ರಶ್ಮಿಕಾ ಮಂದಣ್ಣ ಮನೆ ಮೇಲಿನ ಆದಾಯ ಇಲಾಖೆ ದಾಳಿಯಲ್ಲಿ ಸಿಕ್ಕಿದ್ದೇನು?
ಸ್ಯಾಂಡಲ್‌ವುಡ್‌ನ ಚೆಲುವೆ ರಶ್ಮಿಕಾ ಮಂದಣ್ಣ ಸೌತ್‌ನ ಟಾಪ್ ನಟಿಯರಲ್ಲಿ ಒಬ್ಬರು. ತೆಲಗು ಸಿನಿಮಾದಲ್ಲಿ ಮಿಂಚುತ್ತಿರುವ ಈ ನಟಿ ಪ್ರಸ್ತುತ ಬಾಲಿವುಡ್‌ನಲ್ಲೂ ಆಫರ್‌ಗಳನ್ನು ಪಡೆಯುತ್ತಿದ್ದಾರೆ. ಜೊತೆಗೆ ರಶ್ಮಿಕಾ ಹೆಚ್ಚು ಸಂಬಾವನೆ ಪಡೆಯುವ ದಕ್ಷಿಣ ಭಾರತೀಯ ಹಿರೋಯಿನ್‌ಗಳ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿದ್ದಾರೆ. ಕಳೆದ ವರ್ಷ ರಶ್ಮಿಕಾ ಮನೆ ಮೇಲೆ ಐಟಿ ದಾಳಿ ನೆಡೆದಿತ್ತು. ಈ ಸಮಯದಲ್ಲಿ ಮಂದಣ್ಣ ಅವರ ಮನೆಯಿಂದ ತೆರಿಗೆ ಇಲಾಖೆ ಏನೇನು ವಶಪಡಿಸಿಕೊಂಡಿವೆ ಎಂಬ ವಿವರ ಇಲ್ಲಿದೆ.
)
Followಸೌತ್‌ನ ಟಾಪ್ ನಟಿಯರಲ್ಲಿ ಒಬ್ಬರಾಗಿರುವ ರಶ್ಮಿಕಾ ಮಂದಣ್ಣ ಈಗ ದೇಶಾದ್ಯಂತ ತಮ್ಮದೇ ಆದ ಶೈಲಿಯಲ್ಲಿ ಹೊಸ ಅಲೆ ಸೃಷ್ಟಿಸುತ್ತಿದ್ದಾರೆ.
)
ಅಮಿತಾಬ್ ಬಚ್ಚನ್ ಜೊತೆ ಗುಡ್‌ಬೈ ಮತ್ತು ಸಿಧಾರ್ಥ್ ಮಲ್ಹೋತ್ರಾ ಅವರೊಂದಿಗೆ ಮಿಷನ್ ಮಜ್ನು ಸಿನಿಮಾಗಳ ನಂತರ ರಶ್ಮಿಕಾ ಜನಪ್ರಿಯತೆ ದುಪ್ಪಟ್ಟಾಗಿದೆ.
ರಶ್ಮಿಕಾ ಇತ್ತೀಚೆಗೆ rapper ಬಾದ್‌ಶಾ ಅವರ ಮ್ಯೂಸಿಕ್ ವಿಡಿಯೋ 'ಟಾಪ್ ಟಕರ್' ನಲ್ಲೂ ಕಾಣಿಸಿಕೊಂಡಿದ್ದರು.
ವಿಶ್ವದ ಅತಿದೊಡ್ಡ ಬರ್ಗರ್ ಬ್ರಾಂಡ್‌ನ ಬ್ರಾಂಡ್ ಅಂಬಾಸಿಡರ್ ಆಗಿದ್ದಾರೆ ಕಿರಿಕ್‌ ಚೆಲುವೆ.
ಕಳೆದ ವರ್ಷ, ಜನವರಿಯಲ್ಲಿ ಕರ್ನಾಟಕದ ಕೊಡಗು ಜಿಲ್ಲೆಯ ವಿರಾಜಪೇಟೆಯಲ್ಲಿರುವ ರಶ್ಮಿಕಾ ಮನೆ ಮೇಲೆ ಐಟಿ ದಾಳಿ ನಡೆಸಿದಾಗ ಸಾಕಷ್ಟು ಸುದ್ದಿಯಾಗಿತ್ತು.
ನಟಿ 2016-2017ರ ಅವಧಿಯವರೆಗೆ ಮಾತ್ರ ತೆರಿಗೆ ಪಾವತಿಸಿದ್ದರು ಎಂದು ವರದಿಗಳು ಹೇಳುತ್ತವೆ.
ಡೆಕ್ಕನ್ ಕ್ರಾನಿಕಲ್ ವರದಿ ಪ್ರಕಾರ ಐಟಿ ಅಧಿಕಾರಿಗಳು 25 ಲಕ್ಷ ರೂ ಲೆಕ್ಕವಿಲ್ಲದ ಹಣ, ದಾಖಲೆಗಳು ಮತ್ತು 3.94 ಕೋಟಿ ರೂ.ಗಳ ಮೌಲ್ಯದ ಅಘೋಷಿತ ಆಸ್ತಿ ವಶಪಡಿಸಿಕೊಂಡಿದ್ದಾರೆ ಎನ್ನಲಾಗುತ್ತಿದೆ.
ಹಾಗೇ ರಶ್ಮಿಕಾ 1.5 ಕೋಟಿ ರೂ ತೆರಿಗೆ ಬಾಕಿ ಉಳಿಸಿಕೊಂಡಿದ್ದರು ಎನ್ನಲಾಗುತ್ತಿದೆ.
ಅಲ್ಲದೆ, ರಶ್ಮಿಕಾಗೆ ಎರಡು ಪ್ಯಾನ್ ಆಕೌಂಟ್‌ಗಳಿವೆ ಎಂಬ ಸುದ್ದಿಯೂ ಹರಿದಾಡಿತ್ತು.
ನಂತರ, ರಶ್ಮಿಕಾ ಮತ್ತು ಅವರ ತಂದೆ ಮದನ್ ಮಂದಣ್ಣ ಐಟಿ ಕಚೇರಿಗೆ ಭೇಟಿ ನೀಡಿ, ಅಗತ್ಯವಿರುವ ಎಲ್ಲ ದಾಖಲೆಗಳನ್ನು ನೀಡಿದರು.
'ಐ-ಟಿ ಅಧಿಕಾರಿಗಳು ಕೆಲವು ದಾಖಲೆಗಳನ್ನು ಕೋರಿದ್ದಾರೆ ಮತ್ತು ಅವುಗಳನ್ನು ಸಲ್ಲಿಸಲು ತೆರಳಿದ್ದವು,' ಎಂದು ಮಾಧ್ಯಮಗಳ ಜೊತೆ ಮಾತನಾಡಿದ ರಶ್ಮಿಕಾರ ತಂದೆ ಹೇಳಿದ್ದರು.
