ಇವರಲ್ಲಿ ಹಂಸಲೇಖ ಅವರ ಜೊತೆಗಿನ ನಿಮ್ಮಿಷ್ಟದ ಕಾಂಬಿನೇಷನ್ ಯಾವುದು?

ಸಾವಿರಾರು ಹಾಡುಗಳನ್ನು ರಚಿಸುವುದರ ಜೊತೆಗೆ ತಮ್ಮ ವಿಭಿನ್ನ,ವಿಶಿಷ್ಟ ಸಂಗೀತ ಕೌಶಲ್ಯವನ್ನು ಜಗತ್ತಿಗೆ ಪರಿಚಯಿಸಿದ ಅಪರೂಪದ ಕಲಾವಿದ ಇವರು. ಡಾ . ರಾಜ್ ಕುಮಾರ್ ಆದಿಯಾಗಿ ಸ್ಯಾಂಡಲ್ ವುಡ್ ನ ಅನೇಕ ನಟರಿಗೆ ಸ್ಟಾರ್ ಗಿರಿ ತಂದುಕೊಡಲು ಇವರ ಸಾಹಿತ್ಯ ಮತ್ತು ಸಂಗೀತ ಕೂಡ ಪ್ರಮುಖ ಪಾತ್ರ ವಹಿಸಿದೆ ಅಂದ್ರೆ ತಪ್ಪಲ್ಲ. ಹೌದು ಯಾವ ಹೆಸರು ಕೇಳಿದರೆ ಕನ್ನಡಿಗರು ಒಂದು ಕ್ಷಣ ರೋಮಾಂಚಿತರಾಗುತ್ತಾರೋ ಅವರೇ ನಾದಬ್ರಹ್ಮ ಹಂಸಲೇಖ .ಇಲ್ಲಿ ಹಂಸಲೇಖ ಅವರ ಜೊತೆಗೆ ಕೆಲಸ ಮಾಡಿದ ಕೆಲವು ಸ್ಟಾರ್ ನಟರ ಪಟ್ಟಿ ನೀಡಲಾಗಿದೆ ನೋಡಿ ಹಾಗೆ ನಿಮ್ಮಿಷ್ಟದ್ದು ಯಾವುದೆಂದು ತಿಳಿಸಿ..
 

ಕನಸುಗಾರ ವಿ. ರವಿಚಂದ್ರನ್ - ಹಂಸಲೇಖ

ಈ ಜೋಡಿ ಭಾರತೀಯ ಸಿನಿಮಾ ಇತಿಹಾಸದಲ್ಲೇ ಅತಿಹೆಚ್ಚು ಹಿಟ್ ಹಾಡಿಗಳನ್ನು ನೀಡಿದೆ. ಇವರು ಕನ್ನಡ ಸಿನಿ ಸಂಗೀತಕ್ಕೆ ಇವರು ನೀಡಿರುವ ಹಾಡುಗಳು ಇಂದಿಗೂ ಕೇಳುಗರ ಹೃದಯದಲ್ಲಿ ಶಾಶ್ವತ ಸ್ಥಾನ ಪಡೆದುಕೊಂಡಿವೆ. ಹಂಸಲೇಖ ಅವರು ಬೆಳಕಿಗೆ ಬರಲು ಮೂಲ ಕಾರಣವೇ ರವಿಚಂದ್ರನ್ ಮತ್ತು ಅವರ ತಂದೆ ವೀರಾಸ್ವಾಮಿ ಅವರೇ ಕಾರಣ ಎಂದು ಈಗಲೂ ಹೇಳುತ್ತಾರೆ.

ಡಾ . ರಾಜ್ ಕುಮಾರ್ - ಹಂಸಲೇಖ

ಇವರ ಕಾಂಬಿನೇಷನ್ ನಲ್ಲಿ ಹೊರಬಂದಿರುವ ಅದೆಷ್ಟೋ ಹಾಡುಗಳು ಅಂದಿಗೂ , ಇಂದಿಗೂ ಎಂದೆಂದಿಗೂ ಹಿಟ್ ಎನ್ನುವುದನ್ನು ಪದೇ ಪದೇ ಸಾಬೀತು ಮಾಡುತ್ತಿವೆ.ಆಕಸ್ಮಿಕ ,ಶಬ್ಧವೇಧಿ ಹೀಗೆ ಸಾಕಷ್ಟು ಸಿನಿಮಾಗಳು ಇವರ ಹಾಡುಗಳಿಂದ ಹಿಟ್ ಆಗಿವೆ.

ಶಂಕರ್ ನಾಗ್ - ಹಂಸಲೇಖ

ಕರಾಟೆ ಕಿಂಗ್ ಶಂಕರ್ ನಾಗ್ ಅವರ ಸಾಂಗ್ಲಿಯಾನ ,ಹೊಸಜೀವನ ಸೇರಿದಂತೆ ಹಲವು ಸಿನಿಮಾಗಳಿಗೆ ಅದ್ಭುತ ಹಾಡುಗಳನ್ನು ನೀಡಿದ್ದಾರೆ ಹಂಸಲೇಖ ಅವರು .
 

ಸಾಹಸಸಿಂಹ ಡಾ ವಿಷ್ಣುವರ್ಧನ್ - ಹಂಸಲೇಖ

ಮಲಯಮಾರುತ, ದಿಗ್ಗಜರು,ಪರ್ವ ಹೀಗೆ ಸಾಲುಸಾಲು ವಿಷ್ಣುವರ್ಧನ್ ಅವರ ಚಿತ್ರಗಳಿಗೆ ಹಂಸಲೇಖ ಅವರು ಸಂಗೀತ ನಿರ್ದೇಶನ ಮಾಡಿದ್ದಾರೆ ಮಾಡಿದ ಎಲ್ಲಾ ಹಾಡುಗಳು ಹಿಟ್ ಲಿಸ್ಟ್ ನಲ್ಲಿರುವುದು ವಿಶೇಷ.

ರೆಬೆಲ್ ಸ್ಟಾರ್ ಅಂಬರೀಷ್ - ಹಂಸಲೇಖ

ಮಣ್ಣಿನದೋಣಿ,ದಿಗ್ಗಜರು ಚಿತ್ರಗಳ ಹಾಡುಗಳು ಸೇರಿದಂತೆ ಅನೇಕ ಸೂಪರ್ ಹಿಟ್ ಹಾಡುಗಳು ಈ ಕಾಂಬಿನೇಷನ್ ನೀಡಿದೆ.
 

ಶಿವರಾಜ್ ಕುಮಾರ್ - ಹಂಸಲೇಖ

ಕರುನಾಡ ಚಕ್ರವರ್ತಿ ಡಾ ಶಿವರಾಜ್ ಕುಮಾರ್ ಅವರಿಗೆ ಹಂಸಲೇಖ ಅವರು ಅತಿಹೆಚ್ಚು ಹಿಟ್ ಹಾಡುಗಳನ್ನು ನೀಡಿದ್ದಾರೆ. ದೊರೆ,ಮುತ್ತಣ್ಣ ಹೀಗೆ ಹಲವಾರು ಸಿನಿಮಾಗಳಿಗೆ ಹಿಟ್ ಯಶಸ್ವಿ ಹಾಡುಗಳನ್ನು ಸಂಗೀತ ಪ್ರಿಯರಿಗೆ ನೀಡಿದ್ದಾರೆ.

ಟೈಗರ್ ಪ್ರಭಾಕರ್

ಟೈಗರ್ ಪ್ರಭಾಕರ್ ಹಾಗು ಹಂಸಲೇಖ ಕಾಂಬಿನೇಷನ್ ನಲ್ಲಿ ಮೂಡಿಬಂದಿರುವುದು ಕೆಲವೇ ಹಾಡುಗಳಾದ್ರು ಬಂದ ಎಲ್ಲಾ ಹಾಡುಗಳೆಲ್ಲವೂ ಹಿಟ್ ಆಗಿವೆ.

ಕಾಶಿನಾಥ್ - ಹಂಸಲೇಖ

ನಟ , ನಿರ್ದೇಶಕ ಕಾಶಿನಾಥ್ ಅವರ ಜೊತೆಗೆ ಕೂಡ ಹಂಸಲೇಖ ಅವರು ಮಾಡಿರುವುದು ಕೆಲವೇ ಸಿನಿಮಾಗಳು ಅವೆಲ್ಲವೂ ಯಶಸ್ವಿಯಾಗಿ ಹಾಡುಗಳು ಕೂಡ ಕೂಡ ಜನರ ಮನಸ್ಸಿನಲ್ಲಿ ಉಳಿದುಕೊಂಡಿದೆ.