ಫಿಲ್ಮ್ ಸಿಟಿ, ವಿಮಾನ ನಿಲ್ದಾಣ.. ಚುನಾವಣೆ ಗೆದ್ದರೆ ಈ 5 ಕೆಲಸ ಮಾಡ್ತೀನಂದಿದಾರೆ ಬಾಲಿವುಡ್ ನಟಿ ಕಂಗನಾ ರಣಾವತ್

2024 ರ ಲೋಕಸಭಾ ಚುನಾವಣೆಯಲ್ಲಿ ಗೆದ್ದರೆ ಕಂಗನಾ ರನೌತ್ ಮಾಡುವುದಾಗಿ ಭರವಸೆ ನೀಡಿದ್ದ 5 ವಿಷಯಗಳು ಇಲ್ಲಿವೆ.

kangna

ಈ ವರ್ಷ ರಾಜಕೀಯ ಜಗತ್ತಿಗೆ ಕಾಲಿಟ್ಟ ಬಾಲಿವುಡ್ ನಟಿ ಕಂಗನಾ ರಣಾವತ್ ಹಿಮಾಚಲ ಪ್ರದೇಶ ಲೋಕಸಭೆ ಚುನಾವಣೆ 2024 ರಲ್ಲಿ ಮಂಡಿ ಕ್ಷೇತ್ರದಿಂದ ವಿಜೇತರಾಗಿದ್ದಾರೆ.

ತಮಗೆ ಮತ ಹಾಕಿದವರಿಗೆ ಕೃತಜ್ಞತೆಗಳನ್ನು ವ್ಯಕ್ತಪಡಿಸಿದ ಅವರು, 'ಈ ಬೆಂಬಲಕ್ಕಾಗಿ ಎಲ್ಲಾ ಮಂಡಿ ನಿವಾಸಿಗಳಿಗೆ ಹೃತ್ಪೂರ್ವಕ ಕೃತಜ್ಞತೆಗಳು, ಈ ಪ್ರೀತಿ ಮತ್ತು ವಿಶ್ವಾಸ ಈ ಗೆಲುವು ನಿಮ್ಮೆಲ್ಲರದ್ದು, ಇದು ಪ್ರಧಾನಿ ಮೋದಿ ಮತ್ತು ಬಿಜೆಪಿ ಮೇಲಿನ ನಂಬಿಕೆಯ ಗೆಲುವು, ಇದು ಸನಾತನ ಸಂಸ್ಥೆಯ ಗೆಲುವು, ಇದು ಮಂಡಿಯ ಗೌರವದ ಗೆಲುವು' ಎಂದಿದ್ದಾರೆ.

2024 ರ ಲೋಕಸಭಾ ಚುನಾವಣೆಯಲ್ಲಿ ಗೆದ್ದರೆ ಕಂಗನಾ ರನೌತ್  ಮಾಡುವುದಾಗಿ ಮಂಡಿ ಜನತೆಗೆ ಭರವಸೆ ನೀಡಿದ್ದ 5 ವಿಷಯಗಳು ಇಲ್ಲಿವೆ.

1. ಬಾಲಿವುಡ್ ತ್ಯಜಿಸುವೆ
ಆಜ್ ತಕ್‌ಗೆ ನೀಡಿದ ಸಂದರ್ಶನದಲ್ಲಿ, ಬಾಲಿವುಡ್ ನಟಿ ಮಂಡಿ ಕ್ಷೇತ್ರದಿಂದ ಲೋಕಸಭೆ ಚುನಾವಣೆಯಲ್ಲಿ ಗೆದ್ದರೆ ಚಿತ್ರರಂಗವನ್ನು ತ್ಯಜಿಸುವುದಾಗಿ ಹೇಳಿದ್ದರು. 'ಸಿನಿಮಾ ಜಗತ್ತು ಸುಳ್ಳು, ಅಲ್ಲಿ ಎಲ್ಲವೂ ನಕಲಿ. ಅವರು ವಿಭಿನ್ನ ವಾತಾವರಣವನ್ನು ಸೃಷ್ಟಿಸುತ್ತಾರೆ. ಇದು ಪ್ರೇಕ್ಷಕರನ್ನು ಆಕರ್ಷಿಸುವ ನಕಲಿ ಗುಳ್ಳೆಯಂತೆ ಹೊಳಪುಳ್ಳ ಜಗತ್ತು.

'ಆದರೆ, ರಾಜಕೀಯ ವಾಸ್ತವ. ನಾನು ತುಂಬಾ ಭಾವೋದ್ರಿಕ್ತ ವ್ಯಕ್ತಿ. ಆದ್ದರಿಂದ ನಾನು ತುಂಬಾ ಫಲವತ್ತಾದ ಮನಸ್ಸನ್ನು ಹೊಂದಿದ್ದೇನೆ ಮತ್ತು ನಾನು ಉತ್ಸಾಹದಿಂದ ತೊಡಗಿಸಿಕೊಳ್ಳಲು ಬಯಸುತ್ತೇನೆ' ಎಂದು ನಟಿ ಹೇಳಿದ್ದರು.

2. ಜವಾಬ್ದಾರಿಯುತ ಆಡಳಿತ
ತನ್ನ ರ್ಯಾಲಿಯೊಂದರಲ್ಲಿ, ಕಂಗನಾ ಹಿಮಾಚಲ ಪ್ರದೇಶ ಎದುರಿಸುತ್ತಿರುವ ಸವಾಲುಗಳನ್ನು ಎತ್ತಿ ತೋರಿಸಿದರು ಮತ್ತು ದುರುಪಯೋಗ ಮತ್ತು ಅಸಮರ್ಥತೆಯ ಆರೋಪಕ್ಕಾಗಿ ರಾಜ್ಯ ಕಾಂಗ್ರೆಸ್ ಸರ್ಕಾರವನ್ನು ಟೀಕಿಸಿದರು. ಪ್ರವಾಹ ಪರಿಹಾರಕ್ಕಾಗಿ ಮಂಜೂರು ಮಾಡಿದ ಕೇಂದ್ರ ಸರ್ಕಾರದ ಹಣವನ್ನು ದುರುಪಯೋಗಪಡಿಸಿಕೊಳ್ಳಲಾಗಿದೆ ಮತ್ತು ಜವಾಬ್ದಾರಿಯುತ ಆಡಳಿತದ ಅಗತ್ಯವನ್ನು ಒತ್ತಿ ಹೇಳಿದ್ದು, ತಾನು ಗೆದ್ದರೆ ಖಂಡಿತಾ ಜವಾಬ್ದಾರಿಯುತ ಆಡಳಿತ ನೀಡುವೆ ಎಂದಿದ್ದಾರೆ.

3. ಮನಾಲಿಯಲ್ಲಿ ಫಿಲ್ಮ್ ಸಿಟಿ
ಮನಾಲಿಯ ಲಾರಂಕೆಲೋನ್ ಗ್ರಾಮದಲ್ಲಿ ಗ್ರಾಮಸ್ಥರನ್ನು ಉದ್ದೇಶಿಸಿ ಮಾತನಾಡಿದ ಕಂಗನಾ, ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಚಲನಚಿತ್ರಗಳ ಚಿತ್ರೀಕರಣಕ್ಕೆ ಅನುಕೂಲವಾಗುವಂತೆ ಮನಾಲಿಯಲ್ಲಿ ಫಿಲ್ಮ್ ಸಿಟಿ ತೆರೆಯಲಾಗುವುದು ಎಂದು ಹೇಳಿದ್ದಾರೆ. 

4. ಮನಾಲಿಯಲ್ಲಿ ವಿಮಾನ ನಿಲ್ದಾಣ
ಅವರು ಮನಾಲಿಯಲ್ಲಿ ಪ್ರವಾಸೋದ್ಯಮವನ್ನು ಉತ್ತೇಜಿಸಲು ಪ್ರಯತ್ನಗಳನ್ನು ಮಾಡುವುದಾಗಿ ಹೇಳಿದರು ಮತ್ತು ಮನಾಲಿಯಲ್ಲಿ ವಿಮಾನ ನಿಲ್ದಾಣವನ್ನು ಅಭಿವೃದ್ಧಿಪಡಿಸಲಾಗುವುದು ಮತ್ತು ರಸ್ತೆ ಮೂಲಸೌಕರ್ಯವನ್ನು ಸುಧಾರಿಸಲಾಗುವುದು ಎಂದು ಹೇಳಿದ್ದಾರೆ.

5. ಮೂಲಭೂತ ಮೂಲಸೌಕರ್ಯ ಸುಧಾರಣೆಗಳು 
ನಟಿಯು, 'ದೊಡ್ಡ ಪ್ರಮಾಣದಲ್ಲಿ ಮಾಡಬೇಕಾದ ಹಲವು ಕೆಲಸಗಳಿವೆ. ಆದರೆ, ಮೂಲಭೂತ ವಿಷಯಗಳು ಕಾಣೆಯಾಗಿವೆ. ಮೂಲಭೂತ ರಚನಾತ್ಮಕ ಸಮಸ್ಯೆಗಳಿವೆ. ನನ್ನ ಪ್ರಾಥಮಿಕ ಗಮನವು ಮೂಲ ಅವಶ್ಯಕತೆಗಳ ಮೇಲೆ. ರಸ್ತೆಗಳು ಹದಗೆಟ್ಟಿವೆ. ಶಾಲೆಗಳು ಮತ್ತು ಆಸ್ಪತ್ರೆಗಳಲ್ಲಿ ನಾನು ಕೆಲಸ ಮಾಡಬೇಕಾಗಿದೆ' ಎಂದಿದ್ದಾರೆ.