ಅಬುಧಾಬಿಯಲ್ಲಿ ಧರೆಗಿಳಿದ ತಾರೆಯರು: ಐಫಾದಲ್ಲಿ ಮಿಂಚಿದ ಸೆಲೆಬ್ರಿಟಿಸ್ ಫೋಟೋಸ್‌

ಅಬುಧಾಬಿಯಲ್ಲಿ ನಡೆಯುತ್ತಿರುವ ಐಫಾ-2024 ಸಮಾರಂಭದಲ್ಲಿ ಬಾಲಿವುಡ್ ನಟ ಒಟಿಟಿ ಸ್ಟಾರ್, ತಮನ್ನಾ ಗೆಳೆಯ ವಿಜಯ್‌ ವರ್ಮಾ  ಕಪ್ಪು ಬಣ್ಣದ ನಾರ್ಮಲ್ ಸೂಟ್‌ಗೆ ಬಿಳಿ ಶೂ ಧರಿಸಿ ಕಂಗೊಳಿಸಿದರು.

ಹಾಗೆಯೇ 90ರ ದಶಕದ ಬಾಲಿವುಡ್‌ನ ರಾಣಿ ನಟಿ ರಾಣಿ ಮುಖರ್ಜಿ ಬೂದು ಬಣ್ಣದ ಸೀರೆ ಹಾಗೂ ಅದಕ್ಕೊಪ್ಪುವ ಬೌಸ್‌ ಧರಿಸಿ ಈ ಐಫಾದಲ್ಲಿ ಕಂಗೊಳಿಸಿದರು. ಈ ಸಮಾರಂಭದಲ್ಲಿ ಅವರಿಗೆ 'ಮಿಸೆಸ್ ಚಟರ್ಜಿ ವರ್ಸಸ್ ನಾರ್ವೆ' ಸಿನಿಮಾದಲ್ಲಿನ ಅಭಿನಯಕ್ಕಾಗಿ ಅತ್ಯುತ್ತಮ ನಟಿ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.

ಹಾಗೆಯೇ ಬಾಲಿವುಡ್‌ನ ಮತ್ತೊಬ್ಬ ಹಿರಿಯ ನಟಿ ಡ್ರೀಮ್‌ ಗರ್ಲ್‌ ಹೇಮಾ ಮಾಲಿನಿ ಅವರಿಗೆ ಭಾರತೀಯ ಸಿನಿಮಾದಲ್ಲಿ ಮಾಡಿದ ಜೀವಮಾನದ ಸಾಧನೆಗಾಗಿ ಅತ್ಯುತ್ತಮ ಸಾಧನೆ ಪ್ರಶಸ್ತಿ ನೀಡಿ ಸನ್ಮಾನಿಸಲಾಯ್ತು. ಈ ಸಮಾರಂಭಕ್ಕೆ ಹೇಮಾ ಹೊಳೆಯುವ ಬೂದು ಬಣ್ಣದ ಸೀರೆಯುಟ್ಟು ಆಗಮಿಸಿದ್ದರು.

 ಐಫಾ ಸಮಾರಂಭದ ನಿರೂಪಣೆಯನ್ನು ಮಾಡಿದ ನಟ ಶಾರುಖ್ ಖಾನ್ ಅವರಿಗೆ ಜವಾನ್ ಸಿನಿಮಾದಲ್ಲಿನ ನಟನೆಗಾಗಿ ಅತ್ಯುತ್ತಮ ನಟ ಪ್ರಶಸ್ತಿ ನೀಡಲಾಯ್ತು.

ಐಶ್ವರ್ಯಾ ರೈ ಅವರಿಗೂ ಈ ಬಾರಿಯ ಐಫಾದಲ್ಲಿ ಅವರ ಐತಿಹಾಸಿಕ ತಮಿಳು ಸಿನಿಮಾ ಪೊನ್ನಿಯಿನ್ ಸೆಲ್ವನ್-2ನಲ್ಲಿನ ನಟನೆಗಾಗಿ ಪ್ರಶಸ್ತಿ ನೀಡಿ ಗೌರವಿಸಲಾಯ್ತು. ಈ ಸಿನಿಮಾಗೆ ಈಗಾಗಲೇ ಫಿಲಂ ಫೇರ್ ಅವಾರ್ಡ್ ಕೂಡ ಲಭಿಸಿದೆ. ಈ ಕಾರ್ಯಕ್ರಮದಲ್ಲಿ ತೆಲುಗಿನ ಹಿರಿಯ ನಟ ಬಾಲಯ್ಯ ಅವರ ಕಾಲಿಗೆ ಬಿದ್ದು ನಟಿ ಆಶೀರ್ವಾದ ಪಡೆದಿದ್ದು ಕೂಡ ಗಮನ ಸೆಳೆಯಿತು. 

ಸೀತಾರಾಮ ನಟಿ ಮೃಣಾಳ್ ಠಾಕೂರ್‌, ಸಂಪೂರ್ಣ ವಿಭಿನ್ನ ಹಾಗೂ ಸ್ಟೈಲಿಶ್‌ ಲುಕ್‌ನಲ್ಲಿ ಐಫಾ ಸಮಾರಂಭಕ್ಕೆ ಗ್ರ್ಯಾಂಡ್ ಆಗಿ ಎಂಟ್ರಿ ಕೊಟ್ಟರು.

ಬಾಲಿವುಡ್ ನಟಿ ರೇಖಾ ಎಂದಿನಂತೆ ಸಾರಿ ಧರಿಸಿ ತಮ್ಮ ಎಂದಿನ ರೇಡಿಯೆಂಟ್ ಲುಕ್‌ನಲ್ಲಿ ಗಮನ ಸೆಳೆದರು ಕ್ರೀಮ್ ಬಣ್ಣದ ಸೀರೆ ಧರಿಸಿದ್ದ ರೇಖಾ, ಈ ಸಮಾರಂಭದಲ್ಲಿ20 ನಿಮಿಷ ನಿರಂತರ ನೃತ್ಯ ಮಾಡುವ ಮೂಲಕ ಸಿನಿ ರಸಿಕರ ಮನಸೆಳೆದರು.