Row 13 airplane: ವಿಮಾನದಲ್ಲಿ 13ನೇ ಸಾಲಿನ ಸೀಟು ಯಾಕೆ ಇರಲ್ಲ? ಏಸು ಕ್ರಿಸ್ತನಿಗೂ ಇದಕ್ಕೂ ಸಂಬಂಧ ಇದೆಯಾ?

Why is there no row 13 on planes: ನೀವು ಎಂದಾದರೂ ವಿಮಾನದಲ್ಲಿನ ಸೀಟುಗಳನ್ನು ಗಮನಿಸಿದ್ದೀರಾ? ಅಲ್ಲಿ 13ನೇ ನಂಬರ್ ಸೀಟು ಕಾಣಿಸುವುದಿಲ್ಲ. 12ರ ನಂತರ ನೇರವಾಗಿ 14ನೇ ನಂಬರ್ ಇರುತ್ತದೆ. ಇದಕ್ಕೆ ಕಾರಣವೇನು ಗೊತ್ತಾ? 13ನೇ ಸಂಖ್ಯೆಯನ್ನು ಯಾಕೆ ಕೈಬಿಡಲಾಗಿದೆ?

Image Credit : Getty

13ನೇ ಸೀಟ್‌ ಯಾಕೆ ಇರೋದಿಲ್ಲ?

Why is there no row 13 on planes: ವಿಮಾನದಲ್ಲಿ ಆಗಾಗ ಪ್ರಯಾಣಿಸುವವರು 13ನೇ ನಂಬರ್ ಸೀಟು ಇಲ್ಲದಿರುವುದನ್ನು ಗಮನಿಸಿರುತ್ತಾರೆ. 12ನೇ ಸಾಲಿನ ನಂತರ ನೇರವಾಗಿ 14ನೇ ಸಾಲು ಬರುತ್ತದೆ. ಇದರ ಹಿಂದೆ ಒಂದು ಬಲವಾದ ಕಾರಣವಿದೆ. ಕೆಲವರು ಇದನ್ನು ಮೂಢನಂಬಿಕೆ ಎಂದು ತಳ್ಳಿಹಾಕಿದರೆ, ಇನ್ನು ಕೆಲವರು 13ನೇ ಸಂಖ್ಯೆಯನ್ನು ಅಶುಭವೆಂದು ನಂಬುತ್ತಾರೆ. ವಿಮಾನಗಳಲ್ಲಿ 13ನೇ ನಂಬರ್ ಸೀಟು ಏಕೆ ಇರುವುದಿಲ್ಲ ಎಂದು ತಿಳಿಯೋಣ.

Image Credit : Getty

ಶಿಲುಬೆಗೆ ಏರಿಸಿದ ದಿನವಂತೆ...

ಪಾಶ್ಚಿಮಾತ್ಯ ಸಂಸ್ಕೃತಿಯಲ್ಲಿ 13ನೇ ಸಂಖ್ಯೆಯನ್ನು ದುರದೃಷ್ಟಕರವೆಂದು ಪರಿಗಣಿಸಲಾಗುತ್ತದೆ. ಈ ಸಂಖ್ಯೆಯ ಬಗೆಗಿನ ಭಯವನ್ನು 'ಟ್ರೈಸ್ಕಡೆಕಾಫೋಬಿಯಾ' (Triskaidekaphobia) ಎಂದು ಕರೆಯುತ್ತಾರೆ. ಕ್ರಿಶ್ಚಿಯನ್ ಸಂಪ್ರದಾಯದಲ್ಲಿ ಈ ನಂಬಿಕೆಗೆ ಆಳವಾದ ಹಿನ್ನೆಲೆ ಇದೆ. 'ದಿ ಲಾಸ್ಟ್ ಸಪ್ಪರ್'ನಲ್ಲಿ 13ನೇ ವ್ಯಕ್ತಿ ಕಾಣಿಸಿಕೊಂಡ ನಂತರವೇ ಯೇಸು ಕ್ರಿಸ್ತನನ್ನು ಶಿಲುಬೆಗೇರಿಸಲಾಯಿತು ಎಂಬ ನಂಬಿಕೆ ಇದೆ. ಈ ಕಾರಣದಿಂದಾಗಿ, ಪ್ರಯಾಣ ಮತ್ತು ಸಾರಿಗೆಯಂತಹ ಸುರಕ್ಷತೆಗೆ ಹೆಚ್ಚು ಪ್ರಾಮುಖ್ಯತೆ ನೀಡುವ ಕ್ಷೇತ್ರಗಳಲ್ಲಿ 13ನೇ ಸಂಖ್ಯೆಯ ಬಗ್ಗೆ ಭಯ ಹೆಚ್ಚಾಗಿದೆ.

Image Credit : Getty

13ನೇ ಸಾಲು ತೆಗೆದು ಹಾಕಿದ್ರು

ವಿಮಾನ ಪ್ರಯಾಣವು ಅನೇಕರಿಗೆ ಒತ್ತಡದ ಅನುಭವ. ವಿಮಾನ ಟೇಕ್ ಆಫ್ ಆದಾಗಿನಿಂದ ಲ್ಯಾಂಡ್ ಆಗುವವರೆಗೂ ಹಲವರು ಆತಂಕದಲ್ಲಿರುತ್ತಾರೆ. ಹೀಗಿರುವಾಗ, 13ನೇ ನಂಬರ್ ಸೀಟು ಸಿಕ್ಕರೆ ಕೆಲ ಪ್ರಯಾಣಿಕರು ಅದರಲ್ಲಿ ಕೂರಲು ಇಷ್ಟಪಡುವುದಿಲ್ಲ. ಇದರಿಂದ ಆ ಸೀಟು ಖಾಲಿ ಉಳಿಯುವ ಸಾಧ್ಯತೆ ಇರುತ್ತದೆ. ಈ ಗೊಂದಲವನ್ನು ತಪ್ಪಿಸಲು ಮತ್ತು ಪ್ರಯಾಣಿಕರ ಮನಸ್ಸಿನಲ್ಲಿರುವ ಭಯವನ್ನು ದೂರ ಮಾಡಲು, ವಿಮಾನಯಾನ ಸಂಸ್ಥೆಗಳು 13ನೇ ಸಾಲನ್ನೇ ತೆಗೆದುಹಾಕಲು ನಿರ್ಧರಿಸಿದವು.

Image Credit : Getty

13, 17 ಅಶುಭ ಅಂತೆ

ಕೇವಲ 13ನೇ ಸಂಖ್ಯೆ ಮಾತ್ರವಲ್ಲ, ಇಟಲಿ ಮತ್ತು ಬ್ರೆಜಿಲ್‌ನಂತಹ ದೇಶಗಳಲ್ಲಿ ಜನರು 17ನೇ ಸಂಖ್ಯೆಯನ್ನೂ ಅಶುಭವೆಂದು ಪರಿಗಣಿಸುತ್ತಾರೆ. ಏಕೆಂದರೆ ರೋಮನ್ ಸಂಖ್ಯಾ ಪದ್ಧತಿಯಲ್ಲಿ 17ನ್ನು ಬರೆದಾಗ, ಅದು ಲ್ಯಾಟಿನ್ ಭಾಷೆಯಲ್ಲಿ 'ನನ್ನ ಜೀವನ ಮುಗಿದಿದೆ' ಎಂಬ ಅರ್ಥವನ್ನು ಧ್ವನಿಸುತ್ತದೆ. ಈ ಕಾರಣಕ್ಕಾಗಿ ಆ ಸಂಖ್ಯೆಯನ್ನು ಅವರು ಅಶುಭವೆಂದು ಭಾವಿಸುತ್ತಾರೆ.