ರಚಿತಾ ರಾಮ್ ಬಳಿ ಇದೆ 1.5 ಕೋಟಿ ರೂ ಕಾರು, ಈ ವಾಹನ ಹೊಂದಿರುವ ಕನ್ನಡದ ಏಕೈಕ ನಟಿ!

ಸ್ಯಾಂಡಲ್‌ವುಡ್ ನಟಿ ರಚಿತಾ ರಾಮ್ ಸದ್ಯ ಝೈದ್ ಖಾನ್ ಅಭಿನಯದ ಕಲ್ಟ್ ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ. ಇತ್ತ ರಜನಿಕಾಂತ್ ಬಹುನಿರೀಕ್ಷಿತ ಚಿತ್ರ ಕೂಲಿಯಲ್ಲಿ ನೆಗಟೀವ್ ರೂಲ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಅನ್ನೋ ಮಾತುಗಳು ಕೇಳಿಬರುತ್ತಿದೆ. ಎರಡೂ ಚಿತ್ರದಲ್ಲಿ ರಚಿತಾ ರಾಮ್ ದುಬಾರಿ ಮೊತ್ತ ಪಡೆದಿದ್ದಾರೆ ಅನ್ನೋ ಮಾತುಗಳು ಕೇಳಿಬರುತ್ತಿದೆ. ಇದರ ನಡುವೆ ರಚಿತಾ ರಾಮ್ ದುಬಾರಿ ಕಾರು ಕೂಡ ಸದ್ದು ಮಾಡುತ್ತಿದೆ.

ರಚಿತಾ ರಾಮ್ ಕಲ್ಟ್ ಸಿನಿಮಾಗೆ ಬರೋಬ್ಬರಿ 1 ಕೋಟಿ ರೂಪಾಯಿ ವೇತನ ಕೇಳಿದ್ದಾರೆ ಅನ್ನೋ ವರದಿ ಬಹಿರಂಗವಾಗಿದೆ. ಆದರೆ ರಚಿತಾ ರಾಮ್ ಶೂಟಿಂಗ್‌ಗಾಗಿ ಓಡಾಡಲು ಬರೋಬ್ಬರಿ 1.5 ಕೋಟಿ ರೂಪಾಯಿ ಕಾರು ಬಳಸುತ್ತಿದ್ದಾರೆ ಅನ್ನೋ ಮಾಹಿತಿ ಬಯಲಾಗಿದೆ. ಮೂಲಗಳ ಪ್ರಕಾರ ರಚಿತಾ ರಾಮ್ ಟೋಯೋಟಾ ವೆಲ್‌ಫೈರ್ ಕಾರಿನಲ್ಲೇ ಓಡಾಡುತ್ತಿದ್ದಾರೆ.
 

ಟೋಯೋಟಾ ಫೆಲ್‌ಫೈರ್ ಆನ್ ರೋಡ್ ಬೆಲೆ ಸರಿಸುಮಾರು 1.5 ಕೋಟಿ ರೂಪಾಯಿ. ಇದು ಸಣ್ಣ ಕ್ಯಾರವಾನ್. ಆರಾಮದಾಯಕ ಪ್ರಯಾಣ, ವಿಶ್ರಾಂತಿಗೆ ಹೇಳಿಮಾಡಿಸಿದ ಕಾರು, ಮಾಡಿಫೈ ಮಾಡಿದರೆ ಇದೇ ಕಾರು ಕ್ಯಾರವಾನ್ ರೀತಿ ಬಳಕೆ ಮಾಡಬಹುದು. ಅಷ್ಟು ಸ್ಥಳವಕಾಶ ಈ ಕಾರಿನಲ್ಲಿದೆ.
 

ಟೋಯೋಟಾ ವೆಲ್‌ಫೈರ್ ಕಾರನ್ನು ಬಹುತೇಕ ಸೆಲೆಬ್ರೆಟಿಗಳು, ರಾಜಕಾರಣಗಳು ಬಳಸುತ್ತಾರೆ. ಇದರ ಸ್ಥಳವಕಾಶ, ಶೂಟಿಂಗ್ ನಡುವೆ ವಿಶ್ರಾಂತಿ ಸೇರಿದಂತೆ ಹಲವು ಕಾರಣಗಳಿಗೆ ಈ ಕಾರು ಅತ್ಯಂತ ಸೂಕ್ತವಾಗಿದೆ. ಸ್ಯಾಂಡಲ್‌ವುಡ್‌ನಲ್ಲಿ ಕಿಚ್ಚ ಸುದೀಪ್, ಡಾಲಿ ಧನಂಜಯ್, ಅಭಿಷೇಕ್ ಅಂಬರಿಷ್ ಸೇರಿದಂತೆ ಕೆಲವೆ ಕೆಲವು ನಟರು ಈ ಕಾರನ್ನು ಬಳಸುತ್ತಿದ್ದಾರೆ. 

ಸ್ಯಾಂಡಲ್‌ವುಡ್‌ನ ನಟರ ಪೈಕಿ ಕೆಲವರು ಟೋಯೋಟಾ ವೆಲ್‌ಫೈರ್ ಕಾರು ಬಳಸುತ್ತಿದ್ದರೆ, ನಟಿಯರ ಪೈಕಿ ಕೇವಲ ರಚಿತಾ ರಾಮ್ ಮಾತ್ರ ಈ ಕಾರು ಬಳಸುತ್ತಿದ್ದಾರೆ. ಈ ಮೂಲಕ ವೆಲ್‌ಫೈರ್ ಕಾರು ಬಳಸುತ್ತಿರವ ಏಕೈಕ ನಟಿ ಅನ್ನೋ ಹೆಗ್ಗಳಿಕೆಗೆ ರಚಿತಾ ಪಾತ್ರವಾಗಿದ್ದಾರೆ. 
 

ರಚಿತಾ ರಾಮ್ ಬಳಿ ಇತರ ಕೆಲ ಐಷಾರಾಮಿ ಕಾರುಗಳಿವೆ. ಈ ಪೈಕಿ ರಚಿತಾ ಅತೀ ಹೆಚ್ಚು ಬಳಕೆ ಮಾಡಿದ ಕಾರು ಮರ್ಸಿಡೀಸ್ ಬೆಂಜ್ ಜಿಎಲ್ಎಸ್ 350 ಡಿ ಎಸ್‌ಯುವಿ ಕಾರು. ಇದು ನೀಲಿ ಬಣ್ಣದ ಕಾರಾಗಿದೆ. ಇದರ ಬೆಲೆ ಸರಿಸುಮಾರು 1.6 ಕೋಟಿ ರೂಪಾಯಿ 2019ರಲ್ಲಿ ರಚಿತಾ ರಾಮ್ ಈ ಕಾರು ಖರೀದಿಸಿದ್ದಾರೆ.