You are part of my life ಅಂತ ಹೇಳಿ ಬೇರೆಯದ್ದೇ ಸುಳಿವು ಕೊಟ್ರಾ ನೀನಾದೆ ನಾ ನಟ

ನೀನಾದೆ ನಾ ಧಾರವಾಹಿಯ ಫೇವರಿಟ್ ಜೋಡಿಗಳಾದ ವಿಕ್ರಮ್ ಮತ್ತು ವೇದಾ ರಿಯಲ್ ಲೈಫಲ್ಲೂ ಬೆಸ್ಟ್ ಕಪಲ್ ಅಂತಾನೆ ಹೇಳಬಹುದು. ಇದೀಗ ವೇದಾ ಖ್ಯಾತಿಯ ಖುಷಿ ಹುಟ್ಟು ಹಬ್ಬಕ್ಕೆ ವಿಕ್ರಮ್ ಖ್ಯಾತಿಯ ದಿಲೀಪ್ ಶೆಟ್ಟು ಮುದ್ದಾಗಿ ಶುಭ ಕೋರಿದ್ದಾರೆ.  

ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ನೀನಾದೆ ನಾ ಧಾರವಾಹಿಯ ಸೂಪರ್ ಹಿಟ್ ಜೋಡಿಗಳಾದ ವೇದಾ - ವಿಕ್ರಮ್ (Vikram Veda) ಅಂದ್ರೆ ವೀಕ್ಷಕರಿಗೂ ಸಖತ್ ಇಷ್ಟ. ಈ ಜೋಡಿ ರಿಯಲ್ ಲೈಫಲ್ಲೂ ಜೋಡಿಯಾಗಬೇಕೆಂದು ಬಯಸೋರು ಸಾಕಷ್ಟು ಜನ ಇದ್ದಾರೆ. 

ಈಗಾಗಲೇ ನೀನಾದೆ ನಾ ಮೊದಲಿನ ಕಥೆ ಮುಗಿದಿದ್ದು, ಎರಡನೇ ಭಾಗ ವಿಭಿನ್ನ‌ ಕಥೆಯೊಂದಿಗೆ ಆರಂಭವಾಗಿದೆ. ಮತ್ತೆ ತಮ್ಮ‌ ಫೇವರಿಟ್ ಜೋಡಿಗಳನ್ನು ನೋಡಿ ಅಭಿಮಾನಿಗಳು ಖುಶ್ ಆಗಿದ್ದಾರೆ. ಇದೆಲ್ಲದರ ನಡುವೆ ಇದೀಗ ವಿಕ್ರಮ್ ಪಾತ್ರದಲ್ಲಿ ಮಿಂಚುತ್ತಿರುವ ನಟ ದಿಲೀಪ್ ಶೆಟ್ಟಿ (Dileep Shetty) ಮುದ್ದಾದ ಫೋಟೊಗಳನ್ನ ಶೇರ್ ಮಾಡಿದ್ದಾರೆ. 

ನೀನಾದೆ ನಾ(Neenade Naa) ಧಾರವಾಹಿಯಲ್ಲಿ ವೇದಾ ಪಾತ್ರದಲ್ಲಿ ನಟಿಸುತ್ತಿರುವ ಖುಷಿ ಶಿವು ಇವತ್ತು ಹುಟ್ಟು ಹಬ್ಬ ಆಚರಿಸಿಕೊಳ್ಳುತ್ತಿದ್ದು, ಈ ಹಿನ್ನೆಲೆಯಲ್ಲಿ ದಿಲೀಪ್ ಶೆಟ್ಟಿ ತಮ್ಮ ಸಹ ನಟಿ ಹಾಗೂ ಫ್ರೆಂಡ್ ಆಗಿರುವ ಖುಷಿಗೆ ಬರ್ತ್ ಡೇ ಶುಭ ಕೋರಿದ್ದಾರೆ. ಈ ಮುದ್ದಾದ ಪೋಸ್ಟ್ ನೋಡಿ ಅಭಿಮಾನಿಗಿಗಳ ದಿಲ್ ಖುಷ್ ಆಗಿದೆ. 

ದಿಲೀಪ್ ಶೆಟ್ಟಿ ತಮ್ಮ ಸೋಶಿಯಲ್ ಮೀಡೀಯಾದಲ್ಲಿ ಖುಷಿ (Khushi Shivu) ಜೊತೆಗಿನ ಒಂದಷ್ಟು ಫೋಟೊಗಳನ್ನು ಶೇರ್ ಮಾಡಿ ಮೆನಿ ಮೋರ್ ಹ್ಯಾಪಿ ರಿಟರ್ನ್ಸ್ ಆಫ್ ದ ಡೇ ಪಾಂಡಾ. ನಾನು ಇದುವರೆಗೆ ಕೆಲಸ ಮಾಡಿದ ಬೆಸ್ಟ್ ನಟಿಯರಲ್ಲಿ ನೀನೂ ಒಬ್ಬಳು. ನೀನು ಹೊರಗಿನಿಂದ ಎಷ್ಟು ಅಂದವಾಗಿದ್ದಿಯೋ? ನಿನ್ನ ಮನಸ್ಸು ಕೂಡ ಅಷ್ಟೇ ಸುಂದರವಾಗಿದೆ ಎಂದಿದ್ದಾರೆ. 

ಅಷ್ಟೇ ಅಲ್ಲ ಶಾರ್ಟ್ ಆಗಿ ಹೇಳಬೇಕು ಅಂದ್ರೆ ನನ್ನ ಜೀವನದ ಭಾಗ ಆಗಿರೋದಕ್ಕೆ ಥ್ಯಾಂಕ್ಯೂ. ಯಾವಾಗ್ಲೂ ಖುಷಿಯಾಗಿರು ಪಾಂಡಮಾ ಎಂದು ಬರೆದುಕೊಂಡಿದ್ದಾರೆ. ಜೊತೆಗೆ ಒಂದಷ್ಟು ಕ್ಯೂಟ್ ಆಗಿರುವ ಫೋಟೊ, ವಿಡೀಯೋಗಳನ್ನು ಶೇರ್ ಮಾಡಿದ್ದಾರೆ. ಇದಕ್ಕೆ ಖುಷಿ ಥ್ಯಾಂಕ್ಯೂ ಸೋ ಮಚ್ ಚೋಮು ಎಂದು ರಿಪ್ಲೈ ಮಾಡಿದ್ದಾರೆ.

ಇಬ್ಬರ ಮುದ್ದಾದ ಫೋಟೊ ನೋಡಿ ಅಭಿಮಾನಿಗಳು ತುಂಬಾನೆ ಖುಷಿಯಾಗಿದ್ದು, ಮೇಡ್ ಫಾರ್ ಈಚ್ ಅದರ್, ಬೆಸ್ಟ್ ಜೋಡಿ, ಇಬ್ಬರು ಹೀಗೆ ಜೊತೆಜೊತೆಯಾಗಿ ಖುಷಿಯಾಗಿರಿ ಎಂದು ಹಾರೈಸಿದ್ದಾರೆ. ಜೊತೆಗೆ ದಿಲೀಪ್ ಯು ಆರ್ ಪಾರ್ಟ್ ಆಫ್ ಮೈ ಲೈಫ್ ಅಂದಿದ್ದಕ್ಕೆ ಏನೋ ನಡೆತಿದೆ ಇಬ್ಬರ ನಡುವೆ, ಇಬ್ಬರು ಲವ್ ಮಾಡ್ತಿದ್ದಾರೆ ಅನ್ನೋ ಬಗ್ಗೆಯೂ ಜನ ಮಾತಡ್ತಿದ್ದಾರೆ. 

ದಿಲೀಪ್ ಮತ್ತು ಖುಷಿ ಸೀರಿಯಲ್ ನಲ್ಲಿ ಮಾತ್ರವಲ್ಲದೇ, ಹೆಚ್ಚಾಗಿ ರಿಯಲ್ ಆಗಿಯೂ ಜೊತೆಯಾಗಿ ರೀಲ್ಸ್ ಮಾಡುತ್ತಾ, ಫೋಟೊ ಶೂಟ್ ಮಾಡಿಸುತ್ತಾ, ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ. ಅಷ್ಟೇ ಅಲ್ಲ ದಿಲೀಪ್ ಫ್ಯಾಮಿಲಿ ಜೊತೆಗೂ ಖುಷಿ ಕಾಣಿಸಿಕೊಂಡಿದ್ದರು. ಜೊತೆಗೆ ಇಬ್ಬರು ಜೊತೆಯಾಗಿ ಸೇರಿ ಯೂಟ್ಯೂಬ್ ಚಾನೆಲ್ ಕೂಡ ಆರಂಭಿಸಿದ್ದು, ಅದಕ್ಕೆ ದಿಲ್ ಖುಷ್ (Dilkush) ಅಂತ ಹೆಸರು ಕೂಡ ಇಟ್ಟಿದ್ದರು. ಕಿರುತೆರೆಯ ಈ ಜನಪ್ರಿಯ ಜೋಡಿ ಯಾವಾಗ್ಲೂ ಖುಷಿಯಾಗಿರಲಿ, ಜೊತೆಯಾಗಿರಲಿ ಅನ್ನೋದು ಅಭಿಮಾನಿಗಳ ಹಾರೈಕೆ.