ಕೇರಳ ಕುಟ್ಟಿಯಾದ ಮೇಘಾ ಶೆಟ್ಟಿ… ಸೌಂದರ್ಯಕ್ಕೆ ಅನ್ವರ್ಥನಾಮ ನೀನೆ ಎಂದ ಅಭಿಮಾನಿ

ಜೊತೆ ಜೊತೆಯಲಿ ಸೀರಿಯಲ್ ಮೂಲಕ ಕಿರುತೆರೆಗೆ ಎಂಟ್ರಿ ಕೊಟ್ಟ ನಟಿ ಮೇಘಾ ಶೆಟ್ಟಿ (Megha Shetty), ಅನು ಸಿರಿಮನೆ ಅಂತಾನೆ ಕರ್ನಾಟಕದ ಮನೆಯಲ್ಲೂ ಜನಪ್ರಿಯತೆ ಪಡೆದಿದ್ದರು. ಸದ್ಯ ಸ್ಯಾಂಡಲ್ ವುಡ್’ನಲ್ಲಿ ಸಖತ್ ಬ್ಯುಸಿಯಾಗಿರುವ ನಟಿ. 
 

ಕಿರುತೆರೆಗೆ ಸಂಪೂರ್ಣವಾಗಿ ಗುಡ್ ಬೈ ಹೇಳಿ, ಸಿನಿಮಾಗಳತ್ತ ಮುಖ ಮಾಡಿರುವ ಮೇಘಾ ಶೆಟ್ಟಿ ಈಗಾಗಲೇ ಮೂರು ಸಿನಿಮಾಗಳಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ಇದರ ಜೊತೆಗೆ ಸೀರಿಯಲ್ ನಿರ್ಮಾಣದ ಹೊಣೆ ಹೊತ್ತು ಒಂದೆರಡು ಸೀರಿಯಲ್ ಗಳನ್ನು ನಿರ್ಮಿಸಿದ್ದಾರೆ. 
 

ಮೇಘಾ ಶೆಟ್ಟಿ ಗೋಲ್ಡನ್ ಸ್ಟಾರ್ ಗಣೇಶ್ (Golden star Ganesh) ನಟನೆಯ ‘ತ್ರಿಬಲ್ ರೈಡಿಂಗ್’ ಚಿತ್ರದ ಮೂಲಕ ಸ್ಯಾಂಡಲ್’ವುಡ್ ಗೆ ಎಂಟ್ರಿ ಕೊಟ್ಟರು. ನಂತರ ಡಾರ್ಲಿಂಗ್ ಕೃಷ್ಣ ಜೊತೆ ದಿಲ್ ಪಸಂದ್ ಚಿತ್ರದಲ್ಲಿ ನಟಿಸಿದರು. ಧನ್ವೀರ್ ಗೌಡ ಜೊತೆ ಕೈವಾ ಸಿನಿಮಾದಲ್ಲೂ ನಟಿಸಿದ್ದರು.  ಸದ್ಯ ವಿನಯ್ ರಾಜ್‌ಕುಮಾರ್ ಅಭಿನಯದ ಗ್ರಾಮಾಯಣ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.
 

ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟೀವ್ ಆಗಿರುವ ಈ ಮಂಗಳೂರಿ ಬ್ಯೂಟಿಗೆ ಇನ್ಸ್ಟಾಗ್ರಾಂನಲ್ಲಿ ಈಗಾಗಲೇ 1.2 ಮಿಲಿಯನ್ ಫಾಲೋವರ್ಸ್ ಇದ್ದಾರೆ. ಹಾಗಾಗಿ ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟೀವ್ ಆಗಿರುವ ಮೂಲಕ ನಟಿ ಹೆಚ್ಚಾಗಿ ತಮ್ಮ ಫೋಟೊ, ವಿಡಿಯೋ ಶೇರ್ ಮಾಡುವ ಮೂಲಕ ಅಭಿಮಾನಿಗಳ ಜೊತೆ ಕನೆಕ್ಟ್ ಆಗುತ್ತಿರುತ್ತಾರೆ. 
 

ಮೇಘಾ ಶೆಟ್ಟಿ ಹೆಚ್ಚಾಗಿ ಟ್ರೆಡಿಷನಲ್ ಲುಕ್, ಮಾಡರ್ನ್ ಲುಕ್ ನಲ್ಲಿ ಫೋಟೊ ಶೂಟ್ ಮಾಡಿಸಿ, ಅದನ್ನ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ. ಇದೀಗ ನಟಿ ಕೇರಳ ಕುಟ್ಟಿಯಾಗಿ ಕಾಣಿಸಿಕೊಂಡಿದ್ದಾರೆ. ಬಿಳಿ ಬಣ್ಣದ ಕೇರಳ ಸೀರೆಯುಟ್ಟು ಫೋಟೊ ಶೂಟ್ ಮಾಡಿಸಿದ್ದು ಅಭಿಮಾನಿಗಳು ಫಿದಾ ಆಗಿದ್ದಾರೆ. 
 

ಗೋಲ್ಡನ್ ಬಾರ್ಡರ್ ಇರುವಂತಹ ಬಿಳಿ ಬಣ್ಣದ ಕಸುವು ಸೀರೆಯುಟ್ಟು, ಅದಕ್ಕೆ ಬಿಳಿ ಬಣ್ಣದ ಬ್ಲೌಸ್ ಧರಿಸಿ, ತಲೆಗೆ ಮಲ್ಲಿಗೆ ಹೂವು ಮುಡಿದು, ಕೈಯಲ್ಲಿ ಹೂವಿನ ಬುಟ್ಟಿ ಹಿಡಿದು, ಹಣೆಗೆ ಅಡ್ಡ ನಾಮ ಹಾಕಿ ಥೇಟ್ ಮಲಯಾಳ ಕುಟ್ಟಿ ತರ ಕಾಣಿಸ್ತಿದ್ದಾರೆ. ಮೇಘಾ ಶೆಟ್ಟಿಯ ಈ ಹೊಸ ಟ್ರೆಡಿಶನಲ್ ಲುಕ್ ನೋಡಿ, ಯುವಕರ ಹೃದಯದ ತಾಳ ತಪ್ಪಿದ್ದು, ಕವಿಗಳಾಗಿ ಕಾಮೆಂಟ್ ಸೆಕ್ಷನ್ ನಲ್ಲಿ ಕವನ ಗೀಚಿದ್ದಾರೆ. 
 

ಒಬ್ಬರು ದೇವರಿಗೆ ಇಟ್ಟ ಹಣ್ಣು ಸೀರೆ ಉಟ್ಟ ಹೆಣ್ಣು ಎಂದೂ ಚೆಂದ ಎಂದು ಬರೆದರೆ, ಹೆಚ್ಚಿನವರು ಕೇರಳ ಸೀರೆಯಲ್ಲಿ ಅಪ್ಸರೆಯಂತೆ ಕಾಣಿಸ್ತೀರಿ, ಸೀರೆಯುಟ್ಟ ದೇವತೆ ನೀವು, ನಿಮಗೆ ಸೀರೆ ಚಂದವೋ, ನಿಮ್ಮಿಂದಾಗಿ ಸೀರೆ ಚಂದ ಕಾಣಿಸ್ತಿದೆಯೋ ಗೊತ್ತಾಗ್ತಿಲ್ಲ, ಎಂದಿದ್ದಾರೆ. ಇನ್ನೂ ಒಬ್ಬರು ನಿಮ್ಮ ಸೀರೆ ಲುಕ್ ನೋಡಿ ರಾತ್ರಿ ನಿದ್ರೆಯೆ ಬರುತ್ತಿಲ್ಲ, ನಿದ್ದೆ ಕೆಡಿಸುವಷ್ಟು ನಿಮ್ಮ ಸೌಂದರ್ಯ ಕಾಡುತ್ತಿದೆ ಎಂದಿದ್ದಾರೆ.