ಹವಾಮಾನದಂತೆ ಜನರು ಕೂಡ ಬದಲಾಗ್ತಾರಂತೆ… ವಿಜ್ಞಾನಿಗಳು ಏನ್ ಹೇಳ್ತಾರೆ ?

ಹವಾಮಾನ ಬದಲಾದಾಗ ಜನರ ಮನಸ್ಥಿತಿ ಮತ್ತು ನಡವಳಿಕೆ ಬದಲಾಗುತ್ತದೆ ಎಂದು ನಿಮಗೆ ತಿಳಿದಿದೆಯೇ? ಹೌದು, ಇದು ಸುಳ್ಳಲ್ಲ, ನಿಜವಾದ ಮಾತು. ಇದು ಇಲ್ಲಿಯವರೆಗೆ ಅನೇಕ ಸಂಶೋಧನೆಗಳಲ್ಲಿ ಬಹಿರಂಗವಾಗಿದೆ. 

ಹವಾಮಾನ ಬದಲಾಗೋ ಹಾಗೆ ನೀನು ಕೂಡ ಬದಲಾದೆ ಅಲ್ವಾ? ಎಂದು ಜನರು ಹೇಳುವುದನ್ನು ನೀವು ಆಗಾಗ್ಗೆ ಕೇಳಿದ್ದೀರಿ. ಜನರು ಏಕೆ ಬದಲಾಗುತ್ತಾರೆ ಮತ್ತು ಅದನ್ನು ಹವಾಮಾನಕ್ಕೆ ಯಾಕೆ ಹೋಲಿಸುತ್ತಾರೆ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ? ಇದರ ಹಿಂದೆ ವೈಜ್ಞಾನಿಕ ಕಾರಣವಿದೆ (Scientific Reason). ಹವಾಮಾನದಲ್ಲಿನ ಬದಲಾವಣೆಗಳು ಜನರ ಮನಸ್ಥಿತಿ (Weather and Mood)ಮತ್ತು ನಡವಳಿಕೆಯನ್ನು ದೊಡ್ಡ ಪ್ರಮಾಣದಲ್ಲಿ ಬದಲಾಯಿಸಬಹುದು. ಹಾಗಾಗಿ ಹವಾಮಾನ ಬದಲಾದಂತೆ ಮನುಷ್ಯರು ಬದಲಾಗೋದು ನಿಜ.

ಇಲ್ಲಿಯವರೆಗೆ, ಅನೇಕ ಅಧ್ಯಯನಗಳು ಹವಾಮಾನ ಮತ್ತು ಮನಸ್ಥಿತಿಯ ಬದಲಾವಣೆಗಳ (Mood Swing) ನಡುವಿನ ಸಂಬಂಧವನ್ನು ಬಹಿರಂಗಪಡಿಸಿವೆ. ಹವಾಮಾನ ಮತ್ತು ಮಾನಸಿಕ ಆರೋಗ್ಯದ (Mental Health) ನಡುವೆ ಆಳವಾದ ಸಂಬಂಧವಿದೆ ಎಂದು ಅನೇಕ ಸಂಶೋಧನೆಗಳು (Research) ಸಹ ಹೇಳಿಕೊಂಡಿವೆ. ತಾಪಮಾನದಲ್ಲಿನ ಬದಲಾವಣೆಯು ಮಾನಸಿಕ ಆರೋಗ್ಯದ (mental health) ಮೇಲೆ ಪರಿಣಾಮ ಬೀರುತ್ತದೆ ಮತ್ತು ತಾಪಮಾನದಲ್ಲಿನ ಬದಲಾವಣೆಯಿಂದ ಜನರು ಸಂತೋಷ ಅಥವಾ ದುಃಖವನ್ನು ಅನುಭವಿಸಲು ಪ್ರಾರಂಭಿಸುತ್ತಾರೆ.

ಹವಾಮಾನ ಮತ್ತು ಮೂಡ್ ಸ್ವಿಂಗ್ (Mood Swing) ಬಗ್ಗೆ 2011 ರಲ್ಲಿ ಅಧ್ಯಯನ ನಡೆಸಲಾಯಿತು. ಇದರಲ್ಲಿ, ಹವಾಮಾನ ಮತ್ತು ಮನಸ್ಥಿತಿಯ ಆಧಾರದ ಮೇಲೆ ನಾಲ್ಕು ವರ್ಗಗಳ ಜನರನ್ನು ವ್ಯಾಖ್ಯಾನಿಸಲಾಗಿದೆ. ಹವಾಮಾನವನ್ನು ಬದಲಾಯಿಸುವ ಮೂಲಕ ಯಾವ ರೀತಿಯ ಜನರ ಮೇಲೆ ಪರಿಣಾಮ ಬೀರಬಹುದು ಎಂದು ಈ ಅಧ್ಯಯನದಲ್ಲಿ ತಿಳಿಸಲಾಯಿತು.

ಈ ಅಧ್ಯಯನದ ಮೊದಲ ವರ್ಗವು ಬೇಸಿಗೆಯನ್ನು (summer season) ಇಷ್ಟಪಡುವ ಜನರನ್ನು ಒಳಗೊಂಡಿತ್ತು. ಅಂತಹ ಜನರ ಮನಸ್ಥಿತಿ ಬಿಸಿ ಮತ್ತು ಬಿಸಿಲಿನ ವಾತಾವರಣದಲ್ಲಿ ಸುಧಾರಿಸುತ್ತದೆ. ಈ ಜನರು ಬೇಸಿಗೆಯಲ್ಲಿ ಸಂತೋಷ ಮತ್ತು ಶಕ್ತಿಯುತವಾಗಿರುತ್ತಾರೆ. ಎರಡನೇ ವರ್ಗದ ಜನರು ಬೇಸಿಗೆಯನ್ನು ಇಷ್ಟಪಡುವುದಿಲ್ಲ. ತಾಪಮಾನವು (Temperature) ಹೆಚ್ಚಾದಾಗ, ಅಂತಹ ಜನರ ಮನಸ್ಥಿತಿ ಹದಗೆಡಲು ಪ್ರಾರಂಭಿಸುತ್ತದೆ.

ಸಂಶೋಧಕರ ಪ್ರಕಾರ, ಮೂರನೇ ವರ್ಗದ ಜನರಿಗೆ ಮಳೆ ಅಂದರೆ ಇಷ್ಟವಿರೋದಿಲ್ಲ ಮತ್ತು ಅದರಿಂದ ಅವರು ಖಿನ್ನತೆಗೆ (Depression) ಒಳಗಾಗುತ್ತಾರೆ. ಆದರೆ ನಾಲ್ಕನೇ ವರ್ಗದ ಜನರಿಗೆ ಯಾವುದೇ ಹವಾಮಾನ ಮನಸ್ಥಿತಿ ಮೇಲೆ ಪರಿಣಾಮ ಬೀರೋದಿಲ್ಲ. ಅಂತಹ ಜನರ ಮನಸ್ಥಿತಿ ಪ್ರತಿ ಋತುವಿನಲ್ಲಿ ಒಂದೇ ಆಗಿರುತ್ತದೆ. ಹಾಗಾಗಿ ಒಟ್ಟಲ್ಲಿ ಹವಾಮಾನ ಬದಲಾವಣೆಯಿಂದ ಜನರ ಮೇಲೆ ವಿಭಿನ್ನ ರೀತಿಯಲ್ಲಿ ಪರಿಣಾಮ ಬೀರುತ್ತದೆ ಅನ್ನೋದು ನಿಜ.

ಕೆಲವು ವರ್ಷಗಳ ಹಿಂದೆ ಬಹಿರಂಗಪಡಿಸಿದ ಅಧ್ಯಯನದ ಪ್ರಕಾರ, ಹವಾಮಾನವು ನಮ್ಮ ಮಾನಸಿಕ ಆರೋಗ್ಯದ ಮೇಲೆ ಹೆಚ್ಚು ಪರಿಣಾಮ ಬೀರುತ್ತದೆ. ತಾಪಮಾನವು 10 ಡಿಗ್ರಿ ಸೆಲ್ಸಿಯಸ್ ಗಿಂತ ಕಡಿಮೆಯಾದಾಗ ಅಥವಾ 21 ಡಿಗ್ರಿ ಸೆಲ್ಸಿಯಸ್ ಅನ್ನು ಮೀರಿದಾಗ, ಜನರು ನಕಾರಾತ್ಮಕ ಅನುಭವ (negative experience) ಪಡೆಯುತ್ತಾರೆ ಮತ್ತು ಅವರ ಆತ್ಮವಿಶ್ವಾಸದ ಮಟ್ಟವು ಕಡಿಮೆಯಾಗುತ್ತದೆ.

ಇದಲ್ಲದೆ, ಮಾಯಿಶ್ಚರೈಸರ್ (Moisturizer) ಮತ್ತು ಮಂಜು ಕೂಡ ಮನಸ್ಥಿತಿಯನ್ನು ಹದಗೆಡಿಸುತ್ತದೆ. ಮತ್ತೊಂದೆಡೆ, ತಾಪಮಾನವು 10 ಡಿಗ್ರಿ ಸೆಲ್ಸಿಯಸ್ ಮತ್ತು 21 ಡಿಗ್ರಿ ಸೆಲ್ಸಿಯಸ್ ನಡುವೆ ಇದ್ದಾಗ ಜನರು ಸಂತೋಷವಾಗಿರುತ್ತಾರೆ. ಅವರ ಆತ್ಮವಿಶ್ವಾಸದ (Confidence) ಮಟ್ಟ ಹೆಚ್ಚಾಗುತ್ತದೆ. ಸ್ಪಷ್ಟ ಆಕಾಶ ಮತ್ತು ಸೂರ್ಯನ ಬೆಳಕು (Sun Rays) ನಮ್ಮ ಮನಸ್ಥಿತಿಯನ್ನು ಸುಧಾರಿಸುತ್ತದೆ. ತಾಪಮಾನವು ಮನಸ್ಥಿತಿಯ ಮೇಲೆ ಹೆಚ್ಚಿನ ಪರಿಣಾಮ ಬೀರುತ್ತದೆ.