ರಶ್ಮಿಕಾ ಜೊತೆ ಲಿಂಕ್-ಅಪ್ ಬಗ್ಗೆ ವಿಜಯ್ ದೇವರಕೊಂಡ ಹೇಳಿದ್ದೇನು? ಕೊನೆಗೂ ಸತ್ಯ..?!
ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಅವರ ಸಂಬಂಧದ ಬಗ್ಗೆ ಆಗಾಗ್ಗೆ ಗಾಸಿಪ್ಗಳು ಹರಿದಾಡುತ್ತಿರುತ್ತವೆ. ಆದರೆ ಇಬ್ಬರೂ ಈ ಬಗ್ಗೆ ಬಾಯ್ಬಿಟ್ಟಿರಲಿಲ್ಲ. ಈಗ ವಿಜಯ್ ಒಂದು ಸಂದರ್ಶನದಲ್ಲಿ ಈ ಬಗ್ಗೆ ಮಾತನಾಡಿದ್ದಾರೆ...
ಫಿಲ್ಮ್ಫೇರ್ ಸಂದರ್ಶನದಲ್ಲಿ ವಿಜಯ್ಗೆ ರಶ್ಮಿಕಾ ಜೊತೆಗಿನ ಸಂಬಂಧದ ಬಗ್ಗೆ ಪ್ರಶ್ನೆ ಎದುರಾಯಿತು. ಚಿತ್ರರಂಗದ ಒಳಗಿನವರು ಆಗಾಗ್ಗೆ ಇವರಿಬ್ಬರ ಹೆಸರನ್ನು ಜೋಡಿಸುತ್ತಾರೆ, ಇದು ನಿಜವೇ ಎಂದು ಕೇಳಲಾಯಿತು.
ವಿಜಯ್, "ಇದನ್ನ ಒಳಗಿನವರನ್ನೇ ಕೇಳಿ" ಅಂದ್ರು. ನಂತರ ರಶ್ಮಿಕಾ ಜೊತೆಗಿನ ತಮ್ಮ ಆನ್-ಸ್ಕ್ರೀನ್ ಕೆಮಿಸ್ಟ್ರಿ ಬಗ್ಗೆ ಮಾತನಾಡಿದರು. "ನಾನು ರಶ್ಮಿಕಾ ಜೊತೆ ಹೆಚ್ಚು ಸಿನಿಮಾ ಮಾಡಿಲ್ಲ. ಇನ್ನೂ ಮಾಡಬೇಕು. ಅವರು ಒಳ್ಳೆಯ ನಟಿ. ಸುಂದರಿ ಕೂಡ. ಹಾಗಾಗಿ ಕೆಮಿಸ್ಟ್ರಿ ಚೆನ್ನಾಗಿರುತ್ತೆ" ಅಂದ್ರು.
ರಶ್ಮಿಕಾ ಒಳ್ಳೆಯವರು, ಕಷ್ಟಪಟ್ಟು ದುಡಿಯುತ್ತಾರೆ, ಛಲಗಾತಿಯುಳ್ಳವರು, ಎಲ್ಲರ ಸಂತೋಷಕ್ಕೆ ಆದ್ಯತೆ ಕೊಡುತ್ತಾರೆ ಎಂದು ವಿಜಯ್ ಹೇಳಿದರು. ಆದರೆ ಇದೇ ಅವರ ನ್ಯೂನತೆ ಕೂಡ, ಸ್ವಲ್ಪ ಸಮತೋಲನ ಬೇಕು ಅಂದ್ರು.
ಮದುವೆ ಯಾವಾಗ ಅಂತ ಕೇಳಿದ್ದಕ್ಕೆ, "ಒಂದು ದಿನ ಆಗೇ ಆಗುತ್ತೆ" ಅಂದ್ರು ವಿಜಯ್ ದೇವರಕೊಂಡ. ಆದ್ರೆ, ಯಾವಾಗ, ಯಾರೊಂದಿಗೆ ಎಂಬ ಬಗ್ಗೆ ಕ್ಲಿಯರ್ ಕಟ್ ಆಗಿ ಹೇಳಲೇ ಇಲ್ಲ..
ರಶ್ಮಿಕಾ, ವಿಜಯ್ಗೆ ಹುಟ್ಟುಹಬ್ಬದ ಶುಭಾಶಯ ಕೋರಿ 'ವಿಜ್ಜು' ಅಂತ ಕರೆದಿದ್ದರು. ಇದರಿಂದ ಅವರು ವಿಜಯ್ರನ್ನ ಪ್ರೀತಿಯಿಂದ ಏನಂತ ಕರೆಯುತ್ತಾರೆ ಅಂತ ಗೊತ್ತಾಯ್ತು.
ವಿಜಯ್ ಮತ್ತು ರಶ್ಮಿಕಾ 'ಗೀತಾ ಗೋವಿಂದಂ' ಮತ್ತು 'ಡಿಯರ್ ಕಾಮ್ರೇಡ್' ಚಿತ್ರಗಳಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ವಿಜಯ್ರ 14ನೇ ಚಿತ್ರ 'VD14'ನಲ್ಲಿ ರಶ್ಮಿಕಾ ನಾಯಕಿ ಎಂಬ ಗಾಳಿಸುದ್ದಿ ಇದೆ. ಈ ಚಿತ್ರಕ್ಕೆ ರಾಹುಲ್ ಸಾಂಕೃತ್ಯಾಯನ್ ನಿರ್ದೇಶನ ಮಾಡಲಿದ್ದಾರೆ. ಆದರೆ ಇದರ ಅಧಿಕೃತ ಘೋಷಣೆ ಇನ್ನೂ ಆಗಿಲ್ಲ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.
