಬಯಸುತ್ತಿದ್ದಾರೆ.    

ನಾಗ ಮಣಿಕಾಂತ್

ನಾಗ ಮಣಿಕಾಂತ್ ಸಾಮಾಜಿಕ ಮಾಧ್ಯಮದ ವ್ಯಕ್ತಿಯಾಗಿ, ಬೆಳ್ಳಿತೆರೆಯ ನಟನಾಗಿ ಬೆಳೆಯುತ್ತಿರುವ ಯುವ ನಟ. ಬಿಗ್ ಬಾಸ್ 8 ರಲ್ಲಿ ಇವರಿಗೆ ಬಂದ ಅವಕಾಶ ವೃತ್ತಿಜೀವನಕ್ಕೆ ಪ್ಲಸ್ ಆಗುತ್ತದೆ ಎಂದು ಹೇಳುವುದರಲ್ಲಿ ಸಂದೇಹವಿಲ್ಲ. 

ವಿಷ್ಣುಪ್ರಿಯ

ವಿಷ್ಣು ಪ್ರಿಯ ನಿರೂಪಕಿಯಾಗಿ ಎಷ್ಟು ಕ್ರೇಜ್ ಪಡೆದಿದ್ದಾರೆಂದು ನೋಡಿದ್ದೇವೆ. ಅದೇ ರೀತಿ ಸಾಮಾಜಿಕ ಮಾಧ್ಯಮದಲ್ಲಿ ತಮ್ಮ ಗ್ಲಾಮರ್‌ನಿಂದಲೂ ಜನಪ್ರಿಯರಾಗಿದ್ದಾರೆ. ಈಗ ಬಿಗ್ ಬಾಸ್‌ನಲ್ಲಿ ಸ್ಪರ್ಧಿಸಿ ಹೆಚ್ಚು ಜನಪ್ರಿಯತೆ ಗಳಿಸಲು ಮುಂದಾಗಿದ್ದಾರೆ. 

ಶೇಖರ್ ಭಾಷ : ಪ್ರಸಿದ್ಧ ಆರ್ಜೆ ಆಗಿ ಶೇಖರ್ ಭಾಷ ಗುರುತಿಸಿಕೊಂಡಿದ್ದಾರೆ. ಇತ್ತೀಚೆಗೆ ರಾಜ್ ತರುಣ್, ಲಾವಣ್ಯ ವಿವಾದದಲ್ಲಿ ಹೆಚ್ಚು ತೊಡಗಿಸಿಕೊಂಡಿದ್ದು ಇವರೇ.   

ಸೋನಿಯಾ ಆಕುಲ :ಯುವ ನಟಿ ಸೋನಿಯಾ ಆಕುಲ ಕೂಡ ಈಗಷ್ಟೇ ಬೆಳೆಯುತ್ತಿರುವ ಪ್ರತಿಭೆ . ಜಾರ್ಜ್ ರೆಡ್ಡಿ, ಕರೋನಾ ವೈರಸ್, ಆಶ ಎನ್‌ಕೌಂಟರ್ ಚಿತ್ರಗಳಲ್ಲಿ ನಟಿಸಿದ್ದಾರೆ. ಬಿಗ್ ಬಾಸ್ 8ರಲ್ಲಿ ತಮ್ಮ ಸಾಮರ್ಥ್ಯ ತೋರಿಸಲು ಸಿದ್ಧರಾಗಿದ್ದಾರೆ.