ದಾಂಪತ್ಯದಲ್ಲಿ personal space ಎಷ್ಟಿರಬೇಕು?
ರಿಲೇಶನ್ಶಿಪ್ನಲ್ಲಿರುವಾಗ ಜನರು ಎಲ್ಲಾ ವಿಷಯವನ್ನು, ಅದು ಸಣ್ಣದಾಗಿರಲಿ ಅಥವಾ ದೊಡ್ಡದಾಗಿರಲಿ ತಮ್ಮ ಸಂಗಾತಿಯೊಂದಿಗೆ ಹಂಚಿಕೊಳ್ಳುತ್ತಾರೆ, ಆದರೆ ನೀವು ಬಯಸಿದರೂ ನೀವು ಹಂಚಿಕೊಳ್ಳಲಾಗದ ಕೆಲವು ವಿಷಯಗಳಿರುತ್ತವೆ. ಆ ವಿಷಯಗಳನ್ನು ನೀವು ಹೇಳದೇ ಇದ್ದಾಗ, ಸಂಬಂಧಗಳು ದೂರವಾಗುತ್ತವೆ ಮತ್ತು ಅನುಮಾನ ಮೂಡುತ್ತವೆ. ಸಂಬಂಧಗಳಲ್ಲಿ ಅಷ್ಟೊಂದು ಇಂಟರ್ ಫಿಯರೆನ್ಸ್ ಅಗತ್ಯ ಇದ್ಯಾ? ಖಂಡಿತಾ ಇಲ್ಲ.! ಪರಸ್ಪರ ಸಂಬಂಧಗಳಲ್ಲಿ ಸ್ವಲ್ಪ ಸ್ಪೇಸ್ ಕೊಡಬೇಕು, ಆದರೆ ಈ ಸ್ಪೇಸ್ ಸಹ ಸಂಬಂಧ ಮನಸ್ಸಿನಲ್ಲಿಟ್ಟುಕೊಂಡು ಕೊಡಬೇಕು, ಆಗ ನಿಮ್ಮ ಸಂಬಂಧವು ಹದಗೆಡುವುದಿಲ್ಲ.
ಎಲ್ಲೋ ಒಂದು ಕಡೆ ಪ್ರತಿಯೊಂದೂ ಸಂಬಂಧಕ್ಕೂ ಸ್ವಲ್ಪ ಸ್ಪೇಸ್ (Space) ಅಗತ್ಯವಿದೆ. ಹಾಗಾದಾಗ ಮಾತ್ರ ನಾವು ಬಯಸಿದಂತೆ ಇರಲು ಸಾಧ್ಯವಾಗುತ್ತೆ. ಸಂಬಂಧದಲ್ಲಿ ಸ್ಪೇಸ್ ಕೊಡೋದು ಎಷ್ಟು ಸರಿ ಮತ್ತು ಎಷ್ಟು ತಪ್ಪು ಎಂದು ತಿಳಿಯೋಣ.
ನಿಮ್ಮ ಆಸಕ್ತಿಯ ಬಗ್ಗೆ ಯೋಚಿಸುವ ಸಮಯ
ಸಂಬಂಧದಲ್ಲಿ ಸ್ಪೇಸ್ ನೀಡುವುದು ಸಹ ಮುಖ್ಯ. ಯಾಕಂದ್ರೆ ಇದು ನಿಮ್ಮ ಬಗ್ಗೆ ಯೋಚಿಸಲು ನಿಮಗೆ ಸ್ವಲ್ಪ ಸಮಯ ನೀಡುತ್ತೆ. ನಿಮ್ಮನ್ನು ಯಾವುದು ಸಂತೋಷಪಡಿಸಬಹುದು, ನಿಮ್ಮ ಕರ್ತವ್ಯಗಳು ಯಾವುವು, ಇತ್ಯಾದಿ. ಸಂಬಂಧ ಎಂಬ ಪದವು ಚಿಕ್ಕದಾಗಿದೆ, ಆದರೆ ಅದರ ಅರ್ಥವು ತುಂಬಾ ದೊಡ್ಡದು .ಹಾಗಾಗಿ ಯಾವುದೇ ರಿಲೇಷನ್ಶಿಪ್ ನಲ್ಲಿ(Relationship) ಸ್ಪೇಸ್ ನೀಡೋದು ತುಂಬ ಮುಖ್ಯ.
ರಿಲೇಶನ್ ಶಿಪ್ ಗ್ಯಾಪ್(Gap) ಬರದಂತೆ ತಡೆಯುತ್ತೆ
ಸ್ಪೇಸ್ ನೀಡೋದ್ರಿಂದ, ಖಂಡಿತವಾಗಿಯೂ ಇಬ್ಬರಿಗೂ ಸ್ವಾತಂತ್ರ್ಯ ಸಿಗುತ್ತೆ. ಇದರಿಂದ ಇಬ್ಬರೂ ತಮಗೆ ಬೇಕಾದ ಕೆಲಸ ಮಾಡಬಹುದು. ಹೀಗೆ ಮಾಡೋದ್ರಿಂದ ಇಬ್ಬರ ನಡುವೆ ಭಿನ್ನಾಭಿಪ್ರಾಯ ಗೊಂದಲ ಮೂಡಲು ಸಾಧ್ಯವಿರೋದಿಲ್ಲ.
ಸಂತೋಷದಿಂದ(Happy) ಇರಲು ಸಾಧ್ಯ
ಸಂಬಂಧದಲ್ಲಿ ಸ್ಪೇಸ್ ಕೊಡೋದ್ರಿಂದ, ನಿಮ್ಮ ಸಂತೋಷದ ಬಗ್ಗೆ ಯೋಚಿಸಲು ಸಮಯ ತೆಗೆದುಕೊಳ್ಳಬಹುದು, ಕ್ವಾಲಿಟಿ ಟೈಮ್ ಬಗ್ಗೆ ಸಹ ನೀವು ಯೋಚಿಸಬಹುದು. ಅಷ್ಟೇ ಅಲ್ಲ ನೀವು ಸಂತೋಷವಾಗಿರಲು ಒಂದು ಕಾರಣವನ್ನು ಸಹ ಕಂಡುಕೊಳ್ಳಬಹುದು.
ಸಂಬಂಧದಲ್ಲಿ ಡೆಪೆಂಡೆನ್ಸಿ(Dependency) ಕೊನೆಗೊಳ್ಳುತ್ತೆ
ಪರಸ್ಪರ ಸಂಬಂಧದಲ್ಲಿ ಬಲ ಮತ್ತು ಡೆಪೆಂಡೆನ್ಸಿ ಕೊನೆಗೊಳಿಸಲು ಬಯಸಿದರೆ, ಸ್ವಲ್ಪ ಸ್ಪೇಸ್ ನೀಡೋದು ತುಂಬಾ ಮುಖ್ಯ, ಇಲ್ಲದಿದ್ದರೆ ಪರಸ್ಪರರ ಮೇಲೆ ಅವಲಂಬನೆ ಸಂಬಂಧಗಳನ್ನು ವಿಷಕಾರಿಯಾಗಿಸಬಹುದು.
ಏನು ಮಾಡಬೇಕು?
- ಎಲ್ಲಾ ವಿಷ್ಯಗಳನ್ನು ಶೇರ್(Share) ಮಾಡೋದನ್ನು ತಪ್ಪಿಸಿ. ಯಾವ ವಿಷ್ಯಗಳನ್ನು ಹೇಳಲೇಬೇಕು ಅದನ್ನು ಮಾತ್ರ ಹೇಳಿ. ಉಳಿದ ವಿಷ್ಯಗಳನ್ನು ಸಂಗಾತಿ ಬಳಿ ಹೇಳಬೇಡಿ.
- ಪರಸ್ಪರರ ವ್ಯವಹಾರಗಳಲ್ಲಿ ಇಂಟರ್ ಫಿಯರ್ ಆಗೋದೆ ಬೇಡ. ಅವರವರ ಕೆಲಸಗಳನ್ನು ಅವರಿಗೆ ಮಾಡಲು ಬಿಡಿ.
- ಯಾವುದೇ ವಿಷ್ಯ ಆಗಿರಲಿ, ಅದರ ಬಗ್ಗೆ ಸಂಗಾತಿ ಬಳಿ ಅತಿಯಾಗಿ ಪ್ರಶ್ನಿಸೋದನ್ನು ತಪ್ಪಿಸಿ.
- ಸ್ನೇಹಿತರೊಂದಿಗೆ(Friends) ಸ್ವಲ್ಪ ಸಮಯ ಕಳೆಯಲು ಬಿಡಿ. ಹೀಗಿದ್ದರೆ ಮಾತ್ರ ಸಂತೋಷವಾಗಿರಲು ಸಾಧ್ಯ.
- ಸಂಬಂಧದಲ್ಲಿ ಬೇಸರ, ಗೊಂದಲ ಅಥವಾ ದೂರವು ಹೆಚ್ಚಾಗಲು ಪ್ರಾರಂಭಿಸಿದರೆ, ನಿಮ್ಮ ಸಂಗಾತಿಯೊಂದಿಗೆ ಮುಕ್ತವಾಗಿ ಮಾತನಾಡಿ.
ಸಂಬಂಧದಲ್ಲಿ ಸ್ಪೇಸ್ ನೀಡೋದು ಸರಿಯೇ?
- ಸ್ಪೇಸ್ ನೀಡೋದ್ರಿಂದ ಸಂಬಂಧದ ಕಡೆಗೆ ಸಕಾರಾತ್ಮಕತೆಯನ್ನು ಹೆಚ್ಚಿಸುತ್ತೆ.
- ಪರಸ್ಪರ ಬಂಧವು ಬಲವಾಗುತ್ತೆ.
- ಸಂಬಂಧದಲ್ಲಿ ಬ್ಯಾಲೆನ್ಸ್(Balance) ಬರುತ್ತೆ .
- ಪರಸ್ಪರರ ಮೇಲಿನ ಡೆಪೆಂಡೆನ್ಸಿ ಕೊನೆಗೊಳ್ಳುತ್ತೆ